Kabanata 4

"Senra, ano yung ginawa mo kanina?" tanong bigla ng manager ng club.

"Sir Match, hindi naman po sinasadya ni Sen—"

"Zenaida, h'wag mo 'kong pangunahan, ha? Itong bago ang tinatanong ko," agad na sabi ni sir Match na siyang manager namin. "Senra, sagutin mo 'ko. Alam mo ba na ang mga binastos mo ay mga loyal customers natin dito?"

"S-Sir, h-hindi ko naman po s-sinasadya, e. N-Nabigla lang po talaga ako. P-Pasensya na po," nauutal kong paliwanag sa kaniya. Huminga si sir Match nang malalim at napahilamos sa kaniyang mukha.

"O sige, pagbibigyan pa kita. Ako na ang gagawa ng paraan para hindi mawala ang loyal customers natin. Sa susunod, h'wag kang gagawa ng anumang bagay na ikawawala ng customers natin. Baka dahil sa 'yo, malugi pa 'tong club," inis niyang sabi bago umalis.

Lihim naman akong napakagat-labi dahil sa ginawa ko. Gusto ko lang namang ipagtanggol ang sarili ko, pero natatakot ako na baka bigla akong mawalan ng trabaho.

ALAS SAIS pa lang ng umaga pero nakabihis na ako ng uniporme. Nagtungo ako sa salas matapos kong magtimpla ng kape. Sa pag-upo ko, pansin ko na tutok na tutok si Mama sa hawak niyang phone. Nakangiti siya nang malapad at tila kinikilig pa.

"Hmm... ano 'yan?" tanong ko. Hindi sumagot si Mama. Mukhang hindi niya ako narinig dahil nakatutok pa rin siya sa phone niya. "Ma, ano 'yan?"

Napatingin sa 'kin si Mama sa tanong ko.

"H-Ha? Tinatawag mo ba ako, 'nak? Sorry, ah? Natutuwa lang ako sa video na pinanonood ko," pagsisinungaling niya.

Sandali pa akong napatitig kay Mama pero talagang tutok na tutok siya sa ginagawa niya.

"Uhmm... aalis ako mamayang gabi. Baka ma-late po ako ng uwi," paalam ko, pero wala siyang imik. "Ma, naririnig mo ba ako?" tanong ko pa.

"Ha? Oo na, sige," tanging sabi niya bago siya tumayo. Napairap na lang ako sa ere dahil sa pagbabalewala niya sa sinasabi ko. Mukhang hindi siya interesado.

Kumain na lang ako ng almusal para makapasok na rin ako sa school kaagad.

TINAPOS namin ni Heriane ang buong araw ng klase. Nang sumapit na ang uwian ay sumakay kami ng taxi papunta sa mall para magpalit ng damit.

"Patali naman nitong sa likod ko, Senra," sabi ni Heriane kaya ginawa ko naman 'yon. Ilang sandali lang ay napalitan na ang mga suot namin from school uniform to sexy fitted dresses.

"Okay na," sabi ko.

"Tara na. Baka ma-late pa tayo, e," sabi naman ni Heriane then saka kami umalis.

Muli kaming nag-take ng taxi para makapunta agad sa place kung saan isasagawa ang party. Around 20 minutes ang naging byahe namin at nakarating na rin kami.

Naglakad kami papasok ni Heriane. Pinakita namin ang dala naming invitation cards kaya pinapasok naman kami ng guard. Pansin ko na parang ang tahimik.

"Party ba 'tong pinuntahan natin? Bakit ang tahimik?" nagtataka kong tanong sa kaibigan ko.

"May party rito pero secret party lang," sabi ni Heriane kaya mas lalo akong nagtaka.

"Secret party?" tanong ko.

"Oo, kasi yung mga mayayamang lalaking imbitado rito, mga pamilyado na. We're here para makuha na yung chance nating maging customer sila, 'no?"

Hindi ko alam kung tama ba ang narinig ko kay Heriane. Pamilyado?!

"H-Heriane, hindi ako ready maging kabit. Ayoko," pagtanggi ko. Tumingin siya sa mga mata ko at biglang natawa.

"Hindi ka magiging kabit, 'no? Negosyo lang 'to," sabi niya bago kami nagpatuloy sa paglalakad.

Sa pagpasok namin sa loob, bumungad sa 'min ang mga abalang nag-uusap na mga lalaking nakapormal pa na pananamit.

"Good evening," pagbati ni Heriane sa mga 'yon at binati rin naman siya ng mga ito pabalik.

"It's good to see you guys here. Who is she, Heriane?" tanong ng lalaki.

"She's Senra, my best friend. Senra, this is Mr. Thompson," pagpapakilala ni Heriane at saka lumapit sa 'kin. "Siya yung isa mga customer ko at siya ang nagpa-party dito," bulong niya. Napatango naman ako nang dahan-dahan.

"H-Hi po," bati ko sa dayuhan at saka siya kinamayan. Habang nakatingin ako sa kaniya ay nag-wink naman siya sa 'kin. Sa ilang ay agad kong binawi ang kamay ko.

"You can guys go to the bar counter and have a drink."

"Yes, thank you," sagot ni Heriane at bigla niya akong hinila papunta sa likod ng mansion kung nasaan ang bar counter. "Senra, mukhang type ka ni Mr. Thompson, ha?" bulong niya sa 'kin.

"Ha? Naku, Heriane, mukha namang may pagkam*nyak," sabi ko.

"Well, may point ka. Aggressive nga 'yan sa kama, e. Halika na nga lang at mag-inom muna tayo," pagyaya niya then saka kami namili ng iinumin.