Chapter Eight

"Hon hindi kita maihahatid bukas kasi may aasikasuhin ako. Importante kasi ito eh." sabi ni Levi sa phone. Hindi na nga kami nakapag-celebrate ng monthsarry namin kahapon tapos hindi pa siya makikipagkita sa akin ngayon. Ayaw ko lang mag-overthink kasi paulit-ulit niya naman na pinaparamdam sa akin na mahal niya ako.

"Okay lang hon, ano ka ba. Naiintinidihan ko naman na marami kang responsibilities and priority na kailangan mong unahin. Ikaw ang pinagkakatiwalaan ng daddy mo sa company niyo. So, go lang hon." I said trying to hide my sad tone. Nakakapagtampo pero hindi lang naman sa akin tumatakbo ang mundo ni Levi.

"Tumataba ka ata ah." Isang araw tanong ni mama sa akin. Birthday kasi ni mama so pumunta ako para maki-celebrate and also nagbigay ako ng panghanda kasi alam ko naman na ako ang aasahan nila na bumili ng pangrekado ng mga handa ni mama. Si ate, pinangsusugal niya lahat ng binibigay ni mama. Favoritism eh, hindi naman yan mawawala. Okay lang, I am not everyone's favorite.