Chapter 15

SHAINA

Mabilis na tumango si Manong Caloy pagkatapos ko na sabihin 'yon sa kanya. Sigurado ako na alam niya ang basong tinutukoy ko sa kanya. Seryosong nakatingin ako sa kanya

"Oo. Alam ko 'yon, Shaina. Iyon pala ang nabasag mo na baso. Iniiangatan 'yon ni Sir Jacob na basong 'yon. Dalawa na lang 'yon na natitira, eh. Iyon ang paboritong baso na ginagamit ng mommy niya noong nabubuhay pa ito. Bihira nga niya na gamitin 'yon, eh," sagot sa akin ni Manong Caloy na nakanguso.

"Ganoon po ba? Kaya pala galit na galit siya sa akin. Hindi ko naman po sinasadya 'yon, eh," sagot ko kay Manong Caloy.

"Bakit ba kasi 'yon ang kinuha mong baso? Marami namang mga baso ang nandoon, 'di ba?" tanong pa niya sa akin na para bang sinisisi niya ako.

"Alam ko naman po 'yon na maraming baso doon kaso nga lang ay hindi ko naman po alam na hindi ko dapat kinuha 'yon, eh. Wala po akong alam na iniiangatan niya 'yon at hindi 'yon puwedeng mabasag. Hindi ko po talaga sinasadya 'yon, eh. Bigla na lang po nabita