Chapter 15

“SUCCESS para sa bagong libro ni Anna!” sigaw ni Krystal habang nakataas ang baso niyang may laman ng alak.

“Success!” Sabay-sabay na sigaw ng mga katrabaho nila at kumalatong ang mga baso dahil sa pagbabanggaan ng mga nito.

Napangiti naman si Anna sa kanyang nakita. “Thank you. Salamat sa support na ibinibigay niyo sa akin sobrang nakakataba ng puso,” pasasalamat ng dalaga.

Inakbayan naman siya ni Krystal na may malawak na ngiti. “Aba! Syempre susuportahan ka namin! Ikaw kaya ang magdadala ng Nobel Prize Award para sa DRB!”

At sabay-sabay na sumang-ayon ang lahat na naroon dahilan para makaramdam si Anna nang labis na hiya.

“Krystal, ano bang sinasabi mo? Nakakahiya sa makaririnig,” nahihiyang awat ni Anna kay Krystal.

“Anong nakakahiya sa sinasabi ko? Naiuwi mo nga ang Katie Fforde Debut Romantic Novel Award galing U.K, Nobel Prize Award pa kaya?” saad ni Krystal na buong-buo ang kumpyansa.

“Krystal ang tagal na noon.”

“Matagal man pero nagawa mong makuha iyon kaya hindi mala