Chapter Eighteen

Evie's POV

Napalunok ako ng maraming laway. Bakit ang lapit ng mukha niya sa akin? Dumadagundong na naman ang puso ko sa sobrang kaba. Ang aga-aga namang nang-akit ng nilalang na ito! Ngayon lang ako nakakita ng ganito kagwapong nilalang na gwapo pa din kahit magulo ang buhok niya. Tumikhim ako parang lalabas na kasi yung puso ko sa lalamunan ko dahil sa kaba. Tila natauhan ito sa ginawa ko, saka walang pakundangang binitiwan ako. Diretso akong napaupo sa sahig. 

"Aray ko." reklamo ko sa kanya saka tiningnan siya ng masama.

May gumuhit na pag-aalala sa mukha niya pero nawala din kaagad iyon. Naging malamig ang anyo nito sa akin. Hindi ito nagsalita binitiwan lamang ako nito. Napahawak ako sa pwetan ko na masakit. Che! Gwapo nga hindi naman gentleman! Huwag na lang!

Sinubukan kong tumayo saka paika-ika akong naglakad papunta sa sofa. Nasa veranda ito, tahimik lamang na nakamasid sa dagat. Peste talaga itong lalaking ito! May pasalo-salo pa siyang nala