CHAPTER 24.2

Hindi niya napansin na napapalibutan na pala sila ng mga taong may pintura sa mukha, may hawak na mga sibat at kakaibang kasuotan na tila pinagtagpi-tagping dahon. Tulad nila may suot din mask at salamin ang mga ito.

Mabilis humawak si Reyna sa kasama.

"Gumawa ka ng paraan," bulong niya dito.

"Kasalanan ng kaingayan mo 'to, kaya ikaw ang gumawa ng paraan."

"Dapat hindi tayo dumaan dito kung may panganib, kaya't kasalanan mo ito,"

"Sinabi kong tumahimik ka pero nag-ingay ka pa rin. Ikaw ang may kasalanan dito,"

Tuloy pa rin sila sa pagtatalo habang kinakaladkad ng mga hindi kilalang tao.