Kabanata 2

"Where are you right now, Marco?"

Napasulyap si Marco sa kanyang cellphone bago diretsong tumingin sa daan. "Nasa Manila ako, Grandma. May inaasikaso akong papeles," sagot niya sa kanyang lola na si Doña Greta.

"Kailan ka ba uuwi?" Muling tanong ng matandang babae.

Malakas siyang bumuntong hininga. With those questions, he already knew the next statement. "Hindi ako sigurado, Grandma," tamad niyang sagot.

"Umuwi ka bukas, Marco. May sinet-up na akong blind date para sayo. Alalahanin mong thirty five years old ka na. Oras na lumampas ka sa edad mong yan, hindi mo makukuha ang hacienda na pamana ng Grandpa mo. So you better get your ass back here at wag mo akong ipahiya sa babaeng gusto ko para sayo," mataray nitong asik at pinatayan na siya ng tawag.

Napasandal nalang siya sa upuan habang nagmamaneho. He was so sick and tired with these endless blind dates just so he could marry. Of all the clauses, bakit ba yun pa ang napili ng Lolo niya na isulat sa last will nito bago pumanaw?

Itinuon nalang niya ang kanyang atensyon sa daan nang may matanaw siyang babae na umakyat sa barrier ng tulay sa unahan. Nangunot ang kanyang noo. Is she going to commit suicide?

Napailing siya at pilit na iwinaksi sa kanyang isipan ang kanyang nakita subalit kakalampas palang niya sa babae nang tapakan niya ang brake ng kanyang sasakyan. Padabog siyang bumaba ng kotse at mabilis na nilapitan ang babae. Agad niyang ipinulupot ang isang braso sa bewang nito at inalis ito sa barrier ng tulay.

Napasalampak naman sa sahig ang babae pero nang mag-angat ito ng tingin, sumalubong sa kanyang ang nakamamatay nitong titig.

"Bakit mo pa ako iniligtas?!" Sumbat nito sa kanya.

Napakurap-kurap naman siya. So he did the wrong thing of saving her?

"Sana hindi ka nalang nakialam!" Dagdag pa nito.

Sarkastiko naman siyang natawa bago nagsalita. "Look Miss, kung gusto mong magpakamatay, do it inside your house para walang makakita sa'yo! Tatapusin mo na nga lang ang buhay mo, magpapakonsensya ka pa sa iba!"

Subalit imbes na sagutin siya, nagsimula na itong humagulhol ng iyak. Inilinga niya ang tingin sa paligid. Walang ibang tao doon bukod sa kanila. At may iilan ding sasakyan na dumadaan dahil nasa highway nga sila.

Is this some kind of scam? Kahit naman minsan lang siyang lumuluwas ng siyudad dahil abala siya sa hacienda, hindi pa naman siya naloko kahit kailan.

At dahil nagpatuloy lang sa pag-iyak ang babae. Napagpasyahan niyang bumalik na sa kanyang sasakyan subalit kakabukas palang niya ng pinto nang magsimula ng pumatak ang ulan.

"Shít!" He hissed.

Dali-dali siyang sumampa sa driver's seat at pinaandar na ang makina. Lumingon siya sa babaeng iniligtas niya pero nanatili lang itong nakasalampak sa sahig at nagpatuloy sa pag-iyak. Napasimangot siya. Is she an actress filming an emotional scene?

Sandali pa niya itong pinanood pero lumakas nalang ang buhos ng ulan, hindi parin ito gumalaw sa kinaroroonan. Mariin siyang napapikit. He may not be a nice person but he can't watch something like this.

Naiinis siyang bumaba ng sasakyan at padarag na hinila ang babae patayo saka kinaladkad papasok sa kanyang kotse. Nang maikabit niya ang seatbelt nilang dalawa ay agad na niyang pinausad ang sasakyan paalis ng tulay.

Huminto siya sa isang abandonadong gasoline station may kalayuan na sa kinaroroonan nila kanina. Tanging mahihinang hikbi lang ng babae at patak ng ulan ang maririnig sa buong lugar. Tahimik lang din si Marco habang nakasandal sa driver's seat at hinihintay na tumila ang ulan.

Makalipas ang halos kalahating oras, kusa naring tumigil ang ulan. Saka palang lumingon si Marco sa babae na nasa tabi niya. Basa ang hoodie na suot nito at maging ang pajama. Medyo nagulo ang buhok at namumugto na ang mga mata.

"Saan ka ba nakatira para maihatid kita?" Naiinip niyang tanong.

Masyado siyang abala para pag-aksayahan ng oras itong babaeng hindi naman niya kilala. Ni hindi niya nga alam kung bakit pa niya ito isinakay sa kotse niya.

"D—dito nalang ako bababa," anito sa mahinang boses.

Iginala niya ang mga mata niya sa paligid. Wala siyang nakikitang bahay doon. Akmang magsasalita sana siya nang mapadako ang kanyang mga mata sa led screen na nasa kabilang kalsada.

BREAKING NEWS: TOP ACTRESS CHANTAL RIVERA, INVOLVED IN A LEAKED EXPLICIT VIDEO; DISQUALIFIED FROM BOX OFFICE AWARDS.

Napailing nalang siya sa balitang nakita niya subalit maya-maya pa'y natigilan siya at dahan-dahan na napatingin sa babaeng nasa passenger's seat ng kanyang kotse. Mukhang napansin din naman nito ang kanyang ginawa dahil napalingon ito sa kanya mula sa led screen sa labas.

Oh. So this woman is the scandalous actress on the TV huh? Tsk.

"H—hindi ako yung nasa video," anito sa mahinang boses pero puno ng pagsusumamong paniwalaan niya.

Umangat ang sulok ng kanyang labi bago nag-iwas ng tingin. "I don't care if it was you or not. It has nothing to do with me," malamig niyang turan.

Ilang sandaling katahimikan ang namagitan sa kanila nang magring ulit ang kanyang cellphone. Nang tingnan niya ang screen, numero na naman iyon ng kanyang lola.

Pinili niyang patayin ang screen. Wala siyang balak na sagutin iyon dahil kukulitin lang naman siya ng matandang babae tungkol sa blind date na sinasabi nito.

Muli siyang napasulyap sa babae actress. Nakayuko na ito habang magkasalikop ang dalawang palad. He was about to kick her out when a bold idea came into his mind.

"Do you mind marrying me?" Bigla niyang tanong.

Marahas itong nag-angat ng tingin. Bakas sa mga mata ng babae ang pagkaalarma sa sinabi niya. Umangat ang sulok ng kanyang labi bago ito tiningan mula ulo hanggang paa.

"Don't worry, I don't have any interest in you," walang emosyon niyang wika.

Nakita niyang unti-unting kumalma ang ekspresyon nito kaya nagpatuloy na siya. "I need to secure my inheritance from my grandfather by a marriage. Patapon narin naman ang buhay mo, hindi ba? You're even planning to kill yourself. So why not help me just for once. Consider it as a repayment for saving your life even if you don't want to be save."

"I can pay you a huge amount of cash if you want. Then kapag tapos na ang kontrata natin, you can do whatever you want to do with your life. Even if you want to die, I won't interfere with it..."