Chapter 7

7

3RD POV

“Where are you going?” Tanong sa kanya ni Dylan ng makitang bihis na bihis si Anna. 

“Bakit mo tinatanong?” Masungit na sagot niya.

“Tsk, sabihin mo sa akin kung sa’n ka pupunta.” 

“Paano kung ayaw ko?” Napakuyom ang kamao ni Dylan habang malakas na binagsak ni Anna ang pinto ng condo unit nila. Akmang susunod na sana siya sa kanyang asawa, pero biglang tumunog ang kanyang phone.

Ayaw sana ni Dylan na pumunta sa office, pero kailangan dahil may importante silang meeting, kaya agad niyang tinawagan si Recca.

“Ano? Gagawin mo pa talaga akong bodyguard sa asawa mo.” Natatawang wika ni Recca sa kabilang linya.”

“Don’t worry I pay you.” Muling natawa si Recca, dahil alam niya na hindi siya mananalo kay Dylan.

Samantala nagpunta si Anna sa isang sikat na boutique para bumili ng damit. Pagpasok niya pa lang ay pinagtitinginan na siya ng mga tao sa loob. Hindi rin siya pinansin ng mga sales lady roon. 

“Hey!” Napatingin si Anna kay Britney at hilaw na ngumiti.

“Why are you here?” Nang-i-insulto na tanong ni Britney sa kanya.

“Bibili malamang.” Balewala niyang wika rito.

“Nagpapatawa ka yata.” 

“Hindi naman clown ang itsura ko? Kaya anong nakakatawa?” Namula ang mukha ni Britney dahil sa sinabi ni Anna sa kanya.

“Hindi ka nga clown, pero masyado naman yatang malaki ang sahod mo bilang KATULONG.” Pinagdiinan niya ang salitang katulong, kaya nagbubulungan ang mga tao sa paligid. Lihim na napangiti si Britney dahil sa ginawa niyang pag-pahiya kay Anna. Nilabas naman ni Anna ang kanyang black cash card, kaya natigilan si Britney.

“Totoo ang sinabi mo, Malaki ang sahod ko bilang katulong, kaya nga ako may Black card. Ikaw ba meron ka ba nito?” Ngiting wika niya. 

“‘Wag kang masyadong mayabang. Alam kung peke ‘yan.” Ngiting wika ni Britney kaya nagtatawanan ang mga taong nasa paligid.

“Then i-check natin.” Ngiting wika ni Anna at tinawag ang isang sales lady. Hindi naman siya pinansin nito at kahit isang sales lady ay walang lumapit sa kanya. 

“Paano ka nila lalapitan, eh hindi naman totoo ‘yang hawak mo.” Natatawang wika ni Britney kaya muling pinagtawanan si Anna. 

“Nasa’n ‘yong manager n’yo?” Galit niyang sigaw at agad na lumabas ang manager.

“Bakit po Ma’am? Ano pong problema?” Tanong nito kay Anna, pero mabilis na lumapit ang isang sales lady sa kanya at may binulong dito, kaya malakas na natawa ang manager.

“Mukhang galing ka yata ng bundok?” Tanong nito sa kanya, habang tiningnan siya mula ulo hanggang paa.

“Hindi kami ignorant tulad mo.” Muling wika sa kanya ng manager.

“Hayaan niyo na siya. Mukhang ngayon lang siya nakapasok dito.” Ngiting wika ni Britney at tinalikuran siya. Inis na kinuha ni Anna ang phone niya at may tinawagan. 

Sa gilid hindi maiwasan ni Recca na makaramdam ng awa kay Anna, habang pinadala niya kay Dylan ang video ni Anna. Agad niya rin itong iniwan at bumalik sa office nila. 

Kampante na naupo si Anna sa isang sofa sa loob ng boutique wala siyang balak na umalis kahit pinagtitinginan siya ng mga tao sa loob, at dini-didma pa rin ng mga sales lady roon.

Mabilis na sinalubong ng manager ang babae na kararating lang. May mga kasama itong bodyguard.

Mabilis na bumati ang manager sa kanya, pero hindi man lang siya pinansin nito. Hindi rin maiwasan ni Britney ang sumunod sa babae dahil kilala niya ito, at Isa ito sa mga hinahangaan niya, kaya lagi siyang bumibili sa boutique nito.

“I’m sorry.” Namilog ang kanilang mga mata habang nakita ang ginawang pagbiso ni Chantal sa pisngi ni Anna.

“Tanggalin mo silang lahat.” Wika ni Anna, kaya napasinghap ang mga tao sa paligid pati ang manager.

“A-ano pong ibig niyong sabihin?” Gulat na tanong ng manager sa kanya. Pero hindi siya umimik. Mabilis naman na tumango si Chantal at tinalikuran na sila ni Anna.

Natigilan si Anna sa kanyang paglalakad ng bigla siyang hablotin ni Britney. 

“Bitawan mo ako kung ayaw mong masaktan.” Madiin na wika niya rito, kaya agad na napa-bitaw si Britney. Hindi niya maiwasan na matakot dahil alam niya na hindi nagbibiro si Anna sa kanya.

“P-paano mo siya nakilala? B-bakit close kayo?” Utal at hindi makapaniwala na tanong ni Britney sa kanya. Hilaw naman na ngumiti si Anna at hindi sinagot si Britney. 

Galit na galit na pumunta si Britney sa office ni Dylan dahil sa ginawa ni Anna. Gusto niyang pa-alisin na ni Dylan si Anna sa kanila.

“What are you doing here?” Gulat na tanong ni Dylan. Nang makitang nakaupo si Britney sa swivel chair niya.

“Love..” Umiiyak nitong wika, habang mabilis na niyakap si Dylan.

“Is there anything wrong?” Tanong niya rito at mabilis na tumango si Britney.

“Alam mo ba ang ginawa sa akin ng katulong mo?” Napakunot ang noo ni Dylan dahil sa sinabi ni Britney. Alam na rin niya ang ginawa nito na mapapahiya kay Anna, kaya hindi niya maiwasan na magtaka.

“Pinahiya niya ako sa isang boutique.” Iyak nitong wika, kaya lalong napakunot ang noo ni Dylan. 

“Anong pinapahiya?” 

“Ah! Basta! Gusto kung tanggalin mo na siya!” Malakas na sigaw ni Britney at nag-papadyak ito na parang bata. 

“Love, alam mo naman na hindi ko pwedeng gawin ‘yan.” Kumalas si Britney sa kanyang pagka-kayakap kay Dylan dahil sa sinabi ng kanyang nobyo sa kanya. 

“Bakit hindi? Love, kailangan mo siyang tanggalin!” 

“Paano kung ayaw ko?” Mabilis silang napalingon sa pinto at nakita si Anna na nakatayo.

“Anong ginagawa mo rito?” Tanong sa kanya ni Britney, pero hindi sumagot si Anna at nilampasan lang sila nito. Mas lalo naman na nakaramdam ng galit si Britney sa kanya nang makita itong umupo sa swivel chair ni Dylan.

“What are you doing here?” Kunot-noo na tanong ni Dylan sa kanya. Habang itinaas ni Anna ang kanyang mga paa at pinatong sa lamisa. 

“Hey! What are you doing?” Galit na sigaw ni Britney at akmang lalapitan sana si Anna. Pero mabilis siyang hinawakan ni Dylan.

“Love, hindi mo ba nakikita? Binabastos ka niya!” Galit niyang turo kay Anna. 

Napahawak naman si Dylan sa ulo niya dahil sa ginawa ni Anna. Hindi niya rin inakala na papasok si Anna sa loob ng office niya, dahil noon ay hanggang do’n lang ito sa misa ng kanyang secretary.