KABANATA 47

Hindi makasagot si Yvonne sa tanong ni Nina. Ang ending, pareho silang nakaupo ni Alaric, sa harap nila si Nina na palipat-lipat ang tingin sa kanilang dalawa. Hindi pa nga yata ito naligo at basta lang sumunod aa coffee shop. Tumbler nito kanina ang bumagsak sa sahig.

"Huwag niyo kong gawing bulag ah? Nakita kong naglalaplapan—"

"H*likan, Nina," pagtatama niya.

"Iyon din 'yon. Huwag niyong sabihing magjowa kayo kasi hindi ako maniniwala. Ikakasal na sa iba si Sir Alaric, Yvonne!" may gigil na baling nito sa kaniya na tila pinapagalitan siya at pinapapaalala iyon.

Nasapo niya ang noo. Heto na nga ba ang sinasabi niya. Mahabang paliwanagan pa yata kay Nina nito. Natigilan siya noong pagsalikupin ni Alaric ang mga kamay nila. Pagkaraan ay hinarap iyon kay Nina na nanlaki muli ang mga mata.

"We're married," proud na sagot nito sa kaibigan niya.

Malamang na masaya ito! Natupad ang pangarap nitong ipaalam kay Nina ang ugnayan nilang dalawa.

"Ibig mong sabihin kasal kayong dalawa, Sir Alari