My Mysterious Wife BOOK II Third-Generation

MY MYSTERIOUS WIFE BOOK II THIRD GENERATION 

CHAPTER 1 

3RD POV 

Habang na-patingin si Jin sa paligid, ay hindi niya mapigilan na mapangiti, lalo na at perfect na sa kanyang paningin ang lahat. Hinanda na niya ang bulaklak, para ibigay sa babaeng matagal na niyang gusto.

‘Alam kung magugustuhan mo itong ginawa ko ngayon Nova, matagal ko na itong pinag-isipan, at ito na ang tamang panahon, para yayain kang magpakasal.’

“Jin nandito na siya.” Napalingon si Jin sa kaibigan niya, at hinanda niya ang bulaklak na ibibigay rito. 

“Anong meron?” Tanong sa kanya ni Nova, habang binigay niya rito ang bulaklak na hawak niya. 

“Nagustuhan mo ba ang ginawa ko?” Tanong niya rito, habang malawak itong napangiti sa kanya. 

“Oo, ang ganda..” 

“Salamat Nova, alam mo bang ikaw lang ang babaeng gusto kung makasama sa buong buhay ko.” Agad itong napatingin sa kanya, habang napansin niya na unti-unting nawala ang ngiti nito sa labi. 

“Hindi mo ba nagustuhan ang sinabi ko?” 

“Nagustuhan, alam mo naman na mahal na mahal kita Jin.” Sagot nito sa kanya, kaya mabilis niya itong nilapitan at mahigpit na niyakap. 

“Masaya akong marinig ‘yan Nova.” Wika ni Jin, habang binitawan ito. 

Dinukot niya naman ang singsing na hinanda niya, para sa dalaga at mabilis siyang lumuhod sa harapan ni Nova. Bakas sa mukha nito ang gulat, dahil sa kanyang ginawa. 

“Nova Winter, will you marry me?” Tanong niya rito, habang nagsisigawan ang mga taong nasa paligid nila. Malawak din na ngumiti si Jin. Habang nanatili siyang nakaluhod sa harapan ng dalaga, at nakalahad pa rin dito ang singing na hawak niya. 

“Patawad Jin..” Agad na nawala ang ngiti ni Jin, dahil sa kanyang narinig. Pakiramdam niya ay gumuho ang mundo niya, dahil sa kanyang narinig mula sa dalaga. 

“Mahal kita, pero hindi kita pwedeng pakasalan Jin.” Wika nito sa kanya, habang mabilis siya itong iniwan. Agad na tumayo si Jin, habang pakiramdam niya ay gumuho ang mundo niya, dahil sa narinig niya mula kay Nova. Ang akala niya, mahal na mahal siya nito at handa siyang pakasalan. 

“Dude, ayos ka lang ba?” Tanong sa kanya ng kaibigan niya, habang tumingin siya rito at tumango. 

“Ayos lang ako.” Sagot niya habang iniwan ito. Wala siyang pakialam kung napapahiya siya sa lahat ng tao, dahil ang hindi niya mataggap, ay ang hindi pagpayag ni Nova na pakasalan siya. 

“Bakit Nova? Bakit mo nagawa ‘yon? Alam kung mahal mo ako? Kaya bakit ayaw mo akong pakasalan?!” Gusto niyang magwala. Pero pinipigilan niya ang sarili niya, naisip ni Jin na tama na ang pagkapahiya na natamo niya kanina. 

Pinili niyang maglalakad sa daan, para ma-ibsan ang sakit na nararamdaman niya, pakiramdam niya ay hindi na niya kayang mabuhay pa, lalo na at hindi niya kasama si Nova. Ito lang kasi ang babaeng gusto niyang makasama, habambuhay.  

“Sorry..” Napatingin si Jin, sa singsing na dala niya, habang natapon ito sa daan. Mabilis naman itong kinuha ng babaeng nakabangga niya. 

“Ito na ‘yong singsing mo. Pasensya kana.” Wika nito sa kanya, habang inabot nito ang singsing.  

“Pwede mo ba akong pakasalan?” Tanong niya rito, habang tiningnan niya ang dalaga. Nakita niya ang gulat sa mukha nito, dahil sa tanong niya rito. 

“Seryoso kaba? Ako talaga?” natatawang tanong nito, habang nanatili siyang nakatitig dito. Nakita niyang hindi ito maganda at parang manang ito manamit. Pero wala siyang pakialam, dahil ang mahalaga lang sa kanya, ay maikasal siya. Gusto niyang makalimutan si Nova, at gusto niyang ipakita rito na kaya niyang magpakasal sa iba. 

“Seryoso ako, pakasalan mo ako..” mahina na wika ni Jin, habang nag-uunahan na sa paglandas ang mga luha niya sa kanyang mga mata. 

“Kung gusto mo talagang ikasal tayo, sige..” Malawak siyang napangiti, dahil sa sagot nito sa kanya, kaya mabilis niyang nilagay sa daliri ng dalaga ang singsing na hawak nito. Wala rin siyang pakialam sa pangalan nito, dahil wala siyang balak na kilalanin ito. 

Matapos silang magpakasal, ay binigay niya rito ang susi ng condo niya, gusto niyang dito na muna ito tumira, habang hindi pa tapos ang bahay na pinapagawa niya. Bigla na naman siyang nakaramdam nang lungkot, nang maalala niya si Nova, dahil ito talaga ang gusto niyang makasama sa bahay na ‘yon. 

“Dude! Saan kaba galing?” tanong sa kanya ng kaibiga niya. 

“Bakit?” 

“Anong bakit? Hindi mo ba alam na nag-alala kami sa ‘yo!” napangiti siya rito, dahil sa kanyang narinig. 

“Bakit naman kayo mag-alala?” 

“Dahil sa nangyari.” 

“’Wag niyo nang alalahanin pa ‘yon, dahil hindi ko na hahabulin pa si Nova.” Gulat na napatingin sa kanya, ang mga kaibigan niya, dahil sa kanyang sinabi.

“Akala pa naman namin, ay magpapakamatay ka.” Iling na wika ng kaibigan niya sa kanya. 

“May asawa na ako, kaya hindi ko gagawin ‘yon,” muli silang nagulat, dahil sa kanyang sinabi. 

“Anong asawa ang pinagsasabi mo? Baka nakalimutan mong hindi pumayag si Nova na pakasalan ka,” malawak na na-pangiti si Jin, dahil sa kanyang sinabi. 

“Hindi lang si Nova ang babae sa mundo, kaya hindi siya ang pinakasalan ko.” 

“Kung gano’n, ang ibig mong sabihin may iba ka pang nobya, bukod sa kanya?” hindi siya nakasagot, dahil hindi niya kilala ang babaeng pinakasalan niya kanina. Basta niya nalang itong nakabangga, at niyaya na magpakasal. 

“Oo..” Sagot ni Jin sa kaibigan niya, dahil ayaw niyang pamahiya, lalo na sa ginawa ni Nova sa kanya, sa harap ng mga kaibigan niya. 

“Ang daya mo naman. Alam mong magkaibigan tayo, pero itinago mo sa amin ang ibang babae mo.” Napatingala siya rito, habang nailing ito sa kanya. 

“Baka kasi isumbong niyo ako,” natatawang sagot niya rito. 

“Jin!” Galit na sigaw sa kanya ng kanyang ina, matapos siyang maka-uwi sa bahay nila. 

“Ano ‘tong nabalitaan namin?” wika sa kanya ng kanyang ina, matapos itong makalapit sa kanya. 

“Ang alin Mom?” 

“Ang sabi ng driver mo nagpakasal kana raw?” 

“’Wag mong sabihin na pinakasalan mo talaga ang babaeng ‘yon?” Napa-kuyom siya sa kamao niya, dahil sa kanyang narinig mula sa kanyang ina. 

“Mom, hindi si Nova ang babaeng pinakasalan ko.” Gulat itong napatitig sa kanya, dahil sa kanyang sinabi. 

“’Wag mo akong gawing tanga Jin! Dahil alam ko kung gaano mo ka mahal na ang babaeng ‘yon!” 

“Hindi siya ang pinakasalan ko Mommy, dahil hindi siya pumayag na magpakasal kami,” malungkot na wika niya sa kanyang ina. 

“Kung gano’n ipakilala mo sa akin ang asawa mo.” Madiin na wika sa kanya ng kanyang ina, habang tumango siya rito, at tinalikuran ito. 

Nang makapasok si Jin sa silid niya, ay hindi na niya na-pigilan ang sarili niya na suntukin ang kanyang kama, dahil sa sakit na nararamdaman niya. Kanina niya pa pinipigilan ang sarili niya, dahil ayaw niya lang makita ng mga kaibigan niya na nasasaktan siya, dahil sa ginawa sa kanya ni Nova.