Chapter 1 -Ma'am Yes Ma'am

Kagigising lang ni Feona mula sa pagkakaidlip. Nang matapos ang shift hour niya ay agad siyang naidlip. Agad siyang nag ayos ng sarili at dumiretso sa maliit na lavatory para maghilamos at masipilyo. Nauulinigan niyang nagkakatuwaan ang mga kasamahang kawal sa kampo na offduty. Nahulaan ni Feona na malamang nanonood na ang mga ito ng paborito nilang basketball game sa tv. Dumadagundong naman ang kanyang damdamin sa kaba at kasabikan manood din. Hindi stable ang signal ng telepono sa kinaroroonan ng kumpanyang pinangungunahan ni Feona. Nasa gitna sila sa pagitan ng mga matatarik na bundok sa cordillera. Company commander si Kapitan Feona Alvarez at masigasig sa kanyang trabaho. Marami na siyang mga sinuong na kagulohan noon sa mindanao kung kaya pangalawang destino niya ngayon ang kinaroroonan niya sa Luzon. PMA graduate at beauty title holder. Bata pa lamang ay pangarap na niyang maging isang sundalo. Kaya kahit pa pwede siyang maging modelo ay pinili niya paring magsilbi sa bayan. Malalim ang pinaghuhugotan ni Feona ng kanyang propesyong pinili. Tubong Mindanaoan, ngunit naging biktima ng karahasan ang kanilang pamilya. Nahold up at pinatay ang kanyang mga magulang. Isang matibay na rason para kamuhian niya ang lahat ng kriminal at gagawin niya ang lahat mapanagot sa batas ang sino mang mahuling gumawa ng krimen.

May nalulundag na sa saya, panay tawanan at may ibang pikon at hindi natutuwa sa pinapanood na basketball game ng tropa. Biglang natahimik ang lahat ng makalapit c Feona. "Oi! Pesaras tabi! Bigyan mo ng upuan c Ma'am." Agad na baling ng isang kawal. Sa unay tuwang tuwa si Feona. Nakikita niyang ganado ang paglalaro ni James Alvaro sa kanyang kuponan. Panay puntos ito at depensa. Sobrang napapakilig talaga si Feona ng kanyang boyfriend. Panay sulyapan naman ang mga kasamahang sundalo ni Feona. May kasamahan si Feona na mag asawang kapwa sundalo at mas naiintindahan nila ang nararamdaman ng kanilang opisyal na babae. Ang ibang kasamahan naman ni Feona ay tipong naggigigil. Sa dinami dami ba naman nila na barako sa sandatahan, e!dinaig sila ng papoging basketball player sa puso ng kanilang kapitan. Naupo ng presko si Feona. "Pwede makahingi ng kape?." Mahinang sambit ni Feona at nag uunahan naman ang dalawang junior na maihanda ng isang mug na kape ang kanilang kapitan. "salamat." pasasalamat ni Feona nang maabot ang isang mug ng kape sa kanya. "Nakapagluto na ba ng haponan? mamaya niyan maaliw tayo sa panonood, wala pala tayong haponan mamaya." Nawika ni Feona pagkatapos sumimsim ng kape. "Ma'am, tapos na po. Iinitan nalang po mamaya ang puchero." Mabilis namang sagot ng isang kawal. Tipid na nangiti si Feona. Half break, lamang parin ang kuponan ng kanyang boyfriend. Muntik nang masamid si Feona nag mainit niyang kape nang masaksihang pumunta sa gitna ng court ang kanyang boyfriend at kasunod ang modelong si Kriselda Volcs, kilalang modelo na anak ng coach ng kuponan nila james. Umiling na si Feona nang makita ang iwinagayway na plakard ng mga fans mula sa bleachers ng mga nanunuod. Natahimik ang mga kasamahan ni Feona. Nagtataka man at naguguluhan nanatiling nakatutok si Feona sa screen ng tv. Halos mabuwal siya sa kanyang kinauupuan sa kabang nadarama niya na pakiwari ni Feona halos umabot na ang kaba sa tuktok ng kanyang bunbonan. Napakurap kurap si Feona. WILL YOU MARRY ME! gustohin man ni Feona na mali ang mga salitang nababasa niya ay parang binugbog parin siya sa katotohanan. Kahit pa, naging malinaw sa kanya ang lahat. Hindi lamang siya ang babae sa buhay ni James Alvaro.Hindi na hinintay ni Feona ang susunod pa na mangyayari. Agad siyang napatayo at tumakbo sa kinaroroonan ng punch bag at agad na pinaulanan ang punching bag ng mga magkasunod na suntok. Maging ang mga kasamahang sundalo ni Feona ay napailing at natahimik. Left, right, jab, jab, upper cut, sunod- sunod na mga suntok ang pinakawalan ni Feona. Right kick, double left kick at mga makakasunod na suntok pa. Halos ubosin ni Feona ang lahat ng lakas niya. Hindi man lang tumulo ne isang butil ng luha sa kanyang mga mata.Ngunit panay tulo ng kanyang mga pawis. Ilang minuto pa ay napahinto si Feona. Tahimik lang ang mga kasamahang sundalo. "Men, grab your meal. Hindi na ako kakain." Matatag na utos ni Feona at tumalikod patungo ang mga yabag sa kanyang kubo. "Ma'am Yes Ma'am." sabay- sabay namang tugon ng mga sundalo. Wala ne isa sa kanila ang nagkumento. Halos iisa ang kanilang nararamdaman, naaawa, nahahabag at nalulungkot sila sa kinahihinatnan ng lovelife ng kanilang opisyal na babae. "asus! maghaponan na tayo bago ko pa tirahin iyang telebisyon na yan." wika ng first sargeant. At prestong e sine- switch off ang tv. "Hindi naman si Ma'am ang nawalan. Iyong hambog na basketbolista ang nawalan. Lagi namang may boyfriend iyan si Ma'am. Mahal na mahal niya ang kwarenta y singko niya pati iyong service firearm niya." kumento ng isang junior. Napailing iling naman ang iba pa nilang kasamahan. Hindi na nila kailangang makialam sa buhay buhay ng bawat isa. Tahimik nalang silang nagtungo sa kitchen para maghaponan.

Samantalang si Feona pagkapasok na pagkapasok sa kanyang dampa ay dumiretso isinubsob ang mukha sa unan at bumuhos lahat ng kanyang nararamdaman. Mag Childhood sweatheart sila ni James. Nagkahiwalay lang at nawalan ng komunikasyon ng mag aral na ito sa college at siya ay pumasok na sa PMA. After how many years ay muling nagkatagpo ang mga landas nila noong mag attend sila ng alumni homecoming ng kanilang High School Alma Matter. Nagkapalitan ng numero, email at f* account. Muling nagkaroon sila ng communication dahil pareho pa naman silang single. Isa nang sikat na commercial Player si James marami ang humahanga. Talaga naman kasing taglay nito ang mga katangian ng isang basketball heartrob simula pa noong high school pa sila. Nasa Army narin si Feona, High School valedictorian ng kanilang klase. Matalino, maganda, talented at pambato sa mga beauty contest. Hindi akalain ng bawat kaklase nila na pipiliin ni Feona ang magsilbi sa Sandatahan ng Pilipinas. Siya na ngayon ang maangas ngunit maganda parin na si Captain Feona R. Alvarez. Hindi makalimutan ng kanilang bayan ang trahedyang nangyari sa mga magulang ni Feona noon. Nasa kolehiyo na si Feona kumukuha ng kursong nursing ng mahold up at pinatay ang kanyang mga magualang kaya sinubukan ni Feona ang swerte sa militar. Hindi parin siya nawawalan ng pag-asang balang araw makakamit niya parin ang hustisya para sa mga magulang at mapapanagot ang mga may gawa. Naging mag boyfriend girlfriend uli sila ni James kahit LDR. Panay tawagan habang si James nasa pedistal ng kanyang karera sa Manila at si Feona naman ay nakadistino sa Jolo, Sulu sa Mindanao. Hanggang sa malipat na ng destino si Feona sa Luzon sa may bulubunduking parte ng cordillera. Bago pa man ay nagkita at namasyal pa sila ni James sa Manila. Kahit minsan ay naiirita na si James sa mga paparazi at nalalathala pa sa f******k at mga sports magazine ang rumored gf ni James Alvaro na sinasabing international model. Kampante lang si Feona na siya ang tinutukoy. Sinasadya talaga nilang hindi na muna e disclosed ang identity ng girlfriend ni James dahil baka kakalkalin pa daw ang buhay ni Feona. May mga pagkakataong sinusubukan ni James na makahomebase na sa kanya pero alisto si Feona na hanggang yakap at halik lang talaga sila.

Hindi na nagtaka si Feona na kumambyo na talaga si James. On and Off ang komunikasyon nila ng kanyang boyfriend simula noong madestino na siya sa cordillera kaya di na nagtataka si Feona. Hindi man siya nagtataka pero sobra siyang nasaktan.