Chapter 70

“AGENT REX AND Agent Vine, you are incharge on the systems area. Find ways to hack all of their systems from the surveillance cameras ’til the gate passwords. I need everything to be clear right away!” utos ng isang kagalang-galang na lalaking nakasuot ng black office suit.

Kasalukuyang nagkakaroon ng mabilisang meeting at agenda ang buong kupunan ng ahensyang Gems Secret Agency Association upang iligtas ang butihing maybahay ng pinuno ng pinakasikat na ahensya ng gobyerno. Naging abala ang lahat sa harap ng kani-kanilang mga computer upang ma-trace ang bagong kinaroroonan nina Ynzo Abraham at Veron Stacey.

Bigla na lang kasing nawala ang lokasyon ng mga ito matapos ang unang pag-track nila sa gps connection ng mag-asawang Ynzo at Veron.

“Big boss, you have to see this,” bigkas ni Agent O at lumingon ang lahat sa napakalaking screen na biglang kumislap sa kanilang harapan.

Makikita roon ang satellite image ng kabuuan ng gusaling kinaroroonan nina Ynzo at Veron sa mga oras na ito.