Chapter 17

SHAINA

"Ano'ng ginagawa mo dito? Ba't ka kumakatok, huh? Ano'ng kailangan mo sa akin, Shaina?" salubong ang mga kilay na tanong ni Sir Jacob sa akin nang buksan niya ang pinto ng kuwarto niya.

Humugot muna ako nang malalim na buntong-hininga bago sumagot sa tanong niya na 'yon.

"Nandito po ako para makausap ka po," malumanay na sagot ko sa kanya. Kumunot pa lalo ang kanyang noo pagkasabi ko. Sigurado ako na may ideya na siya kung bakit gusto ko siya na makausap at bakit ako kumatok sa pinto ng kuwarto niya.

"Makausap? Makausap saan, huh? 'Wag mong sabihin na tungkol na naman 'yon sa nangyari noong isang araw kung saan binasag mo ang basong iniiangatan ko," matigas na tugon niya sa akin.

Napasighap ako.

"Iyon nga po ang sadya ko, Sir Jacob. Gusto ko po na makausap ka tungkol doon," malumanay na sabi ko pa sa kanya.

Napamura siya sa sinabi kong 'yon. Nakaramdam naman ako ng takot.

"Hindi ka pa rin ba nagsasawa, huh? Sinabi ko na sa 'yo na hindi ko kai—" hindi ko siya pinatapos ng k