Chapter 15.1 (r-18)

Tila binuhusan ng malamig na tubig si Amber Velez nang matanto niyang tumugon siya sa halik. Kaagad niyang itinulak si Ashton Blumentrint. Nang maghiwalay ang kanilang mga labi nila ay mabilis at taranta siyang lumapit sa kama. Walang lingon-lingon siyang nagtalukbong ng kumot. 

"Nakakahiya." Usal niya sa isip. Gusto niyang tuktukan ang sarili dahil tumugon siya sa halik nito. 

"Hey, Amber." Narinig pa niya ang pagtawag sa pangalan nito ngunit nanatili siya sa kanyang ayos.

Aniya sa isip, kung pwede lang siyang lumubog sa kahihiyan ay kanina pa sana niya ginawa.

Hindi niya mawari kung gaano niya katagal inisip ang kahihiyan niyang nagawa. Hanggang sa kusa yatang napagod ang isip niya, unti-unti siyang nakaramdam ng antok.

Nagising lamang ang inaantok niyang diwa nang maramdaman niya ang paglundo ng kama sa tabi niya indikasyon na mayroon umupo sa kanyang tabi.

Napatihaya siya ng higa. Maya-maya lang ay bumaba ang kumo