Chapter 7

POV: Bernard

Namumuro na sa kanya ang babaeng ito. Kailangan maturuan ng leksiyon. Siya si Bernard Guevarra, isa sa pinakagwapong negosyante sa Pilipinas. Tapos ng dahil sa malditang si Marie nasisira ang image niya. Para itong malaking kulangot na hindi mawala sa kanyang ilong. Magpasalamat na lang ito at hindi niya ito tipo.

Sakay siya ng kotse at binabagtas ang kahabaan ng kalsada ng biglang bumuhos ang ulan. Isa sa nakakainis na oras ang pag ulan. Dahil pahat tinatamad lumabas. Lalo na si Monte. Hindi na naman niya ito maaaya sa bar hopping.

May tubig sa lubak na iyon, at may nakita siyang isang pamilyar na pigura.

Aba, pag sinuswerte ka talaga oh. Si Malditang Marie Yari ka ngayon..

Pinaharurot niya ang sasakyan saka dumaan sa lubak na maraming tubig. Pagdaan niya, halos maligo si Marie sa tubig na tumalsik dito.

Ibinaba niya ang bintana at sinigawan ito.

"All two" saka pinaibis na ulit ang kotse.

Sayang saya siya sa nakita. Nakabawi na naman siya. Akala siguro nito basta basta na lang siya sumusuko. Tiningnan niya ito sa rear view. Naroon lang ito at nakatayo, hindi natinag. Walang reaksiyon.

Baka mamaya gantihan ako nito eh. Bakit ganoon ang hitsura niya, mukha siyang may sakit?

Ipinark niya ang sasakyan sa harap ng convenient store. Bumaba siya at tiningnan si Marie. Naroon pa rin ito. Nakatayo lang at walang suot na sapatos.

Nilapitan niya ito. Nakatayo lang ito at parang nanginginig.

"Marie?" tawag niya sa babae.

Nilingon siya nito na namumutla.

"Sir.."

"Nasaan ang sapatos mo?"

"Nasa bag sir. Baka mabasa"

"Bakit namumutla ka?"

Nilapitan niya ito at hinipo "nilalagnat ka ah."

"Okay lang ako sir. Kailangan ko lang umuwi para.." nahilo ito at bahagyang gumewang.

Nakunsensiya siya bigla sa pambabasa dito. Hinubad niya ang coat at ibinalabal dito. Malapit lang ito sa opisina nina Monte. Kaya tinawagan niya si Ericka.

"Ericka?"

'Oh bakit?'

"Nakita ko si Marie. Nilalagnat dito sa baba. Andyan pa ba kayo?"

'Oo, may tinatapos lang ako. Balak kong dito matulog sa office. May sofa at couch dito. Iakyat mo siya'

Inalalayan niya si Marie maglakad.

"Ano? kaya mo ba?" tanong niya.

Tumango lang ang babae. May nadaanan silang bilihan ng damit. Ibinili muna niya ito ng pamalit. Saka isang kumot.

"Magkano po?" tanong niya sa magtitinda.

"620 lang po" sagot nito.

"400 na lang" kahit nahihilo nagsalita pa si Marie

Nagulat siya dito.

"Tapat na yun. 600 pwede." napakamot ang matanda.

"Okay po" magbabayad na siya, nagsalita ulit si Marie.

"450" talagang may lagnat na nakikipagtawaran pa.

"550 mam. tapat na po yun" sagot ulit ng matanda.

"500" nagsasalita pa rin ang babae kahit nakahawak na lang sa kanya para makatayo.

"Ano ka ba? ako naman ang magbabayad eh"

"Kahit na.. niloloko ka nyan. Papayag yan.. ano ho 500? ang bili ko dun sa dulo nyan 450. naiplastic nyo na lang" mahinang sabi ni Marie.

"Sige na nga.. kung hindi ka lang mukhang bibigay na eh" pumayag ang matanda.

Iniabot niya ang bayad. At lumayo na silang dalawa.

"Paano mo nagawa yun?" mangha niyang tanong.

"Siiiir" bumigay na ang tuhod ng babae.

Itinatayo niya ito pero hindi na kaya. Pinasan niya ito sa likod dala dala ang mga gamit nito. Nakapaa pa rin ito.

"Magandang gabi sir" bati ng guard.

"Magandang gabi kuya. Patulong naman sa floor nina Ericka. Nilalagnat kasi to."

Sinilip ng guard ang pasan nya "si Miss Marie. Andyan pa po si Mam at may O.T daw po" pinindot nito ang elevator.

"Salamat kuya"pumasok sila at pinindot ang floor nina Ericka.

Pagbukas nito, nakaabang na si Ericka sa pintuan ng opisina nito. Waring hinihintay sila.

"Kumusta na siya? "tanong nito.

"Mainit pa rin siya. Nakapaa nga to eh. Ayaw mabasa ang sapatos." Dali dali niya itong dinala sa loob ng opisina.

Nandoon si Monte at inalalayan siyang maibaba si Marie sa sofa.

"Ang init niya" nag aalala ang tinig ni Ericka "alalayan nyo sa banyo para makapaligo agad"

Inakay nila ni Monte si Marie kasunod si Ericka. Pinaupo nila sa bowl.

"Grabe naman ang nangyari dyan. Buti nakita mo" sabi ni Monte.

Hindi na lang niya nasabi na siya ang nagpaligo dito sa labas ng tubig kalsada.

"Kaya nga eh. Blessings in disguise" sagot niya. Pero ang totoo, nagiguilty siya.

"Ano pang ginagawa nyo dyang dalawa? umalis kayo at tutulungan ko siya" utos ni Ericka. "mga manyak na to."

Napahiya naman sila ni Monte kaya pumunta na lang sila sa upuan. Ilang minuto lang ang lumipas, lumabas na si Marie suot ang damit na binili niya.

"Buti may baon sya" wika ni Monte.

"Binili ko lang sa pabas yan" sagot niya.

Pinaupo ni Ericka si Marie saka inabutan ng gamot at tubig.

"Kailangan nya lang matulog. Bernard pakikuha ng cold compress sa freezer pakilagay sa ulo niya. May tatapusin lang kami ni sir na mga paper works."

"Sige ako ng bahala dito." sagot niya.

Nagpunta na sa lamesa ang dalawa at nag asikaso na ng mga dapat tapusin.

Napatingin siya sa mukha ng babaeng pulang pula sa init.

Maputi ito at makinis. Ang mata nitong chinita ay bagay sa labing manipis. Ang ilong nito ay hindi katangusan pero hindi pango. Hinawakan niya ang palad nito. Nagulat siya. Tiningnan niya kung bakit ganun ang palad ng babae. Puro kalyo pala ito. Hindi ito payat pero ang nipis ng beywang. Hindi kalakihan ang dibdib. Para sa kanyang 6'2" ang height, ang hanap niya ay parang si Ericka na 5'10" o higit pa ang height, eh ito, 5'4" lang ata. Ang buhok nito ay parang mais ang kulay. May hitsura ito. or mas lamang tawagin na cute.

Bigla na naman niyang naisip ang pagbasa sa babae. Napakasama ng tingin niya sa sarili.

"I'm sorry Marie hindi ko alam.." hinahaplos niya ang buhok nito.

Sa buong pagbabantay niya dito ay wala siyang ginawa kundi ikumpara ito kay Ericka. Sa lahat ng bagay. Alas dose na ng tawagin siya ni Monte, midnight snack daw. Nagugutom na rin naman siya kaya lumapit na siya sa dalawa.

Nililigpit na ni Ericka ang kalat ng ayain siya ni Monte.

"Sa taas ka na matulog. May mga damit ka dun" sabi nito.

"Hindi ba ako pwede dito? baka kailangan nila ng bantay." biro niya.

"Mas mukhang mapapahamak sila kapag kasama ka sagot ni Monte "kaya tara na.. wag kang makulit. Alis na kami Miss Ericka."

"Bye sir.. bye Bernard" kinindatan siya ni Ericka at nagflying kiss pa bago isinara ang pinto.

Lord.. parang masarap ang tulog ko ngayong gabi.. salamat sayo. Sana matupad din ang pangarap kong maging tatay ng isang dosena naming anak ni Ericka.

Para siyang baliw na kinikilig.

"Hoy para kang tanga.." sita ni Monte sa kanya.