Monsieur Enzo, Léa a déjà signé le contrat de divorce

'Alpha, Beta and Omega.' 

Ang mga ito ang tawag sa ikalawang sekswalidad ng tao - ('babae' at 'lalaki' ang itinuturing na ikauna) 

Alpha. 

Ito ang maituturing pinakamataas na uri ng ikalawang sekswalidad. Lahat ng mga taong alpha ay siguradong na ang pagiging matagumpay sa buhay. Likas na matatalino, makikisig at mas angat ang abilidad kung ikukumpara sa ibang ikalawang sekswalidad. Ngunit napakaliit lamang ng bilang ng mga alpha sa mundong ito. Halos 10% lamang sa buong mundo ang bilang nila kaya bihira ka lamang makakakita at kilala ng mga ito. 

Beta. 

Ito ang itinuturing na normal sa lahat ng ikalawang sekswalidad. Hindi likas ang pagiging matalino. Nakadepende pa rin sa tao - ganun na rin ang itsura at abilidad nila. (Ngunit di mas aangat sa mga alpha) Sila ang umookupa ng 87% na populasyon sa mundo. 

Omega.

Ito ang itinuturing na pinakamababang uri ng ikalawang sekswalidad dito sa mundo. Likas sa kanila na magkaroon ng kaaya-ayang itsura at dahil ito sa kakayahan ng katawan nila. Maari kasing magdala ng buhay sa sinapupunan o magbuntis ang mga omega mapababae man o lalaki. Oo, pati lalaki ay may kakayahang magbigay ng supling. 

Ang mga omega ay nakakaranas ng tinatawag na HEAT kung saan nakakaramdam ang mga omega ng matinding kagustuhan na makipagtalik sa isang alpha. Naglalabas sila ng kakaiba at matamis na amoy na umaakit sa mga alpha at tanging mga alpha lang ang may kakayahang makaamoy. Ang sitwasyon na ito ay hindi maiiwasan ngunit maaagapan kung nakainom ng gamot(heat suppressor)  o di kaya naman ay kung makikipagtalik sila sa isang alpha. 

Sila ang bumubuo ng natitirang 3% ng populasyon sa mundo kaya mas bihira pa sa bihira na makakilala o makakita ka ng isa. 

--------------- 

Result: Omega

Para akong pinagsakluban ng langit at lupa sa nabasa ko. 

"Hindi." Bulong ko at umiling. "Baka nagkamali lang po kayo sa pagtetest ng DNA ko. Imposible po akong maging isang omega." sabi ko sa school nurse namin at pilit na binabalik sa kanya ang papel kung saan nakasulat ang resulta ng aking ikalawang sekswalidad. 

Ramdam ko ang panginginig ng kamay ko habang nagmamakaawang nakatingin sa nurse na kaharap ko. Nakatingin lang siya ngunit di niya tinanggap ang papel na ibinabalik ko. 

"Iho," pag-umpisa niya. "Hindi kami dito sa school ang nagtetest sa inyo. Dinadala lang namin ang sample na kinuha namin mula sa inyo at dinadala iyo sa hospital na pinagkakatiwalaan ng gobyerno para magsagawa ng testing sa bawat paaralan dito sa lugar natin. Iho, sa pagkakaalam ko hindi lang isang beses isinasagawa ang testing ng DNA nyo dahil mahalaga ang pagkuha ng ikalawang sekswalidad kaya ginagawa ito ng ilang beses bago ibigay ng resulta pabalik sa inyo." pagpapaliwanag niya. 

"Please po. Di po ako maaaring maging omega." Naluluhang sabi ko sa kanya. 

"Alam niyo naman po kung paano tratuhin ng ibang tao ang mga omega, hindi ba? Maawa po kayo sa akin." pagmamakaawa ko pa. Kung gusto niya luluhod pa ko para lang maretest yung DNA ko. Baka naman kasi napalitan lang o ano man. 

Huminga muna ng malalim ang babaeng kaharap ko bago tumayo mula kinauupuan niya. Lumapit siya sa akin at ibinaling ang ulo ko paharap sa isang salamin. 

"Alam mo ba na isa sa mga katibayan upang malaman kung isang omega ang isang tao sa base sa itsura nila?" 

"A-Ano po ang ibig ninyong sabihin?" nalilitong sambit ko. Anong nais niyang iparating? 

"Kung ganun ay hindi mo napapansin ang sarili mong itsura." labas sa ilong sa sabi niya. "Maliban sa mga alpha, likas din sa mga omega ang pagkakaroon ng kaaya-ayang itsura. Wala ka bang natatanggap na papuri sa mga taong nakapaligid sayo tungkol sa itsura mo?"

Saglit akong natahimik. "May pagkakataon po, sa labas nitong school. Pero dito naman po parang normal lang ang turing sa aking ng mga tao." Pagpapaliwanag ko. Maari ay magkakalapit lang edad namin kaya ganun. "Di po ba may posibilidad na isa akong Alpha kung ibabase sa itsura?" 

Malungkot na ngumiti at umiling ang school nurse. "Pasensya ka na, iho. Sa ngayon di mo pa maiintindihan pero balang araw malalaman mo rin kung gaano kalaki ang pagkakaiba at kung paano matutukoy ang ikalawang sekswalidad ng isang tao." Ginulo niya ang buhok ko. "Sa ngayon paghandaan mo muna ang mga maaring mangyari sayo. Tulad ng..." tila nag-aalangan pa siyang sabihin nung una pero agad din naman niyang tinapos ang sasabihin. "pagdating ng heat stage mo." 

Biglang lumakas ang kabog ng puso ko ng maalala ang bagay na 'yun. Isang penomena na hindi maiiwasan ng isang omega. Ang heat. Ito ay kung saan nawawala sa pag-iisip ang isang omega at makikipagniig nalang sa kahit kaninong alpha na makita nila. 

Nakakaranas din ng ganoon ang mga alpha at tinatawag iyong rut. Halos pareho lang ang epekto nito sa mga alpha kung ikukumpara sa heat ng mga omega. 

--- 

"Hey, Nikko." bati ng matalik na kaibigan ko na na si Pier na may nakapaskil na malawak na ngiti sa mukha. "Guess, what?" 

Tinaasan ko siya ng isang kilay. Ano namang nakain nito bakit parang ang saya niya. "What?" labas sa ilong na sabi ko. 

Hanggang ngayon kasi namomroblema pa rin ako sa nabalitaan ko. Alam ko ang trato ng ibang tao sa mga omega na tulad ko. Kagaya ng halos wala trabaho na tumatanggap sa kanila kaya karamihan nauuwi nalang sa pagbebenta ng katawan. 

Karamihan din nabubully at bigla na lamang binunugbog sa daan. Marami pa ako naririnig rinig na masasamang balita tungkol sa mga taong kayaga ko kaya nga ko namomroblema ng malaki.  

Nagulat ako nang biglang may papel na humarang sa paningin ko. 

Result: Alpha 

Nanigas ako sa kinatatayuan ko at napatingin sa kaibigan ko na tila pinagmamalaki sa akin ang resulta na nakuha niya. 

"I'm an Alpha, Nik." Pagsasaboses niya doon sa nabasa ko. 

Wala sa sariling napaatras ako mula sa kinatatayuan ko. 

No way. Ano'ng sinabi niya? 

"C-Congrats." Nanginginig na sabi at ngumiti ng pilit sa kanya. 

Napatingin siya sa paa ko at napansin ang paglayo ko mula sa kinatatayuan nya. Maagap naman niyang hinablot ang braso ko at hinila ako palapit ng konti pabalik sa kanya.Bakas sa mukha niya ang labis na pagtataka sa akto ko. 

"Nik, okay ka lang? Bakit nangingig ka?" Nag-aalalang tanong niya sa akin. 

Marahas na hinila ko ang braso ko mula sa pagkakahawak niya at iniwas ang tingin ko sa kanya. 

Bakit nga ba ako nanginginig? Bakit bigla akong natakot ng malamang isa siyang Alpha? 

"A-Alis muna ko, Pier." Halos bulong kong pagkakasabi. "Biglang sumama ang pakiramdam ko. G-Gusto ko sana magpahinga muna." 

Kung talaga nga na isang alpha si Pier kailangan namin layuan ang isa't-isa. Magiging komplikado ang lahat kung patuloy kaming magiging malapit na dalawa. 

Mahigpit na hinawakan muli ni Pier sa braso ko. "Ihahatid na kita. Ano bang nangyayari sa'yo?" mas tumindi ang pag-aalala sa boses ni Pier. 

"Wag na!" Sinubukan ko na hilain muli ang braso ko ngunit di niya ako hinayaan. Nag-umpisa akong kumawala mula sa bisig niya. "B-Bitiwan ko mo, Pier. Pakiusap!" Maluha-luhang sambit ko sa kanya. 

Hindi ko mapigilan ang panginginig ng katawan ko. Bakit kasi kailangan ko pa maging isang omega? Pwede namang kahit beta na lamang, eh. Para at least pwede ako manatili sa tabi ni Pier. Kasi ako, matagal ko ng alam na magiging isang alpha si Pier. 

Makisig na lalaki si Pier, matalino at napakagaling sa lahat ng bagay kaya lahat ng tao na nakapaligid sa kanya iniexpect na ang pagiging alpha niya. At hindi naman kami nagkamali doon. Sigurado akong mas marami pa ang maghahabol sa kanya simula ngayong napatunayan na ang ikalawang sekswalidad niya. Sa akin naman, marami ding maghahabol ang pinagkaiba nga lang ay mga bully ang maghahabol sa akin. 

"No, Nikko!" Halos pasigaw na niyang sabi at mas hinigpitan pa ang pagkakahawak sa braso ko dahil sinusubukan ko pa rin makalawa mula sa kanya habang iniharang naman niya ang kabilang braso niya sa pader. "Talk to me first. Why are you acting like this?" 

"P-Pier, omega ako." Wala ng paligoy-ligoy na sabi ko. Maganda nang maaga pa lamang alam na niya. Alam kong di rin siya matatahimik kung di ko sasabihin ang totong problema ko. 

Makikita ko ang sobrang pagkagulat sa mukha niya. 

"N-Nik..." pagbanggit niya sa pangalan ko. Nasasalamin ko ang awa sa mga mata niya. "I-I'm sorry to hear that." 

Marahas akong umiling. 

Ayoko ng uri ng tingin na binibigay niya sa akin. Ayokong kaawaan niya ako. Ayokong maging omega. Ayoko lumayo sa kanya. Ayoko. 

Napaiyak na lamang ako. Sobrang nanghihina ako sa natuklasan ko na kahit magsalita hindi ko magawa. 

"Nikko, it'll be fine." bulong niya sa akin. Hinimas pa niya ang likod ko para pakalmahin ako. "Don't be scared."

Saglit pa akong nagpatuloy umiyak bago muling nagsalita. "Pier, we need stay away from each other from on." Malungkot na sabi ko at marahan na tinulak ko siya. "Alam mo ang nature nating mga Alpha at Omega. Ayoko kong masira ang pagkakaibigan kaya mas mabuti kung lalayo tayo sa isa't isa." 

"Nikko--" 

"Baka magtransfer na lang ako sa ibang school---"

"NIKKO!" Sigaw niya. Napaigtad pa ako sa sobrang gulat. Nagulat man pero kumalma na rin ako. "Don't say that. You can stay by my side. Nothing will change between us." Mahinahon nang sabi niya. 

"P-Pero Alpha ka!" 

Niyakap ako ni Pier ng mahigpit. "Don't you trust me?" tanong niya sa malungkot na tono. Di ko makita ang ekspresyon niya pero alam ko malungkot iyon. 

"O-Of course, I do. Tinatanong pa ba 'yan?" sincere na pagkakasabi ko. Totoo naman iyon. Sa tagal na naming magkaibigan malaki ang tiwala ko sa kanya. 

"Good. Then stay." Sabi niya at bumitaw mula sa pagkakayakap. Pinagtama niya ang patingin namin at, "I'll protect you." sabay ngiti na nakatulong para mabawasan ang bahagya ang iniisip ko. 

Di ko alam pero biglang namula ang mukha ko. "W-Who needs your protection?" Iniwas ko ang tingin ko dahil nakaramdam ako ng hiya sa di malamang dahilan. Marahan ko siyang tinulak. "I can protect myself." 

Nang muli ko siyang tignan malawak na ulit ang ngiti niya. "I know. You're the bravest and the coolest person I know." Pagpapataas niya pa sa confidence ko. "I know you can overcome anything that's why you don't need to go anywhere. I'll help you with everything I got."

Halata namang binibola niya nalang ako, eh. Siguro mamimiss niya rin ako kaya ayaw niya ako paalisin. 

"I will stay, then." nakanguso na sabi ko. "B-But about my heat..." 

"We'll cross the bridge when we get there." sabi nalang niya at ginulo ang buhok. 

Inakbayan na niya ako at naglakad na kami pabalik ng room. 

Everything's going to be alright, right?