Chapter Thirteen

Kinabukasan ay diretso uli si Fae sa pagsasakatuparan ng kanyang mga plano.

Sinamahan na niya ng pakikinig ng audio book ang paggawa para maitaboy ng narrator ang ingay ng pag-iisip. Effective naman kasi buong umagang iyon ay walang kahit isang patak ng luhang bumagsak sa kanyang mga mata.

Alas-dose na noong pr-in-int niya ang kanyang resignation letter. Nagbihis siya ng kanyang usual na office get-up at nag-drive patungo sa opisina. Nagba-balikan pa lang ang mga tao mula sa lunch break at marami ang kauupo pa lang sa mga seats ng mga ito sa floor niya.

Sarah would be on leave for a few weeks because of her honeymoon. Lolo ni Carl ang owner ng firm. Wala siyang pakialam kung makakaapekto man ang pag-alis niya kay Sarah dahil bagong salta lamang ito sa pamilya habang malapit siya sa mga abwelo at abwela. May tsismis nga na minadali ang kasal bago pa may magawa ang grandparents ni Carl para mapigilan iyon. Malapit pa rin ang mga ito sa kanya habang si Sarah, nagsisimula pa lamang pags