Chapter 21 - Sana totoong mahal mo ako

Rhian's Point of View

"I love you too." Mga salitang kusang lumabas sa aking bibig matapos ang aming pagniniig.

Masaya akong niyakap ni Logan nang marinig niya iyon. Pagkaraa'y muli na naman naglapat ang aming mga labi.

Alam kong hindi magiging madali na mahalin ang lalaki ngunit handa akong sumugal para sa pagmamahal ko sa kanya.

Hindi ko alam kung ano ba talaga ang tunay na relasyon niya kay Vera. At kung ano man iyon ay saka ko na lamang aalamin, ang mahalaga ay masaya ako ngayon.

Bago pa man humantong sa kung saan ang halik na iyon ay may narinig kaming kumakatok. Agad naman akong kumawala sa lalaki dahil baka makita kami na naghahalikan ng kung sino man ang papasok doon.

"Istorbo!" Mahinang bulong ni Logan.

Hindi ko naman maiwasan mapangiti sa naging reaksyon ni Logan. Parang bata kasi itong naubusan ng pagkain habang naglakad papuntang pintuan upang pagbuksan ang kumakatok.

"Sir Logan, nakahanda na ang pagkain. Halina at nang makakain na kayo. Aba'y tanghali na." Saad ng isan