Chapter 76: Cold-hot night (SPG)

Tapos na ang pag-ikot ng ferris wheel at nakababa na rin sila. Tiningala ni Keirah ang langit.

Maulap.

Sinulyapan niya ang paligid at unti-unting nag-aalisan na ang mga tao.

“Mukhang uulan pa yata,” ani Davidson, nakatingala din ito sa langit.

“Hmm, sayang naman. Hindi pa tayo nakakapag-enjoy eh,” nakangusong sabi niya. Gusto niya pang ikutin ang park. Pero ayaw na silang pag-bigyan ng panahon.

“Bumalik na tayo sa kotse,” hinawakan ni Davidson ang kamay niya at inalalayan siya mag-lakad.

Kahit na madilim na ang langit, mabagal pa rin ang lakad nila. Magkahawak-kamay nilang binabagtas ang kahabaan ng parking.

Inalis ni Davidson ang kamay nito sa kamay niya at hinapit ang bewang niya para mag-dikit sila. Pinulupot niya naman ang braso sa bewang ng lalake.

“Hmm, saan mo gustong pumunta?” maya-maya ay tanong ni Davidson.

“May mapupuntahan pa ba tayo? Uulan na kaya.”

“Oo nga eh, mag-book tayo ng hotel, baka abutin tayo ng ulan pabalik ng QC.”

“Sige, ikaw bahala.”

Ilang saglit pa naman