Kabanata 6:Kasunduan ni Calex sa ama.

"Good morning po, Sir," bati sa kanya ng kanyang mga empleyadong nakakasalubong. Tanging pagtango lang ang kanyang naging sagot sa mga ito.

Mabilis niyang tinungo ang opisina kung saan ay naghihintay ang kanyang ama.

"Finally, you're here!" anang kanyang ama, pagkabukas pa lang ng pintuan ng opisina. Agad siyang sinalubong nito.

"Dad," bati niya sa kanyang amang si Don Elias, na medyo may katandaan na, pero hindi maipagkakaila ang taglay nitong katikasan.

"I'm here para ipaalam sa’yo na naipagkasundo ko na ang iyong kapatid sa anak ng isa sa malalapit nating business friend," saad ng kanyang ama na ikinagulat niya.

"Next month, aayusin na ang kanilang pagpapakasal."

Muli ay dagdag ng kanyang ama.

"What?! Dad, you can't do that to Ahlily!" inis niyang sagot sa ama. Alam niyang hindi gusto ng kanyang kapatid ang lalaking inirereto dito ng kanilang ama. Tinaasan siya ng kilay ni Don Elias.

"Binalaan na kita noon pa, Calex, na kung hindi ka magtitino sa mga pinaggagagawa mo, kapatid mo ang sasalo ng parusang dapat ay para sa’yo," saad ng kanyang ama sa mahinahon ngunit maautoridad na boses. Alam niyang hindi nagbibiro ang ama. Napasabunot siya sa sariling ulo.

"Dad, please! Don’t do that to Ahlily. Hindi niyo siya pwedeng ipakasal sa lalaking hindi niya mahal," pakiusap niya sa sariling ama, kahit kita sa mukha nito ang pagkadeterminado. Nagbabakasakali siyang mabago pa ang isip nito.

"She'll take your place, Calex. Ikaw dapat ang nasa sitwasyon niya ngayon, pero ayaw mo. Siya ang nalagay sa alanganing sitwasyon. Maswerte ka pa nga dahil two years marriage lang ang hinihingi namin ng mommy mo. At kung talagang hindi mo gusto ang buhay may-asawa, puwede kang mag-file ng divorce—unlike your sister na panghabambuhay," galit na sabi ng kanyang ama.

Napabuntong-hininga siya. Ayaw niyang magpatali, kahit sabihing after two years ay puwede niyang i-divorce ang babaeng papakasalan. Pero mahal niya ang kaisa-isa niyang kapatid, at ayaw niyang maging miserable ang buhay may-asawa nito. Muli ay isang malalim na paghinga ang kanyang ginawa, saka naiiling na napabuga ng hangin.

"Fine. Two years. Pumapayag na ako," wala sa loob na sagot niya sa ama. Bigla itong napatingin sa kanya, tila hindi makapaniwala. Maya-maya ay sumilay ang ngiti sa mga labi ng matandang Don.

"Are you sure?"

"I'm sure. Pero siguraduhin niyo rin na walang kasalang magaganap kay Ahlily," mabigat ang dibdib na sagot niya.

"Okay. Kung gano’n, sasabihan ko ang aking kumpadre na wala nang magaganap na kasalan. Siguraduhin mo lang, Calex, na tutupad ka," anang kanyang ama saka nagpaalam na ito sa kanya.

Halos maiuntog na niya ang sariling ulo sa pader ng kanyang opisina. Hindi niya gusto ang ideya ng kanilang ama, ngunit wala siyang choice—lalo na't kaligayahan ng kanyang nakababatang kapatid ang nakataya.Halos mangalahati ang beer na iniinom ni Calex sa isang lagok lamang. Tulad ng dati, pagkalabas niya ng kanyang opisina ay dumiretso siya sa bar ng kaibigang si Dustin.

"Chill, man. Marami pa," sabi sa kanya ni Dustin nang makita ang sunod-sunod niyang tungga sa iniinom na beer. Napabuga siya ng hangin saka sunod-sunod na pag-iling ang kanyang ginawa.

"Paano ‘yan? Matatali ka na pala, bro," maya-maya ay usisa sa kanya ni Dustin, sabay ng isang nakakalukong ngisi.

"Kung hindi lang dahil sa kapatid ko, never kong gagawin ang magpatali," inis na sagot niya sa kaibigan. Hindi niya talaga gusto ang ideya ng kanyang ama. Pero kung hindi niya gagawin ‘yon, kapatid niya ang malalagay sa alanganin. Babae ang kapatid niya, at ayaw niyang ito ang magdusa dahil sa mga kalokohang pinag gagagawa niya.

"So, sino ang malas na babaeng papakasalan mo?" natatawang usisa naman sa kanya ni Luke. Napa-iling siya dahil kahit siya ay hindi alam kung sinong babae ang ipapakasal sa kanya ng kanyang ama.

"Ang lagay ba niyan, si Calex na ayaw magpatali, handa nang magkaroon ng misis Saavedra?" nakangiting kantyaw sa kanya ni Dustin na sinabayan pa ng tawa. Mapaklang ngiti lang ang isinagot niya sa kaibigan.

"Like what I said, gagawin ko lang ito para sa kapatid ko. At kung sino man ang babaeng ‘yon, pagsisisihan niya ang gagawing pagpapakasal sa akin," aniya, sabay tungga ng beer.

Bakit ba kasi kailangan pa niyang magpakasal nang sapilitan? Pakiramdam niya ay na-set up siya ng sarili niyang ama. Ginamit pa ang kanyang nakababatang kapatid para lang mapapayag siya. Siguro’y napuno na ang kanyang ama sa mga kalokohang ginagawa niya sa mga babae.

Eh ano bang magagawa niya? Ipinanganak siyang gwapo at lapitin ng babae. Sila ang kusang lumalapit sa kanya. Eh sino ba naman siya para tumanggi pagdating sa kama? Lalaki lang siya na may kahinaang dala pagdating sa kama.

Habang nag-iinuman at nag-uusap silang magkakaibigan, bigla na lang may sumuntok sa kanya. Sa lakas ng suntok ay natumba siya mula sa pagkakaupo. Nalasahan pa niya ang kalawang sa kanyang labi—putok lang naman ang kanyang pang-ibabang labi dahil sa lakas ng pagkakasuntok.

Mabilis siyang bumangon mula sa pagkakalugmok at saka tiningnan kung sino ang walang habas na nanuntok sa kanya.

"Hayop ka! Pati girlfriend ko, hindi mo pinalampas!" anang galit na galit na si Ezzikel.

Natawa siya, saka napa-iling. Kasalanan ba niya kung naghahanap ng init ng katawan ang girlfriend nito?

"Ezzikel, Ezzikel… hindi ko kasalanan kung naghahanap ng init ng katawan ang girlfriend mo. Pasalamat ka pa nga sa akin dahil ibinigay ko ang kailangan ng girlfriend mo. Oh, wait… siguro hindi mo na naibibigay ang kanyang pangangailangan. Maybe, hindi ka magaling sa kama—kaya sa iba siya naghahanap."

Saad niya, kasabay ng nakakalukong tawa. Kita niyang lalong nagngingitngit sa galit si Ezzikel.

"Alam mo, ‘di ko aakalain—magaling pala sa kama ang girlfriend mo, ah. Masarap siya."

Muli ay saad niya, kasunod ang nakaka-insultong pagtawa. Dahilan ito para lalong magwala si Ezzikel. Sinugod siya nito at muling inundayan ng suntok. Pareho silang nagpagulung-gulong sa sahig. Nang makabawi siya sa suntok nito, siya naman ang nagpakawala ng isang malakas na suntok na tumama sa mukha ng kaaway. Halos matumba ito sa ginawa niya. Hindi pa siya nakontento at pinagsunod-sunod pa niya ito ng tadyak nang matumba.

Dahil sa away nilang iyon, nagkagulo ang mga tao sa loob ng bar.

"Calex, tama na bro!" awat sa kanya nina Dustin at Luke na pilit siyang inilalayo kay Ezzikel na halos duguan na ang mukha. Kahit si Ezzikel ay ayaw pang magpaawat—kahit duguan na, ay pilit pa ring sinugod siya.

Kung hindi pa dumating ang mga bantay ng bar, baka tuluyan na silang nagkasakitan nang husto.

"Hayop ka, Saavedra! Babalikan kita! Pagsisisihan mo ang ginawa mong pagpatol sa girlfriend ko!" galit na sigaw nito, habang pilit na kumakawala sa pagkakahawak ng mga gwardiya.

"Hihintayin ko, gago! Mukha kang batang inagawan ng candy. By the way, pinagod ko nga pala ang maganda at masarap mong girlfriend. In fairness, magaling siyang gumiling sa kama," insultong sagot niya, sabay tawa ng parang demonyo.

Akma na naman siyang susugurin ni Ezzikel at uundayan ng suntok, pero inunahan na niya ito. Dahilan para matumba na naman si Ezzikel.

"Bro, tama na!" awat sa kanya ni Luke, sabay ubod-lakas na tulak palayo kay Ezzikel.

"Ilayo niyo sa akin ang hayop na ‘yan at baka mapatay ko pa!" galit na sabi niya sa mga gwardyang pilit nang inilalayo si Ezzikel sa kanya.

"Babalikan kita, Saavedra! Tandaan mo ‘yan! Hindi pa tayo tapos!"

Sigaw ni Ezzikel habang pilit na inilalabas ng mga gwardiya.

Pagkatapos ng gulo, pagalit na tinadyakan ni Calex ang isang mesa saka napa-upong napapailing.

"Ito na nga ba ang sinasabi ko, eh," narinig niyang himutok ni Luke na napahilot pa sa sariling sentido.

Makahulugang nagkatinginan sina Calex at Dustin.