Chapter 15

BREE’S POV

Nakakapit ang kamay ko sa pintuan habang patuloy akong hinahatak ni Heath papasok ng banyo.

“Kapag ikaw nabagsak ko!” pagbanta niya.

Buhat-buhat niya pa din ako pero ayaw kumalas ng mga daliri ko sa bannister. “Wala ka bang pasok ha?!” tanong ko at sumipa sa hangin. “Bakit ka ba nandito? Pumasok ka na nga sa office! Hahanapin ka nung sexy mong lawyer friend.”

“Wala akong paki,” sagot niya. “Kailangan mong maligo. Hindi ka ba nandidiri sa sarili mo?”

“Nandidiri, pero hindi ako magpapaligo sa’yo, ‘no?! Over my dead body!”

Nagpupumiglas pa ko. Para siguro ako ‘yung mga malalaking isda na bagong hango sa tubig sa likot.