Kabanata 3

Hinihintay ko si Mama na umalis dahil bihis na bihis siya. Mukha siyang nagmamadali.

"Anak, may niluto akong ulam para sa 'yo, ha? Kumain ka na at matulog. Oh, ito ang pera, panggastos mo," sabi ni Mama matapos akong abutan ng three thousand pesos.

"T-Thank you po," sabi ko. Nagpaalam na siya at tuluyang umalis pagtapos.

Naging tahimik ang buong paligid. Wala rin si Papa kaya dali-dali akong kumilos para makapasok na rin sa trabaho ko sa club.

Nag-trycicle ako para makapunta agad sa club. Sa pagpasok ko sa loob ay busy ang lahat sa pag-aayos ng paligid at ng mga sarili nila.

"Nasaan si Heriane?" tanong ko sa sarili ko.

"Psstt! Bagong salta, halika na rito!" tawag sa 'kin ng may katandaang babaeng punong puno ng make up sa mukha. Dahil dito ay agad naman akong nagtungo roon.

Ang daming mga magaganda at sexy na nagtatrabaho rito. Entertainer din kaya sila tulad ko?

"Umupo ka at aayusan na kita," sabi pa ng katandaang babae. Nag-aalangan pa ako pero bigla niya akong hinila at pinaupo.

Sinimulan na niya akong ayusan.

"Ang ganda mo naman, ineng. Anong pangalan mo?" tanong niya.

"U-Uhmm... Senra po," sagot ko. Tumango naman ito.

"Ang ganda mong babae, Senra. Ako nga pala si Zenaida. Ako ang mudra Z nila rito. Taga-ayos ako ng mga performer," pakilala niya. Mukha siyang mataray dahil sa kilay niya pero mabait pala siya.

"Hello po, aling Ze—"

"Eww! Don't call me 'aling', ha? Call me mother Z," pagtatama niya.

"Okay po, m-mother Z," sagot ko. Ngumiti siya sa 'kin habang patuloy niya akong inaayusan.

Mahigit limang minuto lang ang tinagal ko sa pag-aayos. Hindi ako makapaniwala na sa pagtingin ko sa salamin, parang hindi ako ang nakikita ko. Ang ganda naman!

"Senra, halika na at magsuot ka na ng sexy bunny mo. Darating na ang mga nasa VIP kaya dapat, prepared ka na," sabi ni mother Z.

Bumilis ang tibok ng puso ko sa kaba.

"A-Akala ko, may magtuturo po sa 'kin?" nagtataka kong tanong.

"Senra, hindi mo na kailangan ng tagaturo sa pag-e-entertain. Sayawan mo lang sila at akitin, okay na. May pera na. Kaya mo 'yan, hija," pagpapalakas ng loob sa 'kin ni mother Z.

Hindi na lang ako umimik at sinuot ang black sexy bunny outfit na naka-ready. Now, I look like a prostitute.

"Wow! Perfect! Napakaganda mo, hija!" papuri ni mother Z habang pinapalakpakan ako sa tuwa.

Samantalang ako, hiyang hiya sa suot ko.

"A-Ano na pong ga—"

"Senra, ano pang hinihintay mo? Lumabas ka na at simulan mo ng sayawan ang VIP natin sa room na 'yon. Go! Keri mo 'yan!"

Mas lalo akong kinakabahan nang i-cheer ako ni mother Z. Dahil wala naman akong choice ay tinungo ko ang isang VIP room para makapagsimula na akong sayawan sila.

Mula sa gilid ay kitang kita ko ang tatlong lalaking naka-polo at slacks na nagsasaya at nag-iinuman. Sandali muna akong nag-pray bago ako unti-unting pumasok habang gumigiling.

Dahil naka-half mask ako ay hindi nila ako makikilala.

Napahinto ang tatlong lalaking 'yon sa pagkukuwentuhan nang makita ako. Halos mapatulala sila sa mukha ko at sa katawan kong abala silang sinasayawan.

Nakakadiri. Ganito pala ang experience ni Mama tuwing gabi.

"Come here, little bunny," sambit ng isang lalaki habang matalim na nakatingin sa 'kin. Mukha na siyang lasing.

Hindi ko siya sinunod kaya bigla niya akong hinila. Nagdikit ang mga katawan namin sa isa't isa. Gusto kong umalis pero hindi ko pinahahalata. Patuloy ko pa rin siyang sinasayawan kahit na nandidiri na ako.

"Ang sexy, p're! Birahin na natin," bulong ng isang lalaki.

"Kung papayag si miss, talagang triple ang ibabayad namin sa 'yo. Game ka ba?" tanong naman sa 'kin ng isa.

Para akong kinilabutan sa mga sinasabi nila. Tinulak ko ang lalaki at agad akong tumayo mula sa pagkakadikit sa kaniya.

"What the hell?! Anong problema mo?!" sigaw niyang tanong dahil natapunan ko siya ng alak sa suot niya.

"I-I'm sorry po, sir. H-Hindi ko naman po sinasadya, e. S-Sorry po. Sorry po," sambit ko dahil halos mamula-mula na siya sa galit.

Gusto niya akong sugurin pero pinipigilan lang siya ng dalawa niyang kasama. Dahil sa nangyayari dito sa loob ng room ay agad akong tumakbo palabas habang naluluha.

"Senra? Senra? Anong nangyayari? Bakit ka umiiyak?" nag-aalalang tanong ni mother Z nang magkasalubong kami.

"G-Gusto po nila akong bastusin. H-Hindi ko po... hindi ko po kaya," nauutal kong paliwanag sa kaba at takot.

"Sshhh... halika muna at magpakalma saglit. Tara," yaya ni mother Z at saka kami umalis.