Chapter-6

3 Years Ago.

"Hainna, Hainna," tawwag sa kanya ni Bea her bestfriend habang tumatakbo palapit sa kinauupuan, may hawak-hawak pa itong dalawang pulang sobre. Napakunot noo s'ya at binitawan ang hawak na ballpen.

"Ano yan?" Tanong n'ya sa sobreng pulang hawak ng kaibigan.

"Hu-hu-laan mo," hingal na sabi nito.

"Ano nga?" Sabay hablot ang isang sobre sa kamay nito.

"Aray naman,"

"Ano ba to?" Taas kilay na tanong n'ya at binuksan ang pulang sobre. Binasa ang nakasulat doon isa yong invitation card sa birthday party. Napatili s'ya ng mabasa kung kanino party ang invitation na hawak.

"You're invited at Shawn Alvarez 25'th birthday," Napatili sya ng mabasa ang nakasulat.

"Oh no! Shawn!" Tili n'ya at nagtatalon sa tuwa at niyakap si Bea.

"Paano ka nakakuha ng invitation?" Tanong n'ya habang nagniningning ang mga mata na nakatitig sa pulang sobre.

"Ako pa, humingi ako kay Kuya syempre," sagot nito sabay kindat pa sa kanya.

"I can't wait," excited na sabi n'ya at hinalikan pa ang pulang papel.

Matagal na s'yang may matinding crush kay Shawn Alvarez. Unang kita palang n'ya noon kay Shawn ay tinamaan na s'ya at talagang tumatak na sa kanya ang bad boy aura ni Shawn. 15 years old s'ya ng unang makita si Shawn, nakilala n'ya ito dahil kay Samantha ang kaibigan ng Kuya Harvey n'ya. At mula noon inistalk na n'ya si Shawn, inalam ang tungkol rito lahat-lahat. Kung saan ito nag-aral, nag tatrabaho, kung gaano din kayaman ang pamilya nito. Isa ang mga Alvarez sa pinakamayaman sa bayan ng San Miguel, pangalawa sa mga Tragora. Ang mga Alvarez ang nangmamay-ari ng malalaking planta ng isda sa bayan nila na ini-export sa ibang bansa, ang mga ito rin halos ang nangmamay-ari ng mga naglalakihang palaisdaan sa San Miguel, isama pa ang Alvarez Beach sa dulo ng San Miguel, isa sa pinaka magandang public beach sa bayan nila, at doon mismo sa tabing dagat nakatirik ang mansyon ng mga Alvarez. At sa pagkakaalam n'ya marami ng babaing dumaan kay Shawn, ibat-ibang uri ng babae kung sabihin ng iba, dahil tila lahat naman daw pinapatulan nito basta babae. Pero nitong nakalipas na buwan ay may dine-date ito si Patricia isang Nurse sa Donya Feliza Hospital na pang mamay-ari ng mga Tragora, at tila si Patricia na ang pinaka tumagal na babae kay Shawn, dahil balita n'ya halos apat na buwan ng lumalabas ang dalawa, at sa pagkakaalam n'ya hindi ganoon si Shawn, matagal na ang isang linggo sa mga nakakasamang babae ni Shawn, kaya naman nakakapagtaka at nakakakaba, dahil matagal  na itong lumalabas kasama si Patricia.

"Anong isusuot mo sa party?" Tanong ni Bea matapos ang klase nila at naglalakad sa campus.

"Syempre 'yung the best," maarteng sagot n"ya, habang tila na s'ya nangangarap na kasama si Shawn.

"Aakitin mo na naman ba si Shawn? Nako ah sana naman this time may mangyari na," sabi ni Bea. Ilang beses na ba n'yang sinubukang akitin si Shawn, pero wala pa ring nangyayari. Naalala n'ya sa party ng Kuya ni Bea sinubukan n'yang kausapin si Shawn pero hindi n'ya nagawa dahil kasama nito si Patricia ang rumored girlfriend ni Shawn. Isang simpleng babae lang si Patricia na kung manamit ay makaluma at tila ayaw magpakita ng balat, maganda naman si Patricia kahit sa simpleng pananamit lang nito, pero sa tingin kasi n'ya hindi tulad lang ni Patricia ang nababagay kay Shawn, dahil hot at badboy ang dating ni Shawn sa tingin n'ya nababagay si Shawn sa mga tulad n'ya na fashionista, hindi nahuhuli sa uso at malakas ang dating.

"This time Bea sinisiguro ko sa iyo mapapansin ako ni Shawn," sagot n'ya sa kaibigan.

"Tignan natin ah, baka matameme ka naman pag nakita mo si Patricia at mangatog ka,"

"Bea!" Saway n'ya sa kaibigan.

"I'm Hainna dela Serna don't forget that, and what Hainna's want Hainna's get," taas kilay na sagot n'ya sa kaibigan. Dahil this time sinisiguro n'yang makukuha n'ya ang atensyon ni Shawn, kahit pa andoon si Patricia, gagawa s'ya ng paraan para makausap at makapagpakilala s'ya kay Shawn, 'yan ang misyon n'ya sa pagpunta n'ya sa birthday party ni Shawn sa sabado, paghahandaan n'ya ang araw na 'yon.

"Hainna saan ka pupunta?" Tanong ng Mommy n'ya habang pababa s'ya ng hagdan.

"Sa Tragora mall po Mommy, may bibilhin lang ako," sagot n'ya at hinalikan sa pisngi ang ina.

"Ano nanaman ang bibilhin mo?"

"Mommy, you know Shawn Alvarez po diba?"

"Alvarez? 'Yan ba ang nag-iisang anak ng mga Alvarez sa may dulo ng San Miguel?" Sunod-sunod na tango ang ginawa n'ya, alam naman n'yang walang hindi nakakakilala sa mga Alvarez sa bayan nila.

"Invited po ako sa party n'ya, and I want to look good para naman mapansin po n'ya ko Mommy," amin n'ya sa ina, close naman silang mag-ina kaya madalas nagsasabi s'ya rito lalo na tungkol sa mga boys na nakakasama n'ya at mga natitipuhan n'ya.

"Invited ka sa birthday ni Shawn?" Tinig ng Kuya Hayden n'ya na galing sa kusina at may bitbit na baso ng tubig, mukha narinig nito ang usapan nila.

"Yes," taas kilay na sagot n'ya sa kapatid.

"Do you know what kind of a party Alvarez always had?" Tanong ng kapatid. May idea s'ya dahil magkaibigan si Shawn at kuya ni Bea. Sinasabi ng kuya ni Bea na may pagka wild daw pag si Shawn ang nagpa-party. More on alcohol and wild girls daw.

"Yeah, I know why?" Mataray na tanong n'ya sa kapatid. Ang Kuya Hayden n'ya ay isa ding kilalang notorious sa bayan nila pagdating sa mga babae, wala din itong pinalalampas basta babae papatulan din ng kapatid. Gwapo at may dating din naman kase ang kapatid kaya marami ang nabibiktima nito.

"Well, sorry sister but I won't allowed you to go to that wild party,"

"What?! Si Mommy nga pinayagan ako eh," maktol n'ya at sinulyapan ang ina.

"But not me and deffinitely not Harvey, tignan ko lang kung payagan ka ni Kuya Harvey," seryosong sabi ng kapatid, sumimangot s'ya at sinulyapan ang Mommy n'ya na nagkibit balikat sa kanya. Alam n'yang walang magagawa ang Mommy n'ya pag ayaw ng mga Kuya n'ya at lalo na ng Daddy n'ya.

"Kuya naman eh," nagtatampong sabi n'ya, at yumakap sa ina, naghihingi ng tulong rito.

"You know naman na wala akong power sa mga Kuya mo,"

"Pero Mommy birthday ni Shawn 'yon, hindi pwedeng hindi ako umattend"

"For sure hindi si Shawn ang nag invite sa iyo, cause he never invite a teenager," sabi ng kapatid at nag quote pa sa mga kamay. Sumimangot s'ya.

"No, pupunta ako no matter what!" Sagot n'ya at nakasimangot na naglakad palabas ng pinto.

"Hey, hey! Saan ka pupunta?" Habol ng kapatid n'ya at hinarangan s'ya sa paglabas ng pinto.

"Sa mall," inis na sagot n'ya.

"Samahan mo na ang kapatid mo Hayden" utos ng Mommy nila.

"Talagang sasamahan ko, baka kung saan magpupunta ito," sagot ng kapatid. kibit balikat s'yang sumunod palabas ng pinto.

Kahit ayaw ng mga kapatid gagawa pa rin s'ya ng paraan para maka attend sa party ni Shawn, pag ginusto n'ya walang makapigil sa kanya, lalo na pagdating kay Shawn. Kung kinakailangang tumakas s'ya tatakas s'ya maka attend lang sa party ni Shawn. Ito na ang pagkakataon n'ya para makalapit kay Shawn.