Chapter 6

POV: Bernard

Malayo pa lang kita na niya si Marie na parang in good mood. Pakanta kanta pa ito habang nag tatrabaho. Minabuti niya itong lapitan at nagulat siya sa approach nito.

"Hindi ka ata mapang asar ngayon?" nakakunot ang noo na tanong niya.

"Masaya po ako ngayon sir. halina po kayo sa loob" tumayo ito at ipinagbukas siya ng pinto.

Naagaw ng atensiyon niya ang paa nito. Mamahaling sapatos.

Sinipat nya pa itong mabuti. Hindi siya maaaring magkamali, kilala niya ang sapatos na ito.

"Oh andyan ka na pala," bati ni Monte "Miss Marie ang mga plato"

"Opo sir"

Lumapit na rin si Ericka sa kanila at inayos ang pagkain.

"Parang kilala ko ang suot na sapatos ni Marie, hindi ba regalo ko yan sayo?" tanong niya kay Ericka.

"Ah, matagal na kasi yan, tapos hindi naman kasya sakin kaya ibinigay ko na kay Miss Marie. Nasira kasi ang sapatos niya. Okay lang ba sayo? eh di ba sabi mo, kapag hindi na ginagamit ibigay sa nangangailangan." sagot ni Ericka.

"Pero mahal yun," reklamo niya.

"Pare, niregalo mo na kay Ericka yun, kaya hindi na yan sayo. Siya na ang may karapatan kung anong gagawin niya dyan hindi ba?" sagot ni Monte.

Hindi na siya nagsalita. Pinanood na lang niya kung paano nito gamitin ang sapatos. Para itong nanunulay at ingat na ingat na baka masira ang pampaa nito. Napatawa na lang siya.

Sa bagay, mabuting mapakinabangan.. ang bait talaga ng labs ko, mapag bigay.

Kinindatan niya si Ericka ng magtama ang mata nila. Ngumiti lang ang babae sa kanya.

"Halika na Miss Marie, sumabay ka na samin" aya ni Ericka "ang daming binili ni sir Bernard na pagkain.

"Naku hindi na po at nakakahiya po." tanggi nito.

"Miss Marie, sumabay ka na" aya ni Monte.

Sinisipa siya ni Ericka at sinasabihan sa pamamagitan ng mata na ayain din ang babae.

"Oo nga naman Marie, halika na" alok niya "dito ka maupo."

"Salamat po" naupo ito sa tabi niya.

Bumili siya ng california maki, tempura at salad. My braised beef at teriyaki chicken.

"Fight na!" sabay sina Monte at Ericka.

"Ano kayo choir?" tanong niyang natatawa.

Kanya kanya silang kuha. Napansin niya na hirap si Marie magchopstick. Inalok niya ito ng tinidor.

"Thank you po sir." sagot nito.

Nakaisip siya ng paraan para makaganti dito. Nakakarami na sila ng pagkain, may tumawag kina Monte at Ericka kaya tumayo ang mga ito saglit. Kumuha siya ng california maki at isinawsaw sa maraming wasabe sabay aro kay Marie.

"Bati na tayo, ito oh" nakasuporta pa ang isa niyang kamay.

"Naku sir nakakahiya naman po." sagot nito.

"Iisipin kong galit ka sakin kapag hindi mo to kinain." kunwari malungkot siya.

"Okay po" ngumanga ito at isinubo niya ang pagkain.

Maya maya pa maluha luha na ang babae sa anghang. Dumating si Ericka, kinuha ang milktea at tinusukan ng straw bago dali daling inabot sa babae.

"Anong nangyari?" tanong ni Ericka.

"Mahina ata ang spicy tolerance ni Marie. Hindi ata siya kumakain ng wasabe" pagdadahilan niya.

Pulang pula ang babae at halos maubos ang milktea.

"Thank you po mam." sabi nito kay Ericka.

"Okay ka na ba?" nag aalala pa rin ang tinig ni Ericka.

"Opo mam okay na po ako." sagot ng babaeng masama ang tingin sa kanya.

"Sagutin ko lang tong call wait lang.." lumayo ulit si Ericka sa kanila.

"Sinadya mo yun no?" paangil na tanong nito sa kanya. Namumula pa rin ang nguso nito.

"One all" itinaas niya pa ang dalawang hintuturo.

"Ang bait ko pa naman sa inyo pagdating niyo tapos ganito lang gagawin nyo sakin? aba naman nasobra ata kayo, hmp!"

Tawa siya ng tawa. Tumigil lang siya nung magring ang kanyang phone. Sa kabilang side siya tumingin.

"Yes... oh.. talaga? sige andyan na ko mamaya.. bye..."

Pagtingin niya kay Marie masama pa rin ang tingin nito sa kanya. Tawa siya ng tawa dahil namula pati ang ilong nito.

Kinuha niya ang milktea niya para s******n. Naibuga niya ito ng wala sa oras.. pati sa ilong niya may lumabas na sago..

POV: Marie

Pikon na pikon siya sa ginawa ni Bernard.

Hahanap akong pagkakataon na magantihan kang bwesit ka! Sinisira mo ang araw ko!

Saktong may tumawag dito. Kinuha niya ang straw ng milktea nito saka pinuno ng wasabe ang loob. Ibinalik niya sa baso saka nagkunwari siyang galit.

Pagharap ni Bernard sa kanya, tinatawanan pa rin siya ng lalaki. Pag angat nito ng milktea para s******n, gumuhit sa labi niya ang ngiti ng tagumpay.

"Hooooooooh" sigaw nito.

Nagulat sina Ericka dito.

"Anong nangyari?" tanong ni Monte.

"I---inubo ako bigla. Ang sakit sa lalamunan" sagot nitong halos maging kulay kamatis.

"Ang takaw mo kasi" wika ni Monte.

Lumapit si Ericka na may dalang wipes.

Pinunasan nito ang sofa. Nakita niya ang dismaya sa mukha ni Bernard. Akala siguro pupuntahan ito ni Ericka.

Napalingon ito sa kanya, dinilaan niya ito at nag peace sign siya. Saka sinabi niya ng walang tinig ang "two points"

Kung nakakamatay lang ang titig, marahil para na siyang giniling sa tingin ng lalaki. Hindi siya papayag na maisahan lang nito. Mas matindi pa naman siyang gumanti.

"Nagkalat ka pa pare oh" sabi ni Monte. "Oh punasan mo ang mukha mo" iniabot nito ang wipes kay Bernard.

Masamang masama ang tingin ni Bernard sa kanya habang nagpupunas ng sarili. Parang gusto na siyang daklutin nito. Iniligpit na niya ang mga pagkain. Napansin ni Ericka na parang itatapon na niya ang mga ito.

"Miss Marie, kumuha ka ng container na maliit sa pantry, pagsama samahin mo ang magkakauri. Pwedeng ibigay sa guard yan. Hindi tayo pwedeng mag aksaya ng pagkain."

"Opo mam. Aayusin ko lang po itong kalat ni Sir Bernard" sagot niya.

"Okay lang yan dyan, ipapaayos ko yan sa utility mamaya. Okay ka na ba Bernard?" tanong ni Ericka.

"Okay na ko.. salamat" ngumiti pa ito ng pagkatamis tamis kay Ericka.

"Dahan dahan ka kasi sa pagkain."

"Ang siba mo kasi" wika ni Monte.

"Naoverwhemed kasi ako sa sarap ng pagkain." sagot nito "Di ba Miss Marie?"

"Ha... ah eh opo.. ang sarap nga" kinokorner pa siya nito.

"Masarap ang wasabe eh" sabi pa ni Bernard.

"Manlibre ka ulit sa sunod" wika ni Monte.

"Anong libre? di ba nakisuyo ka lang na ibili kita?"gulat si Bernard.

"Pero hindi ko sinabing babayaran kita" sagot naman ni Monte.

"Scammer ka talaga!" nakasimangot si Bernard "ang yaman yaman kuripot."

"Yan ang sekreto naming mga gwapo."proud na sagot ni Monte.

"Ah kaya po pala ganyan si sir Bernard," sabi niya.

"Anong ganyan?" tanong nito sa kanya.

"Hindi kayo kuripot."

"So panget ako?" nakapameywang ito.

"Kayo ang may sabi niyan, hindi ako" sabay talikod niya dito.