Special Chapter- The untold meeting of Ashton and Hyde

Hello, everyone! Bilang pasasalamat sa inyong pagtangkilik sa My Little Trophy, handog ko sa inyo ang special chapter na ito. 

Special dedication to Sally Aragon Llanillo, Victor Borja, Saima Bunka, Mar Formentera Ostria, Jamleedar Pautin Daromimbang, Ronel Derama, Nieves Gawat Juvy, Analiza Monterey, Fel, Pring Ogra at Flory Tamtam. 

----------------------------------------

"Tatay Tado, saan po tayo pupunta? Baka po hanapin ako ng mama ko."  

Nakangusong niyugyog ni Hyde ang kamay ni Tadeo na hawak-hawak niya upang makuha ang atensiyon nito. Kaagad naman siyang nilingon nito ngunit hindi pa rin ito tumigil sa paglalakad.

"Sandali lang naman tayo eh." Tila balewalang turan nito.

Lalo namang napanguso si Hyde.

"Baka magalit ang mama ko." Ungot niya na muling niyugyog ang kamay ni Tadeo.

Huminto naman ang lalaki sa paglalakad  at saka hinarap ang bata.

"Huwag kang mag-alala, sagot kita."

Lalo namang humaba ang nguso ng tatlong taong gulang na si Hyde.

"Eh saan po ba kasi tayo pupunta?"

Lumuhod si Tadeo upang magpantay sila.

"May kikitain lang tayong importanteng tao. Hintayin na lang natin siya dito."

Lukot naman ang mukha ng batang inalis ang tingin kay Tadeo kasabay ng paghalukipkip. 

Buntong-hininga na lamang na napatayo si Tadeo. Hindi rin niya naiwasan ang mapailing habang nakatitig sa bata. Aniya sa sarili, kuhang-kuha nito ang hulma ng mukha ng kanyang ama at ang ilan sa mga ugali nito.

Ilang sandali lamang ay huminto na 'di kalayuan ang isang itim na kotse. Kahit hindi pa nakakababa ang lulan ng naturang sasakyan ay alam na agad ni Tado kung sino iyon.

"Nandiyan na 'yong hihintay natin." Baling niya sa batang nakabusangot. Kaagad namang siyang nilingon ng bata. Nang makita niyang nakatingin sa ibang direksyon ang kanyang tatay Tado ay awtomatiko niyang sinundan ang tingin nito.

Kitang-kita naman ni Hyde ang paglapit ng lalaking matangkad. Sakto lang ang puti balat at matipuno ang pangangatawan. Nakasuot itong kulay dark blue na polo na tinernuhan nito ng itim na pantalon at dark blue na rubber shoes. 

Nang mapunta ang tingin sa kanya ng lalaki ay napahinto ito sa paghakbang. Lumamlam din ang kulay abo nitong mga mata.

"H-Hyde."

Hindi umimik ang bata. Nanatili itong nakatitig sa kanya.

"Can I hug you?"

Awtomatiko namang pabaling si Hyde sa kanyang tatay Tado.

"Sige na, yakapin mo na siya. Hindi naman masamang yakapin mo siya eh."

Napanguso itong muli.

"Eh hindi ko po siya kilala eh."

Napakamot naman ng ulo si Tadeo sa tinuran ng paslit.

"Okay sige, ipapakilala kita sa kanya."

Hinawakan nito sa balikat si Hyde at iniharap sa lalaki. 

"Siya si sir Bluemntrint; mayaman, mabait at kasing gwapo mo."

Muli namang napatitig ang bata kay Ashton. 

"Pareho tayo ng color ng eyes."  Walang kangiti-ngiti nitong turan. 

Gumuhit naman ang tipid na ngiti sa labi ni Ashton. 

"Gusto mo bang mamasyal kasama si sir Blumentrint." 

Muli itong bumaling kay Tado.

"Eh stranger po siya eh."

"Sasama naman ako eh."

Hindi umimik ang bata, sa halip ay ngumuso lamang ito.

"Sige na sama na tayo. Minsan lang tayo makapasyal." 

"Please join me." Tila naman nagmamakaawang turan ni Ashton sa bata. 

Hindi naman umimik ang bata. Nanatili lamang itong nakatingin sa kanya.

"Please." Puno ng sinseridad ang mga mata nito kasabay ng paglahad nito sa kanyang kamay. 

"Sige na, masaya kaya ang may ka-holding hands."

Nang hindi kumilos ang bata ay buntong-hiningang kinuha ni Tadeo ang maliit na kamay nito at ipinatong iyon sa nakalahad na kamay ni Ashton.

"Tatay Tado." Tila nag-aalala itong lumingon kay Tadeo nang magsimula silang maglakad ni Ashton Blumentrint.

"Nakasunod ako. Huwag kang mag-alala dahil hindi kita ibebenta. Takot ko na lang sa mama mo noh."

Nang makita ng batang nakasunod sa kanila si Tadeo ay bumaling ito sa lalaking nakahawak sa kanya. Aniya sa sarili, mukha namang mabait ang lalaki.

"Ano po gagawin natin dito?" Hindi niya naiwasang maitanong nang pumasok sila sa entrance ng mall.

"We are here to spend time together. You can buy anything and everything you want," turan nito kasabay ng pagtuntong nila sa escalator. 

"Uwi na po kami ng Tatay Tado ko.

Wala po akong gustong bilhin."

"Meron yan, ibili mo ng kahit ano ang mama mo. Alam mo na, 'yong mga kailangan niya." Sabat ni Tadeo na nakasunod sa kanila. Kaagad naman siyang nilingon ng bata.

"Bigas at ulam po?"

Napakamot naman ng ulo si Tadeo.

"Pwede. Pwede naman."

Nang tuluyan silang mapasok sa super market ay kaagad na kumuha ng cart si Tadeo.

"C'mon, pick anything you want." Turan naman ni Ashton sa bata.

"Libre po?"

Kaagad namang tumango si Ashton. 

"Yes. All the charges are mine. Don't worry about it."

Hinarap naman siya ng bata at saka humalukipkip.

"Eh bakit niyo po ako bibigyan? Hindi naman po ikaw si Sta. Claus. Baka mamaya  po, may kapalit ito. Katulad ng ginagawa ng mga bad guys. Sabi ng mama ko, huwag daw akong tatanggap ng kahit ano sa diko kilala dahil baka niloloko daw nila ako. Alam niyo po, scam is real."

Muli na lamang napakamot ng ulo si Tadeo.

"Iba naman 'yon. Kilala ko naman si Sir eh."

"Eh tatay, iyon po bilin sa'kin ni mama eh. Hindi po ako dapat tumanggap ng kahit ano sa Stranger."

"Ayuda kasi ito." Palusot nito.

"Ayuda po?"

"Oo, iyong katulad ng natatanggap niyo buwan-buwan na groceries."

"Iyong galing po kay mayor?"

"Oo 'yon nga! Nadali mo."

Muli namang bumaling ang bata kay Ashton.

"Ikaw po si Mayor?"

Tila naguguluhan namang napabaling si Ashton sa kanyang tauhan.

"Oo! Siya si mayor." Mabilis na sagot nito sa bata.

"Ang bait niyo naman po." Sumilay ang munting ngiti sa labi ng bata.

"Kasi love na love niya kayo ng mama mo."

Tila hinaplos ang puso ni Ashton dahil sa munti nitong ngiti. Umupo siya upang magpantay sila ng kanyang anak.

"Can you hug me?"

Unti-unti namang nabura ang ngiti ng bata. Kaagad rin itong bumaling kay Tadeo.

"Sige na, hug mo na siya. Bawal kaya ang  madamot.

Muli namang ibinalik ng bata ang tingin niya kay Ashton.

"Sige po, hug po kita. Mabait ka po eh." Lumapit ito lalo sa kanya at saka iniyakap ang mga kamay nito sa leeg ni Ashton. Kaagad namang humigpit ang yakap ni Ashton sa bata.

"I miss you so much." Hindi nito  naiwasan ang mapaluha na kaagad naman niyang pinunas.

Nang maramdaman iyon ng bata ay kaagad itong humiwalay ng yakap sa kanya.

"Nag-cry po kayo?"

Kakaagad namang umiling si Ashton.

"No. Napuwing lang ako." Tumayo ito upang makaiwas mg tingin sa kanyang anak. "So, let's start buying groceries?"

Marahan namang tumango ang bata.

"Okay po."

Kaagad rin itong kumilos upang makapamili. Kumuha ito ng gatas, kape, asukal, noodles, dela lata at mga biscuit. 

"Don't you want chocolates?"

"Pwede pong kumuha?"

"Ofcourse."

"Thank you po." Mabilis itong lupamit sa mga chocolates. Kumuha lamang ito ng isa at inilagay iyon sa cart na tulak-tulak mo Tado.

"You can add more." 

"Hindi na po. Baka po maubos ko pero mo po."

Hindi namang naiwasan ni Tadeo ang bahagyang matawa sa tinuran ng bata.

"That's okay. I can still earn."

Gayunpaman ay hindi pa rin kumilos ang bata kaya naman si Ashton na mismo ang kumuha at naglagay ng mga iyon sa cart.

"Master, huwag po sana nating damihan, baka po makahalata si Lady Amber." Mahinang turan nito sa kanyang amo habang abala ng bata sa pagtingin-tingin sa estante. 

"I know you can do alibi to that, Tadeo." turan naman ni Ashton kasabay ng paglapit nito sa bata. 

Napakamot na lamang ng ulo si Tadeo. Aniya sa sarili, sasabihin na lamang niya sigurong nanalo sila special raffle ni mayor.

"Bibili po ako sabon, lagi pong naglalaba ang mama ko," saad ng bata kasabay ng pagkuha nito ng sabong panlaba.

"What about toys?"

"Hindi na po. Hindi naman po namin kailangan ng mama ko 'yon eh."

"But don't  you want it?"

"Gusto po. Pero magpapabili na lang po ako sa papa ko."

Napalunok naman si Ashton.

"Your father?" Mahina niyang saad. "W-Where is he?"

"Hindi ko po alam sa mama ko. Hindi po siya nagkukwento eh."

"Do you want to be with your father?"

Sandali siyang tinitigan ng bata bago nagsalita. 

"Opo. Basta po kasama ang mama ko."

Sa usapan nilang iyon, lalong naging desidido si Ashton na lumantad na kay Amber. Planado na ang lahat, babalik siya sa ibang bansa upang ayusin  ang dapat niyang ayusin. Pagtapos ay magpapakilala na siya kay Amber at aaminin ang nagawa niyang kasalanan.

Ngunit ang plano niyang iyon ay nasira nang isang araw ay tumawag si Tadeo Miguero dala ang isang balita. Ayon sa kanyang tauhan ay nakuha na ni Dark Indigo ang mag-ina at nakatakda na ring ikasal ang dalawa. 

Wala na tuloy siyang choice kundi pairilan ang dahas. Matapos niyang utusan si Dindi na dalhin sa House of Blumentrint si Hyde ay kaagad niyang tinungo ang kasalan. Naging tagumpay naman dahil nagawa niyang mapigilan ang kasal at makuha si Amber.  Ngunit gaya ng inaasahan niya ay kulang na lamang na isumpa siya ng babae dahil sa labis na galit. 

Mabuti na lamang dahil kahit papaano ay nasa poder niya si Hyde. 

"Mayor? Nandito ka po!" Nagniningning ang mga mata ng bata nang lumapit siya rito. Hindi rin niya napigil ang sarili, kaagad niyang niyakap ang walang kamuwang-muwang na bata.

"From now on, son, we will be together. Babawi ako sa mga naging pagkukulang ko noon, anak."

"Luh! Ano pong pinagsasabi niyo, mayor?"

Kumalas ng yakap si Ashton sa kanyang anak. Humawak siya sa magkabilang balikat ng bata at mataman niya itong tinitigan.

"Listen to me, Hyde, I am not mayor. I am your real father, I am your dad." 

"Eh may Daddy na po ako."

"Listen, Dark Indigo is lying."

"Eh sabi rin po ng mama ko eh, Daddy ko raw po si Daddy Indigo."

"But I am your real fath---" Bago pa niya matapos ang kanyang sasabihin ay muling nagsalita ang bata.

"Huwag niyo na lang pong ipilit. Naniniwala ako sa mama ko. Hindi po ikaw ang Daddy ko. May Daddy Indigo na po ako."

Nakaramdam naman ng lungkot si Ashton sa tinuran ng bata. Aniya sa sarili, mukhang hindi lamang siya kay Amber mahihirapan kundi pati sa kanilang anak.

"Kung gusto mo, ikaw na lang po ang Papa ko." 

Muling bumalik ang tingin ni Ashton sa kanyang anak.

"May Daddy na po kasi ako eh kaya kung gusto mo po ikaw na lang po ang Papa ko.Kung gusto mo po."

Gumuhit ang ngiti sa labi ni Ashton. Mabilis niyang tumango at sumagot.

"Ofcourse! I would love that."

Sa tuwing binabalikan ni Ashton ang alaalang iyon kasama ang kanyang anak na si Hyde, hindi niya maiwasan ang mapangiti. Aniya sa sarili, tapos na siya panahong palihim lamang niyang ginagampanan ang kanyang responsibilidad. Ngayong nabuo na ang kanyang pamilya, sisiguruhin niyang ibibigay niya ang lahat ng kanyang makakaya bilang isang ulirang ama at asawa ng babaeng tangi niyang minamahal.