CHAPTER 5

MY MYSTERIOUS WIFE BOOK II THIRD GENERATION 

CHAPTER 5

3RD POV 

“Tungkol sa nangyari..” Mahina na wika ni Jin, habang napatingin sa kanya si Ivanna. 

“Kalimutan mo na ‘yon, mag-asawa na tayo kaya normal lang na mangyari ‘yon.” Napa-kuyom siya sa kamao niya, dahil sa narinig niya mula kay Ivanna. 

Balak na kasi niyang makipag-divorce rito at aayusin na sana niya ang relasyon nila ni Nova. 

“Bilisan mo na, baka ma-late ka, may pasok ka pa ‘di ba?” Tanong nito, habang mabilis siyang tumango rito. 

“Ayaw mo bang pumasok sa opisina ko?” tanong ni Jin, habang dinadalangin niya na sana ay hindi talaga ito pumasok, ayaw niya kasing makilala ito ng mga tauhan niya, bilang kanyang asawa. 

“Wala, gusto kung maghanap ng ibang trabaho.” Napatingin siya rito, dahil sa sinabi nito sa kanya. Lihim din siyang napangiti, dahil sa kanyang narinig, dahil pwede niyang puntahan si Nova, at kausapin itong magtrabaho muli sa kanya. Pero kailangan niya munang mawala si Ivanna sa bahay niya, pero hindi niya lang alam, kung paano ito gagawin, lalo na at may nangyari na sa kanila. Gulong-gulo siya kung paano niya sasabihin dito na gusto na niyang makawala sa kasal nila. 

“Ayaw mo bang kumain?” Tanong nito sa kanya, kaya napatingin siya rito. 

“Busog pa ako, sa opisina na ako kakain.” Sagot niya habang tumayo. 

Nang makapasok siya sa kanyang opisina, ay agad siyang napatingin sa tambak na documents na nasa lamesa niya. Hindi kasi siya makapagtrabaho ng maayos, lalo na at gulong-gulo ang kanyang isipan. 

“Sir, may meeting po kayo mamaya.” Napatingin siya sa kanyang secretary, dahil sa sinabi nito sa kanya. 

“Anong oras?” 

“After lunch po Sir,” sagot nito sa kanya. 

“Tumawag ba rito si Nova?” tanong niya rito.

“Opo Sir..” agad siyang nakaramdam nang tuwa, dahil sa narinig niya mula rito. 

“Ano ang sinabi niya?” 

“Tinatanong niya lang po kung nasa’n ka Sir.” 

“Sinabi mo ba kung nasa’n ako?” Tanong niya habang tumango ito. Napa-kuyom si Jin sa kamao niya, habang hindi niya napigilan na mapamura. 

“Bakit mo sinabi kung nasa’n ako?” 

“Sinabi ko lang sa kanya na nasa bahay po kayo ng mga magulang niyo Sir.” Mabilis siyang napatingin dito, dahil sa sinabi nito sa kanya. 

“Talaga? ‘Yon ‘yong sinabi mo sa kanya?” tanong niya rito, habang may tuwa siya sa kanyang labi. 

“Opo Sir..” 

“Mabuti kung gano’n lumabas kana, at kapag tatawag siyang muli at itatanong niya kung nasa’n ako, sabihin mong nasa bahay lang ako.” Utos niya rito, habang mabilis itong tumango sa kanya. 

Matapos makalabas ang secretary niya, ay na-patingin siya sa kanyang phone, nang tumunog ito. 

“Mom,” sambit ni Jin, matapos niyang sagutin ang tawag ng kanyang ina. 

“Jin, bakit hindi mo pa pinapapasok sa opisina mo ang asawa mo?” Galit na tanong nito sa kabilang linya, kaya napahawak siya sa kanyang noo. 

“Ayaw niyang pumasok dito, mas gusto niyang pumasok sa iba.”

“At hahayaan mo lang? Gusto mo bang pagtawanan ka ng mga taong nakakakilala sa ‘yo, dahil sarili mong asawa ay sa iba mo pinapapasok?” malalim siyang na-pahinga, dahil sa sinabi sa kanya ng kanyang ina, pero wala talaga siyang balak na makasama ito, lalo na at takot siyang malaman ni Nova, na kasama niya sa opisina ang asawa niya. 

“Balak kung makipag-divorce sa kanya Mommy.”

“Nahihibang kana ba?” galit na sigaw nito sa kabilang linya, dahil sa kanyang sinabi. 

“Alam ko kung bakit gusto mong makipag-hiwalay sa kanya Jin. Binabalaan kita, mas ayos pa sa akin na ‘yang babaeng ‘yan ang maging asawa mo, ‘wag lang ang Nova na ‘yon!” Napa-kuyom siya sa kamao niya, dahil sa narinig niya mula rito. Napa-buntong hininga naman siya, nang patayin ng kanyang ina ang tawag, kaya mabilis niyang binaba ang phone niya, habang napa-hawak sa kanyang noo. 

“Sir!” Tawag sa kanya ng kanyang secretary, habang kumakatok ito sa p***o. Nang buksan ito ng secretray niya, ay mabilis siyang napatingin dito.

“Bakit?” 

“May naghahanap sa ‘yo Sir, at sinabi niyang kakilala mo raw siya,” napa-kunot muli ang noo ni Jin, dahil sa narinig niya mula rito. 

“Sino?”

“Ivanna raw po ang pangalan niya.” Mabilis siyang napatayo sa upuan niya, nang marinig niya ang pangalan na sinasabi sa kanya ng kanyang secretary. 

“Papasukin mo,” utos niya rito, habang nanatili siyang nakatayo. 

“Nagdala ako ng pagkain mo.” Wika sa kanya ni Ivanna, habang na-patingin siya sa paper bag na hawak nito. 

“Kumain kana.” Inis siyang lumapit dito, at mahigpit na hinawakan ang kamay nito. 

“Bakit mo ba ginagawa sa akin ‘to?” Galit na tanong niya, habang bakas sa mukha nito ang pagtataka na tumingin sa kanya. 

“Ayaw mo bang dalhan kita ng pagkain?” 

“Ayoko! Malinaw naman ang usapan natin ‘di ba? Sinabihan na kita na ayaw kung malaman ng mga tauhan ko na asawa kita!”

“Hindi ko sinabi sa kanila. Kahit sa secretray mo, ay hindi ko sinabi sa kanya ang tungkol sa atin!” Galit na wika sa kanya ni Ivanna, habang winaksi nito ang kamay niya na nakahawak sa kanyang braso. 

“Kung ayaw mo sa dala kong pagkain, hindi naman kita pinipilit.” Muling wika nito sa kanya, habang kinuha nito ang dala nito, at mabilis na lumabas. Agad niya naman itong tinawag. Pero hindi siya pinakinggan nito. 

“D*mn it!!” Inis na inis siyang sumunod dito, pero bigla nalang siyang natigilan nang makita niya ang secretary niya. 

“Sir, gusto po kayong maka-usap ng daddy niyo.” Wika nito sa kanya, kaya napatingin siya kay Ivanna na pumasok sa loob ng elevator. 

“Dad..” Sambit ni Jin, habang nilapitan ang kanyang ama. 

“Nasa’n ang asawa mo?” 

“Nasa bahay siya Dad..” 

“Nalaman kung nakapagtapos siya ng pag-aaral, kaya balak kung kunin siya, para magtranaho rito Jin.” Lihim niyang na-ikuyom ang kamao niya, dahil sa narinig miya mula rito. 

“Ayaw niyang magtrabaho rito Dad.”

“At hahayaan mo lang?” Napatingin siya rito, dahil sa sinabi nito sa kanya. 

“Gawin mo ang gusto ko Jin.” 

“Opo Dad.” Sagot niya rito, habang mabilis siyang tumayo. 

Muli niyang tinungo ang kanyang opisina at kinuha niya ang kanyang phone. Sinubukan niyang tawagan si Ivann. Pero hindi ito sumasagot sa mga tawag niya. 

“D*mn!” Malakas siyang napamura, habang tumayo siya. Balak na sana itong puntahan. Pero kailangan niya pang dumalo sa meeting niya.