Chapter 37

Napakunot noo ako nang mayroong kumatok sa pintuan na napakalakas habang nanonood ako ng tv sa sala. Hindi ba naisara ni Andrew ang gate? Sigurado akong hindi siya 'yan o si tita dahil may sarili naman silang mga susi. Nag-aalangan akong buksan pero wala naman sigurong magnanakaw ng ganitong oras at tanghaling tapat. Kaya nagkibit balikat na lang ako at binuksan ito.

"Oh my gosh!" Halos mapatalon ako sa gulat sa sigaw ni Max! At halos mapanganga din ako dahil hindi ko ini-expect na makita siya! Nasa likuran naman niya si Jen at Jeff na tumatawa sa kaingayan niya.

Hindi naman ako nasurprisa sa presensiya ni Jen at Jeff dahil madalas nila akong puntahan dito sa bahay. Si Jeff kasi ay dito na sa Manila ipinagpatuloy ang med school nang malaman niya ang nangyari sa akin.

Kaagad naman akong niyakap ni Max at sumunod naman si Jen na akala mo ay hindi kami nagkikita. Halos every weekend nga ay pinupuntahan niya ako basta hindi siya abala sa trabaho.

"Uy, tama na yan! Ako naman!" Sabi naman ni Jeff at nang bumitaw si Jen ay kaagad niya din akong niyakap. "How are you?" Masuyo nitong bulong at hinalikan ako sa pisngi.

Napangiti naman ako sa kanya at bumaba ang mga mata nito sa aking tiyan na para nang bola at hinaplos ito. It has been months since then at heto nga at kabuwanan ko na.

"Grabe! Para kang nakalulon ng malaking pakwan, Jaz!" Nagniningning ang mga matang sabi ni Max na tila hindi pa din siya makapaniwala sa itsura ko ngayon. Pinaalis niya si Jeff sa tabi ko kaya natawa ako at hinaplos ang tiyan ko. "I still can't believe! May surprise pala ako sa'yo!" Sabi pa niya at hindi tinatanggal ang mga kamay sa bilog na bilog kong tiyan.

"Ano?" Tumatawa kong tanong sa kanya.

"Dito na ako mag wo-work! Bored na ako sa Baguio dahil wala na kayo doon! Miss ko na kayo!" Masaya nitong sabi kaya napaawang ang mga labi ko sa pagkamangha. Tuwang tuwa ako na magkakasama na ulit kami!

"Oh my gosh! Talaga ba? Hindi ka nagbibiro?" Tanong ko pa ulit dahil baka ginu-good time lang ako pero tumango tango naman ito at napangiti rin si Jen at Jeff kaya nayakap ko ulit siya sa tuwa. "Nandito na ang mga ninang at ninong mo, baby! Siguradong i-spoil ka ng mga to."

Napadalas nga ang pagbisita ng mga kaibigan ko kaya kahit papaano ay nalilibang ako. Nag resign na kasi ako sa trabaho mula nang mangyari 'yon dahil natatakot na ako at ipinagbawal sa akin ng OB ko ang ma-stress at magpagod masiyado.

"Hello, tita?" Sagot ko sa tawag ni tita.

Nag-aalala ako kay Andrew dahil on and off ang fever niya kaya sinabihan ko na si tita na ipa checkup siya dahil baka hindi na simpleng flu 'yon.

"Jaz, kailangan daw ma-admit ni Drew. May dengue daw." Nag-aalalang sabi ni tita.

"Ha? Naku, buti na lang pala at pina checkup niyo na agad tita. May mga dala ba kayong gamit diyan?"

"Buti na lang at nagdala ako kahit papaano pero ang inaalala ko naman ngayon ay ikaw. Paano kung manganganak ka na pala? Wala kang kasama diyan."

"Okay lang ako tita. Matagal naman mag labor kapag first pregnancy kung sakaling manganganak nanga ako."

"Tawagan mo na lang kaya si Jen?" Si tita talaga ay ako na naman ang iniintindi. Magsimula nang malaman nilang buntis ako ay halos ayaw nila akong pakilusin ni Andrew. Spoiled nga ako sa mag-ina kaya sigurado akong mas spoiled 'tong anak ko paglabas.

"Hindi na tita. Tatawagan ko na lang siya kung sakali."

"Sorry to butt in pero sabihin mo kay tita Jelai ako na lang. Sasamahan kita." Hindi na nga nakatiis si Ethan na nakaupo ngayon sa tabi ko habang nanonood kami sa sala.

Sumenyas ako naman ako sa kanya na hindi na. Makakaabala na naman ako sa kanya niyan kung sakali.

"Si doc Ethan ba 'yan? Naku buti na lang at nandiyan pa pala siya. Jaz, diyan mo na patulugin si doc sa kwarto ni Drew. Kapapalit ko naman ng bed sheet. Kausapin ko nga siya please kasi hindi talaga ako mapapanatag dito."

Napabuntong hininga na lang ako at ipinasa kay Ethan ang cellphone dahil alam kong hindi rin ako titigilan ni tita.

Nahihiya na kasi ako kay Ethan dahil lagi siyang nakaalalay sa akin sa lahat ng bagay. Ni minsan nga ay hindi siya nagmintis na samahan ako sa mga prenatal checkups ko sa mommy niya at pati nga sa mga cravings ko ay binibigay niya lahat. Mayroon pa 'yong minsan na nag drive pa talaga siya papuntang Pangasinan dahil nag crave ako sa puto-Calasiao. Nabanggit ko lang sa kanya 'yon pero nagulat ako kinabukasan ay napakadami niyang dalang puto! Kahit anong gawin kong pagtanggi sa kanya ay balewala sa kanya dahil gusto daw niya ang ginagawa niya.

Hindi ko na nga masisi ang mga tao na napagkakamalan kaming mag-asawa dahil nandiyan siya lagi para sa akin. Tuwing off niya ay dito siya naglalagi. Hindi naman ako manhid para hindi maramdaman ang pagtangi niya sa akin kaya gusto ko sanang umiwas para hindi siya paasahin pero hindi ko din siya magawang saktan. Siya ang dumamay sa akin ng mga panahong mahina ako. Nandiyan naman ang mga kaibigan ko pero syempre may sari-sarili na din naman silang mga buhay.

Lagi niya din akong nilalabas ng bahay at pinapasyal sa kung saan-saan at kapag nagagawi kami sa mall ay mas excited pa siyang mamili ng mga gamit ng baby ko. Madalas pa kaming magtalo dahil gusto niyang siya ang magbayad kapag namimili kami pero hindi ako pumapayag kahit anong gawin niya. Pero may mga pagkakataon naman na hinahayaan ko na lang siya katulad na lang kapag bumibili siya ng mga nagugustuhan niyang damit para kay baby. Bumibili pa nga siya ng mga terno sila kaya napapangiti na lang ako. Noong una ay nahihiya ako pero kalaunan dahil sa kai-insist niya ay nasanay na din ako. Feeling ko nga sobrang kapal na ng mukha ko. Para naman daw sa inaanak niya kaya hindi ko daw dapat tanggihan kaya hinahayaan ko na lang.

"No problem tita. Get well soon, Andrew!" Sabi pa nito bago pinatay ang tawag.

"Ethan, okay lang ako dito. May duty ka pa bukas."

"Huwag nang makulit mommy Jaz kasi hindi rin ako makakatulog sa bahay sa pag-aalala sa'yo." Napabuntong hininga na lang ako at napanguso. Siya nga 'tong makulit eh.

Tinanggihan niya naman ako nang ipilit kong sa kwarto na lang siya ni Andrew matulog. Sa sala na lang daw siya dahil komportable naman daw sa sofa.

"Jaz, can I use the bathroom? I'll just take a shower."

"Ha? Hindi na tinatanong 'yan doc." Pabiro ko namang sagot sa kanya. "May extra ka bang damit? Kung wala, kukuha lang ako sandali ng damit ni Andrew." Tutal ay malaking tao din naman sa Andrew.

"I have extra clothes in my car. Towel na lang if you don't mind?"

"Sige, kukuha lang ako."

"Iwan mo na lang diyan. Matulog ka na din ha?"

Pagkapasok niya ng banyo ay kaagad ko na ding kinuha ang malinis na tuwalya at isinabit ito sa knob ng pintuan ng banyo. Nakahiga na ako nang maalala kong wala pala siyang unan at kumot kaya muli akong bumaba at dinalhan siya nito para kahit papaano ay maging komportable naman siya.

Ngunit nagulat ako pagkababa ko dahil nakatapis lang siya ng tuwalya! Alam ko namang fit si doc dahil mga biceps pa lang niya ay namumutok na pero hindi ko akalaing nagagawa pa niyang mag gym! Aba, meron ba naman siyang six-pack abs! Napalunok tuloy ako at nag-iwas ng tingin. Sino ba naman kasing hindi mapapalunok diyan? Eh mukha siyang makisig na anghel na bumaba mula sa langit!

"Uhm I'll just get my clothes in the car." Sabi naman niya dahil natigilan din siya nang makita niya ako.

"Ha? Naka ganyan kang lalabas? Akin na susi mo at ako na lang." Sabi ko naman sa kanya nang makabawi ako.

Ginawa kasing bodega ni tita 'yong garahe ng bahay niya kaya sa labas naka park sasakyan ni Ethan.

"Ako na. Oh by the way, did you already drink your milk?"

Tumango lang ako. "Hay Ethan, bahala ka kapag pagkaguluhan ka ng mga tao diyan sa labas." Tumatawa kong sabi sa kanya.

"Gabi naman na. Good night, Jaz." Masuyo niyang sabi sa akin.

"Good night, doc!" Biro ko sa kanya.

Napangisi na lang at siya at umakyat na din ako ng kwarto.

Kung sa ibang pagkakataon lang sana at kung walang ibang laman ang puso ko ay hindi malayong ma in love ako kay Ethan. Bukod sa napaka gwapo na ay napaka buti pa niyang tao. Lagi kong sinasabi 'to pero napakaswerte talaga ng babaeng mamahalin niya ng lubusan. Alam kong pansamantala lang ang nararamdaman niya para sa akin at may babaeng karapat dapat para sa kanya.

"Inip na inip na ako, baby. Gusto na kitang makita at mayakap." Lagi kong kinakausap ang baby ko lalo na kapag gising siya at naglilikot sa loob ng sinapupunan ko.

Mag-iisang linggo na ulit ang lumipas pero wala pa akong nararamdamang contractions. Kaya kapag wala pa din daw ay i-induce labor na daw ako ni doc.

"Maglakad lakad ka, Jaz. Mas dalasan mo pa para hindi ka mahirapan." Sabi sa akin ni tita pagkababa ko.

"'Yan nga talaga ang plano ko tita kaya lalabas na ako. Sama ka tita at exercise mo na din." Aya ko sa kanya.

"Magche-check pa ako ng exam ng mga bata eh. Pasama ka na lang kay Andrew?"

"May exam pa ata 'yon tita kaya nagre review. Ako na lang at safe naman dito sa atin."

Dahil inip na inip na ako ay lumabas na nga ako ng bahay at naglakad lakad at inikot ko ang subdivision. Hindi kalakihan ang tiyan ko kaya hindi halatang kabuwanan ko na pero medyo nagkalaman ako ngayon. Sabi nga nila kung ano daw ang ikinaputla ko noong first trimester ko ay 'yon naman daw ang ikina -glow ko nitong mga huling buwan ng pagbubuntis ko.

Nang nakailang ikot na ako ay tumigil muna ako at umupo sa isang bench malapit sa basketball court at para akong hinahapo. Medyo mabilis akong mapagod dahil may kabigatan din talaga ang baby ko.

Natigilan ako nang mapadako ang mga mata ko sa kabilang bahagi ng court dahil parang nakita ko si Niko. Ngunit ipinilig ko ang ulo ko at napatawa ng mapait. Imposible. Guni-guni ko lang 'yon. Sigurado akong masayang masaya na sila ni Gab sa mga oras na ito. Nakaramdam na naman ako ng sakit sa dibdib ko kaya pilit kong iwinaglit ito sa aking isipan at ibinaling na lang ang atensyon ko sa malaking umbok sa aking tiyan.

"Kahit wala ang daddy mo, pupunuin ka ni mommy ng pagmamahal. I love you so much, anak." Masuyo kong sabi habang hinihimas ang tiyan ko nang biglang sumipa ng malakas ang baby ko!

"Aw! Mommy loves you so much, baby."

Edited: July 6, 2021