The Worthless Son-in-Law is the World's Richest Heir

The Manila Hotel

“Sir, nandito na po ang takeout niyo.” 

Kumatok si Mark sa p***o ng hotel room suot ang kaniyang takeout uniform.

“Sandali! Nandiyan na.”

Nang bumukas ang p***o ng kwarto, bumungad kay Mark ang isang lalaki at isang babae, dahilan para matulala siya sa kinatatayuan niya.

Hindi kilala ni Mark ang lalaking nagbukas ng p***o.

Pero sa likod ng lalaki, ang magandang babaeng nakasuot ng bathrobe ay walang iba kundi ang asawa niyang si Jade!

BLAG!

Agad na nahulog sa lupa ang takeout na hawak ni Mark mula sa kaniyang mga kamay.

Parang kanina lang, curious pa siya kung sino ang nagpa-deliver nito.

Isang five-star hotel naman kasi ang The Manila Hotel, at ang mga taong nagche-check-in dito ay hindi naman nagpapa-takeout.

Kung magpa-deliver man sila, hanggang sa lobby lang sila papayagan ng hotel.

Pero ang lalaking ito ay nakahanap ng paraan para maipa-deliver kay Mark ang pagkain nang deretso na mismo sa kwarto.

Pero sino ba naman ang mag-aakala na makikita pala ni Mark ang sarili niyang asawa habang nagde-deliver!

Nang makita ng lalaki na natapon sa sahig ang pagkain, nag-init agad ang ulo nito.

Magmumura na sana siya kay Mark nang biglang sumigaw si Jade mula sa loob ng kwarto. Halata sa tono ng boses niya ang gulat.

“Honey! Anong… anong ginagawa mo rito?”

Nagulat ang lalaki at pinagmasdan si Mark mula ulo hanggang paa.

Katamtaman ang tangkad ni Mark at may itsura ito. Nakasuot din siya ng berdeng Grab Food na uniporme.

Tumawa ang lalaki at sinabi, “Jade, rider pala ng Grab ang asawa mo. Ang alam ko room service ang tinawagan ko, hindi takeout.”

Kahit na nahuli na sila ng asawa ni Jade, hindi man lang nataranta ang lalaki. 

Dahil alam niyang si Mark ang magde-deliver mismo sa kanila sa hotel.

Sa pamilya nila, wala silang pakialam sa estado ng isang tao!

Nagdilim ang paningin ni Mark dahil sa nasaksihan.

“Jade, tatlong taon na akong nakatira sa pamilya niyo nang makasal tayo. Pinaghahanda ko kayo ng pagkain tatlong beses sa isang araw, ako ang nagliligpit ng dumi ng aso, at nagpapakain sa pusa kahit na pagod ako pagkauwi sa trabaho. Dahil alam kong worth it lahat ng ‘yon!”

“Sa nakalipas na tatlong taon, hindi mo man lang hinayaan na humawak ang mga kamay mo sa ‘kin! Akala ko talaga may prinsipyo kang babae, pero ngayon... bakit mo ginawa 'to?!”

Kung kanina lang ay medyo natakot pa si Jade sa biglang pagdating nito, ngayon ay para bang ito pa ang nagmamataas ngayon.

Lumapit siya sa p***o at sinabi nang taas-noo, “Ano kamo? Mark, mag-ingat ka sa pananalita mo. Sinasabi ko sa'yo, hindi mo magugustuhan ang pwede kong gawin.”

Tinuro ni Jade ang kaniyang kasama. “Kilala mo ba kung sino siya? Isa siyang CEO ng isang investment company. Galing siya sa isang kilalang pamilya, at anak ng mga Barnuevos. Si Jasper Barnuevo!”

“Pumunta rito si Mr. Barnuevo para makipag-usap sa akin tungkol sa negosyo. Kung ayaw mong maniwala, pwede kong ipakita sa'yo ang kontrata. Pero maiintindihan mo ba 'yon?”

Isang delivery rider si Mark. Sa mga mata ni Jade, wala itong alam o kakayahan na maintindihan kung ano ang mayroon sa pagpapatakbo ng isang negosyo.

Napangiti si Jasper at hindi na nagpaliwanag. Tiningnan niya ang takeout na natapon sa sahig at sinabi, “Bro, nahulog mo 'yong chicken pastel ko kaya dapat lang na i-complain kita. Pero dahil asawa ka naman ni Jade, paano kung mag-sorry ka na lang nang bukal sa puso mo para bigyan kita ng 5-star review?”

Ngumisi nang may pagmamayabang si Jasper na para bang siya pa ang biktima.

Siya pa talaga ang may ganang umakto nang ganito imbis na magpaliwanag at humingi ng paumanhin kay Mark.

Akala ni Mark ay pipigilan ito ni Jade bagkus ay sinabi, “Humingi ka ng tawad kay Jasper. Hindi siya ‘yong tao na pwede mong pagsalitaan ng kung ano-ano.”

Galit na galit si Mark. Talagang nagtutulungan pa silang dalawa para lokohin ito!

Nahuli ko na nga kayo, at hindi kayo nag-sorry sa akin, tapos ako pa ang pinapahingi niyo ng tawad?! Walang katarungan ang mundong ‘to!

Tinikom ni Mark ang kaniyang kanang kamao. Gusto niyang turuan ng leksyon ang hayop na ‘to!

Pero unang hakbang pa lang ni Mark palapit dito ay napaatras agad si Jasper ng tatlong hakbang dahil sa takot.

Humarang si Jade sa harap niya at sumigaw, “Mark! Tingnan mo nga ang sarili mo. Sobrang hirap mo na nga at amoy-pawis pa. Hindi mo deserve ang tumapak sa isang 5-star hotel. Lumabas ka rito! Kung hindi, tatawag ako ng security!”

Tinitigan ni Mark si Jade at dahan-dahang ibinaba ang kaniyang kamao. “Jade, umaasa ako na balang araw hindi mo ‘to pagsisisihan!”

Pagkasabi niyon, tumalikod na si Mark at umalis.

Tinitigan ni Jade ang likod ni Mark at malakas na sumigaw, “Ang pinakamalaking pagsisisi ko ay ang magkaroon ng walang kwentang asawa na tulad mo!”

Ang magandang boses ni Jade na parang huni ng ibon ay unti-unting nawala sa hallway ng hotel, pero sa puso ni Mark, lalo lang itong bumigat.

Paglabas pa lang niya ng hotel at pagkasakay sa motor na binigay ng kaniyang food delivery company, biglang tumunog ang telepono ni Mark.

“Hello, Grab Food delivery po.” Sumagot si Mark sa isang propesyonal na paraan.

Isang matandang boses ang nagsalita sa kabilang linya, “Third Young Master, ang tatlong taon mong pagsubok bilang live-in son-in-law sa pamilya Gutierrez ay opisyal nang nagtatapos ngayong araw.”

“Ang susunod mo namang training ay sa larangan ng negosyo. Binili na ng Don ang Roxas Group at inayos na ang lahat para ikaw ang maging chairman nito.”

“Okay, naintindihan ko,” kalmadong sagot ni Mark.

Kung ibang delivery rider siguro ang nakatanggap ng balitang ito at naging chairman bigla, siguradong magwawala na iyon sa tuwa.

Pero nanatiling napakakalmado ni Mark.

Nagpatuloy ang matanda sa kabilang linya, “Gusto rin malaman ng Don kung kumusta ang pagsasama niyo ng isa sa mga apo ng Gutierrez. Gusto mo na ba siyang opisyal na isama sa pamilya para maging isa sa mga tagapagmana ng mga Ayala?”

Napatawa nang may pang-aasar si Mark. “Pamanahan si Jade sa isang trilyong piso na ari-arian ng pamilya Ayala? No way! Hindi siya deserving para dito.”

Pagkasabi niyon, ibinaba na ni Mark ang telepono, pinitik ang accelerator gamit ang kaniyang kanang kamay, nagpatakbo nang mabilis, at dumaan sa mga kalsadang punong-puno ng mga bumabiyaheng kotse.