KABANATA 96

Nanlabo ang paningin niya dahil sa luha. Nabitiwan niya si Yaya Melly at halos matumba siya sa panghihina pero naramdaman niya ang matipunong katawan ni Alaric na sumalo sa kanya.

"Don't cry. I will help you find her," bulong nito.

Napasinghap siya at tuluyang napaiyak, "Kasalanan mo 'to. Kapag may nangyaring masama kay Chelsea, hindi kita mapapatawad, Alaric," mahina ngunit madiin niyang banta.

Hindi naman ito kumibo. May tinawagan lang ito at hindi niya maintindihan kung sino.

Nasapo niya ang mukha at napahagulhol. Wala na siyang pakialam kahit na niyakap pa siya ni Alaric. Sobrang sikip ng d*bdib niya.

"Tumawag ka na ba ng pulis, Miss Melly?" dinig niyang tanong ni Alaric.

"Opo, Sir. Kaso wala pa raw pong 24 hours na nawawala kaya baka hindi pa nila hinahanap."

"F*ck. Fine. Ako na ang maghahanap. Paki bantayan po si Yvonne."

Hinatid pa siya nito papasok sa loob ng condo niya at iniwan kay Yaya Melly. Hindi niya nga alam na umalis na ito kung hindi pa siya inabutan ng baso ng tubig