Chapter 8

WALANG SINAYANG na panahon si Anna at ginalugad niya ang buong resort na labis niyang ikinasaya. Kahit saan siya magpunta ay hindi siya binigo ng isla na patuloy na mamangha at mas lalong mapaibig nito.

“Kung narito lang sana si Bien, tiyak na mag-e-enjoy siya tulad ko,” wika ni Anna sa kanyang sarili.

Umahon siya sa dagat at kinuha ang kanyang balabal at nagtungo sa isang cottage kung saan naroon ang kanyang laptop.

“Now, let’s start to write,” masaya niyang saad at nagsimula ng tumipa sa kanyang laptop.

***

NAPAHUGOT nang malalim na paghinga si Jax habang binabasa ang mga papeles na nasa kanyang lamesa. Yamot at gigil ang nangingibabaw sa kanya nang sandaling iyon dahilan para mas lalong kabahan ang manager at punasan ang kanyang noong pinagpapawisan nang malamig.

“Manny,” tawag ni Jax sa manager na umiigting ang panga.

“Yes, Sir?” nahihirapang tugon nito kay Jax na napalunok nang malalim dahil sa labis na takot na nararamdaman.

Ibinaling binata ang kanyang tingin kay Manny a