Kabanata 7.2

Ramdam ni Scarlett ang tila ba mga paru-parong gumagalaw sa tiyan niya habang inaalala niya ang nangyari kagabi.

Magkayakap na silang dalawa ni Zion ngayon pero hindi na makatulog si Scarlett. Iniangat niya ang ulo niya para tingnan si Zion. Nakapikit pa rin ito at tila ba mahimbing pa rin ang tulog.

“Nagugutom na ako,” saad ni Scarlett dahil kumakalam na ang sikmura niya. Naalala niyang hindi pa nga pala sila kumakain ni Zion kagabi. Bahagyang iminulat ni Zion ang mga mata niya at tiningnan si Scarlett.

Muling tumunog ang tiyan ni Scarlett kaya bumangon na si Zion. Kinukusot pa niya ang mga mata niya.

“Hindi mo kaagad sinabi para bumangon na tayo. Dito ka lang, ipagdadala na lang kita ng pagkain mo rito.” Wika ni Zion pero pinigilan siya ni Scarlett.

“Huwag na, kaya ko namang bumaba eh. Sa kusina na lang tayo kumain.” Aniya saka ibinalot sa katawan niya ang kumot nila at bumaba ng kama pero nakakaisang hakbang pa lang siya nang mapahinto siya. Nakamasid lang naman sa kaniya si Zion.