Chapter 20

NANGUNOT ang noo ni Toni nang buksan ang malaking kahon na kade-deliver lamang sa kanila.

Sa ibabaw niyon ay may nakadikit na papel na may nakasulat na 'Sweetheart', kaya't alam niyang para iyon sa kanya... at alam niya kung kanino iyon nanggaling.

Agad niyang tinawagan ang kasintahan.

"Sweetheart, para saan 'tong dumating na kahon?" ani agad niya rito.

"Good morning to you, too, sweetheart!"

Natawa siya sa sagot nito.

"He He He.. seryoso po ako."

"Hindi mo pa ba binubuksan?" malambing na anito.

"Binuksan ko na po. Para saan itong damit?"

"Susuotin mo po iyan mamaya. May maliit na party sa bahay, birthday ni Mama."

Parang bigla siyang pinawisan sa sinabi nito. "Ha?!"

"Yes. At opisyal na po kitang ipakikilala bilang girlfriend ko."

Napahawak pa siya sa dibdib niya sa kaba.

"Teka, 'di yata ako prepared!" kabado pa ring sabi niya.

Paano kung ayaw talaga sa kanya ng Mama nito?

Paano