CHAPTER 218

CHAPTER 218

Napatitig na lamang talaga si Miguel kay Camille at mukhang hindi na talaga magbabago pa ang isip nito. Talagang pursigido na ito na si Harold ang gusto nitong mapangasawa.

“Okay fine,” sumusukong sagot ni Miguel sa kanyang anak at bahagya pa nga siyang tumango. “Kung yan na talaga ang gusto mong mangyari ay gagawa ako ng paraan para mahanap si Harold at maipakasal kayong dalawa. Pero anak ngayon pa lang ay sinasabi ko na sa’yo na hindi ko kayang diktahan ang puso ni Harold. Hindi ko maipapangako sa’yo na magagawa ko siyang pilitin na mahalin ka. Kaya kong ipakasal kayong dalawa sa lalong madaling panahon pero hindi ko maipapangako sa’yo na mapipilit ko si Harold na mahalin ka. Kaya habang may panahon pa ay pag isipan mo na muna itong mabuti anak,” pagpapatuloy pa niya.

Napabuntong hininga naman si Camille at saka niya seryosong tiningnan ang kanyang ama.

“Basta ipakasal nyo lang po kami dad at ako na po ang bahala sa pagsasama naming dalawa. At alam ko na matututunan din