Chapter 57 (Part 1)

CHAPTER 57 (PART 1)

Parehong matamlay ang dalawang bata nitong mga nakaraang araw kahit pa palagi naman nakakausap ng mga ito si Castiel sa telepono. Ito rin ang naghahatid at sumusundo kay Kismo, h ahalikan si Nadia at titigan siya bago umalis.

Tumuloy sila sa bakanteng bahay na pinaparentahan na nasa harap lang ng bahay nina Auntie Andeng. Mas minabuti niyang huwag makituloy kina Auntie Andeng dahil may mga anak at apo rin itong kasama sa bahay.

Kaya naman niyang magbayad. Isa pa, mas mabuti ring may malawak na espasyo sina Nadia at Kismo kung gugustuhin man maglaro ng mga ito. Ang problema nga lang, halos ayaw lumabas ng dalawa. Kadalasan ay nagkukulong sa kwarto o kaya at tutok sa telibisyon na parang nawalan ng gana sa lahat.

Joana stands on her decision. Alam niyang lilipas at masasanay rin ang mga anak niya sa bagong paligid na ginagalawan. Kaunting panahon pa at matatanggap rin ng mga ito na hindi habambuhay ay kasama ng mga ito