Chapter 36

Amber Pov

Hindi ko mapigilan ang makaramdam ng pagmamalaki matapos kong makita ang aking hitsura habang suot ang gown na ibinigay sa akin ni Tita Aloha. Bumagay sa hugis ng katawan ko ang gown. Si Chel ang nag-makeup sa akin dahil hindi naman ako magaling sa paglalagay ng makeup sa aking sarili. And and in fairness, may itinatago palang galing sa pagmakeup si Chel. Sa tingin ko ay lumutang ang aking ganda dahil sa kanyang simpleng makeup. Nagulat nga ako nang makita ko ang mukha ko sa salamin matapos niya akong malagyan ng makeup. Hindi ko akalain na may igaganda pa pala ako.

Simple lang naman ang makeup ko at ang ayos ng buhok ko. Nakapusod paitaas ang buhok ko at sa gilid ng aking mga pisngi ay hinayaan ni Chel na malaglag ang ilang hibla ng aking buhok. Parang mas tumangos ang aking ilong nang malagyan niya ng contour. Matingkad na pink lipstick naman ang ginamit niya sa aking mga labi at nagustuhan ko naman iyon.

"Ang ganda-ganda mo naman, Amber. Hindi ko akalain na gaganda ka n