Chapter 47: Team Building prt2

“WOOOW!” ANG GANDA!”

Kanya-kanyang kuha agad ng cellphone ang mga kasamahan ni Keirah pagkababa pa lang ng Tourist Bus na sumundo sa kanila mula sa paliparan.

Kanya-kanyang kuha ng bawat anggulo ng tanawin. Napakalinis at puting-puti ang buhangin ang nilalakaran nila patungo sa mga cottages na inarkila.

Napaka-lamig ng simoy ng hangin na nagmumula sa malawak na dagat.

Parang lahat ng problema mo sa siyudad ay maiibsan kapag napagmasdan mo ang sumasayaw na mga alon.

“Beshy, selfie tayo!”

Natigil ang pagtanaw ni Keirah sa dagat ng biglang yumakap sa tagiliran niya si Melanie. May hawak itong selfie stick at tinatapat sa kanilang dalawa.

“Hoy sali ako dyan!” tumatakbong lapit sa kanila ni Lorraine. Yumakap naman ito sa kabilang tagiliran niya. Napagitnaan siya ng dalawa.

Klik!

“See. Ang ganda ng dagat!” ani Melanie at zino-zoom in pa ang picture nila.

“Wait, ang pangit ko dyan. Delete mo!” inagaw ni Lorraine ang phone kay Melanie.

“‘Wag mo na i-d