Chapter 19

Chapter 19: Destroy.... what?

"Ba't di ka nagdala ng payong? Dapat lagi mong dala 'yon!" bahagyang sigaw sa akin ni Galand kaya inambahan ko s'ya ng suntok.

"Alam mo? Hindi naman ikaw yung mababasa e. Ang dami mo pang sinasabi." inis na saad ko at akmang bababa na ng sasakyan ng hawakan n’ya ang siko ko.

"Oo na, oo na. Ihahatid muna kita bago ako dumiretso sa 7/21 d'yan sa malapit."

Napairap na lang ako nang bumaba s'ya at umikot. Ewan ko ba dito, malapit lang naman pero parang ayaw pa ako ihatid dahil pupunta raw s'yang 7/21. Palibhasa, s'ya lang ang may dala ng payong.

Binuksan n'ya ang pinto saka inilahad ang kamay sa akin.

"Tayo na."

Inirapan ko lang s'ya at hindi pinansin ang kamay n'ya. Bumaba ako ng mag-isa at sumukob sakan'ya.

"Arte." bulong nito.

Nagsimula kaming maglakad patungo sa kompanya ni Mr. Guzman. Yes, bumalik na ako. Kailangan ko na talaga s'yang makausap regarding sa kaso ng bahay. Ngayon ang oras at araw na sinabi sa akin noong babae sa front desk. Wala na s'yang dahilan para hindi magpakita sa akin dahil may appointment na ako sakan'ya.

Napakunot ang noo ko ng biglang hawakan ni Galand ang balikat ko at hinila ako palapit sakan'ya.

"Nababasa ang balikat ko kaya nilapit kita. Nakikisukob ka lang kaya bawal magreklamo."

Napailing na lang ako sa sinabi n'ya at naglakad na lamang hanggang sa makarating na ako sa kompan’ya. Kaagad akong pumasok doon at dumiretso sa Information.

"Miss, where is President Guzman?"

Napatingin sa akin ang babae at bahagyang nanlaki ang mga mata.

"Attorney Perez!" bahagya itong yumuko kaya nginitian ko s'ya.

"Si Mr. Guzman?" tanong ko pero bahagya s'yang sumimangot.

"I'm sorry Attorney but Mr. Guzman is not available right now. He has an emergency meeting."

"What?!" mahinang sigaw ko.

Anong Emergency Meeting?! Hindi pwede! I've waited long enough para rito!

"Emergency meeting for what?!" pahabol na saad ko.

Yumuko s'ya sa akin. "I'm really sorry, Attorney. I can't give you the details."

NAIINIS akong lumabas sa komapan’ya ni Mr. Guzman. This can't be! Kailangan ko na s'yang makausap!

Kunot-noo kong tinanaw ang 7/21 sa kabilang kalsada at kitang-kita ko rito si Galand na kumakain ng Large Bite. Kaagad akong sumuong sa ulan at nagtungo sa 7/21.

Tumunog ang chimes ng pumasok ako kaya kaagad na napatingin sa akin si Galand na seryoso sa pagkain. Napakunot ang noo n'ya at maingat na iniwan ang pagkain bago lumapit sa akin.

"Mikaela, bakit basang-basa ka?" mahinang bulong nito pero hindi ko s'ya pinansin at naupo na lamang sa inuupuan n'ya kanina kaya sumunod s'ya sa akin.

"Magkakasakit ka n'yan e!"

Inilabas ni Galand ang bimpo mula sa kan’yang bulsa at ipinunas sa ulo ko. Pinilit kong tanggalin ang bimpo sa ulo ko pero nanatili s'ya sa pagpupunas nito kaya hinayaan ko na lang.

Napatingin ako sa kamay n'yang pumatong sa balikat ko at napatingin sa jacket na inilagay n'ya sa akin.

"Magsuklay ka. Alam kong mayroon kang dala." muli s'yang umupo sa harapan ko. Nakita kong t-shirt na maroon na lamang ang suot n'ya.

Hindi ko na s'ya pinansin at naglabas ng suklay saka sinuklay ang buhok. Ginulo pa kasi.

"Bakit ang bilis mo bumalik? Tapos na agad kayo ni Mr. Guzman?" tanong nito sa akin kaya muling bumalik sa utak ko ang walang hiyang emergency meeting n'ya.

Umiling ako. "Wala. Mayroon daw Emergency Meeting si Guzman." ani ko kaya tumango s'ya.

"Kaya pala badtrip ka."

Tumayo bigla si Galand at umalis. Pagbalik nito ay may dala na s'yang cup noodles. Ipinatong n'ya ito sa tapat ko.

"Eat."

Muli s'yang tumahimik at nagsimulang kumain. Ayan na naman s'ya sa pagtahimik dahil kumakain.

Napailing na lang ako at hinipan ang cup noodles na binili n'ya at kinain.

-----

"Mikaela!" napatigil ako sa pagbubukas ng pinto ng marinig ang boses ni Sean.

Bumukas naman ang pinto ni Galand at lumabas ang ulo. Nang makita n'ya si Sean ay muli s'yang lumabas ng condo n'ya.

"Oh Sean?" tumakbo s'ya palapit sa akin at nakangiting tumigil sa harapan ko.

"Lumabas kayo?"

"Mukha bang hindi?"  pasimple kong siniko si Galand dahil sa bulong n'ya na mukhang hindi naman narinig ni Sean.

"Oo, galing kami sa Guzman Corp. Alam mo na, yung about sa kaso ng bahay n'ya."

Napatango naman si Sean. "Gano'n ba? Ayos naman ba?"

Umiling ako. "May Emergecy meeting daw e." ani ko kaya napangiwi s'ya.

"Sayang naman pero nag-dinner na ba kayo?"

Humarap na ako sakan'ya. "Oo e. Ikaw ba?"

"Ay. Mukhang wala na naman akong makakasabay ngayong gabi."

Kumunot ang noo ko. "Lagi kang walang kasabay kumain?"

Tumango s'ya. "Oo. Sanay na din naman." tumawa s'ya bigla.

Napatingin ako kay Galand at sa pinto ng condo ko bago napakagat-labi.

"Gusto mo bang ipagluto kita?"

"Anong ipagluto?!" napaigtad ako at gulat na napatingin kay Galand.

"Hindi ka naman marunong ah!" singhal pa nito kaya sinampal ko ng mahina ang bibig.

"Marunong ako magprito. Ang daldal mo." irap ko sakan'ya.

"Kahit pa! Pangit ang lasa! Huwag na!”

Narinig ko ang bahagyang pagtawa ni Sean pero hindi ko iyon pinansin.

"Ako ang masusu--"

"Ako na ang ang magluluto! Ako na!"

-----

"Mikaela, paabot nga ng asin."

Napabuntong-hininga na lang ako at iniabot sakan'ya ang pinapaabot n'ya. Akala ko makakapahinga ako kasi s'ya na ang magluluto pero hindi. Maya't maya ang utos n'ya sa akin na parang ayaw ako paupuin. Akala ko nga prito lang ang lulutuin pero nag-nilagang baboy ampota.

"Last na 'yan ha! Prisinta ka ng prisinta ako rin naman uutusan mo! Bahala ka d'yan! Do'n na ko sa sala."

"Aba--"

Mabilis akong umalis sa kusina at nagtungo sa sala kaya hindi ko na narinig ang sasabihin n'ya. Mabilis akong umupo sa katapat na upuan ni Sean.

"'Nga pala. I heared that you have a new client. How was the trial?"

Sumandal ako sa sofa. "Ayos lang naman. Kayang-kaya."

Tumawa s'ya. "As expected from you."

Hindi direkta pero alam kong compliment iyon kaya napatawa na rin ako ng bahagya.

"How about you? Kamusta ang ating scientific investigator?"

Napabuntong-hininga s'ya. "Ayos din naman. I'm working on something new kaya medyo mahirap. Lalo na't nasa ibang bansa ang mommy at daddy ngayon to meet some other Scientist."

"Ano bang pina--"

Kaagad akong napatayo ng makarinig ng malakas na kalabog mula sa kusina at ganoon rin si Sean. Mabilis akong tumakbo papunta roon at nanlaki ang mga mata nang madatnan si Galand na nakahiga sa sahig at walang malay.

"Galand!"

Kaagad kaming lumapit sakan'ya. Nilapitan naman s'ya kaagad ni Sean at inilalayang tumayo bago n'ya ito bigyan ng piggy-back ride. Kaagad n'ya itong dinala sa kwarto ko at inilapag sa sofa roon.

Kinapa ko ang noo n'ya at wala naman s'yang sakit kaya mas lalong napakunot ang noo ko. Nakita ni Sean ang reaksyon ko kaya kinapa rin n'ya ang noo nito.

"Baka pagod lang si Zero. Hayaa--"

Napatigil s'ya sa pagsasalita nang biglang hawakan ni Galand ang braso ko. Kaagad ako napatitig sa mukha n'ya at nakitang mulat na s'ya. Napakunot ang noo ko nang makita ang butil ng luha sa mata n'ya.

"M-Mikaela... it's g-getting late.. we're getting late... they'll d-destroy us... please.. let's move..."

Napatitig ako sa kamay n'yang bumitaw sa akin at natulala.

I know it's nonsense but why do I have this feeling that I know what he is talking about?