Chapter 6

Allyson's P.O.V

Pagkatapos kung umalis sa opisina ni Travis ay inihatid ako ng sekretarya niya sa opisina ko dito sa kaniyang kompanya. Inilibot ko ang aking paniningin at sa tingin ko ay maayos naman ang ibinigay na opisina. Kulay puti ang kulay ng pader habang may linyang intim sa bawat sulok nito. Ang sabi sa 'kin ng sekretarya niya, talagang pinasadya ni Travis ang kulay ng opisina para sa 'kin dahil akala niya lalaki ako. 

Kinuha ko ang aking cellphone dahil bigla itong tumunog. Tiningnan ko muna kung sino ang tumawag at nang mapagtanto ko na si Zia ito ay kaagad ko itong sinagot.

"How was your first day?"

Lumapit muna ako sa glass window bago ko siya sinagot.

"Maayos na man. Tulad ng inaasahan ko, hindi niya inaakalang ako at si Flare ay iisa." sagot ko dito habang tinatanaw ang malalaking building na makikita mula sa aking kinalalagyan.

"Mabuti na man at hindi ka pinaalis? Alam mo naman kung gaano siya ka-arte pagdating sa'yo." natatawang saad ni Zia kaya napangisi ako.

"Sa tingin mo aalis ako kapag pinaalis niya 'ko? Masyadong mahal ang pamasahe papuntang Italya kung uuwi ako ng hindi tapos ang pakay ko Zi."

At isa pa, hindi ko na ulit iiwan si Auntie lalo na't hindi maganda ang kaniyang sitwasyon ngayon.

"Sabihan mo lang ako kapag kailangan mo ang tulong ko Ally." anas ni Zia sa kabilang linya.

"May mga bagay lang na hindi pa masyadong klaro sa'kin ngayon. Parang ibang-iba sa inaasahan ko." anas ko kay Zia at muling sumagi sa isip ko ang nangyari kanina.

"Baka na man nabigla lang siya nang makita ka. Kahit na man siguro ibang tao magugulat kapag nalaman na yung ex-wife ko at yung critic na hinahabol ko iisa." saad ni Zia pero hindi pa rin ako kumbinsido sa sinabi niya.

"I know pero parang wala siyang alam sa inihanda kong divorce papers 7 years ago." sagot ko naman dito kaya natahimik siya.

"Don't worry, ako na ang bahala sa sarili ko. I know any minute from now pupunta ang tauhan ni Travis dito kaya iu-update na lang kita kapag may bagong nangyari dito." sagot ko at tinapos ang tawag.

Muli ko munang pinasadahan ang kabuuang hitsura ng opisina bago napagdesisyunang maupo. Base sa pagkakakilala ko kay Travis, hindi siya mapipirmi kung hindi niya alam ang tunay kong pakay dito, kaya paniguradong gagawa siya ng hakbang upang maobserbahan ako.

Saglit lang akong naupo pero napatingin ako sa pintuan nang may kumatok doon. Sumilay ang ngisi sa aking labi nang mapagtantong si Chad ito.

Susubukin na naman ang acting skills ko.

"Long time no see Chad Biazon!" masiglang bati ko dito at ngumiti na man siya ng pilit.

Marami na talaga ang nagbago. Pati ang pakikitungo niya sa 'kin ibang-iba sa Chad na nakilala ko 7 years ago.

"Good Morning Allyson. Long time no see." saad nito at tumango lang ako bilang tugon. Sinenyasan ko itong umupo pero umiling lang siya at kaagad sinabi ang kaniyang pakay.

"I just want to invite you to have some coffee with me. Alam mo na medyo matagal na rin simula noong umalis ka." saad nito.

Kabisado ko na ang bawat galaw nilang dalawa kaya pumayag ako sa alok niya. Hindi rin naman masamang sumama kay Chad dahil malapit sila ni Travis at alam kong makakarating kay Travis ang pag-uusapan namin.

Napili ni Chad ang pinakamalapit na coffee shop mula sa kompanya dahil baka raw magalit si Travis kapag nalaman niyang nakipagkita ako sa kaniya. Pinilit ko na lang aking sariling maniwala para naman hindi masaktan ang pride niya.

"You're really a grown up woman now Allyson." panimula ni Chad habang pinapaikot ko ang kutsara sa aking kape. Ramdam na ramdam ko na man ang titig nito sa 'kin kaya ibinaba ko ang aking kape at tiningnan ito.

"Bakit mukha ba akong bata dati?" pabiro kong sagot dito at kita ko na man na medyo napahiya siya dahil kumamot ito sa kaniyang batok.

"Hindi naman ganun ang ibig kong sabihin. Hindi kasi ako makapaniwala na si Flare at ikaw ay iisa." saad niya kaya ngumiti ako.

Hindi rin ako makapaniwala na matapos nila akong apihin dati, magagawa pa rin nila'ng humarap sa 'kin na tila wala silang ginawang masama.

"Hindi naman siguro ako nagbago. Nagkaroon lang ako ng ibang pangalan pero ako pa rin naman si Allyson." anas ko dito.

"You've changed Ally. Napakalakas ng awra mo ngayon, yung tipong ang hirap mong abutin." seryosong saad nito at tiningnan ako ng seryoso na tila may ginawa akong kasalanan sa kaniya.

Biglang kumulo ang dugo ko sa sinabi niya kaya umayos ako ng upo at tiningan ito ng seryoso.

"I guess so. Hindi mo ba matandaan 7  years ago kung gaano ako naghirap at napahiya sa lahat ng tao? Kilala ako ng lahat bilang isang sikat na designer pero bigla itong napalitan ng mabahong pangalan dahil sa walang kwentang paratang at higit sa lahat itinakwil ako ng sarili kong asawa kaya siguro nagbago ako para may mukha akong ihaharap kay Travis." saad ko dito at napainom naman siya ng kape.

"Alam mo ba na palagi ako sa Italy? Hindi ko lang alam kung bakit hindi kita nakita kahit isang beses man lang. Edi sana nakumusta kita doon." anas nito habang ang mga mata nito ay puno ng awa.

Pinakaayaw ko sa lahat ang mga taong kinaaawaan ako. Hindi ko gustong maging mahina sa harap ng iba dahil sigurado akong aapihin lang nila ako. At isa pa, hindi ko makakalimutan na wala kahit isa ang tumulong sa 'kin dati.

"Alam kong pumupunta ka sa Italya kaya minabuti kong magtago ng mabuti para hindi mo 'ko makita." sagot ko dito at napakunot naman ang noo niya.

"Edi para mo na ring sinabi na guilty ka sa ginawa mo? Don't get me wrong ha kasi I think hindi mo naman kailangang magtago kung inosente ka sa paratang nila." patanong na sagot niya. Minabuti kong ikalma ang aking sarili para ipakitang hindi ako basta-bastang magagalit sa simpleng usapan.

"Kung nagpakita ako dati, edi hindi mo 'ko makikita ngayon bilang Flare. I'm still in the process of recovering kaya minabuti kong magtago muna. Baka kasi maulit ang pagkawawa niya sa 'kin dati." sagot ko at muli naman siyang napasimsim ng kape.

"Will you leave this time?" diretsong tanong nito kaya napaatras ako sa aking upuan at napatingin sa kaniya ng seryoso.

"Alam kong wala kang tiwala sa 'kin. Hindi naman kita masisisi dahil pitong taon akong nawala at basta-basta na lang akong nagpakita sa inyo pero huwag kang mag-alala, hindi ako tulad ng inaakala mong kontrabida sa buhay ni Travis kaya irerespeto ko ang iniisip mo. " anas ko dito at natahimik naman siya. Bumuntong hininga muna ako bago magpatuloy upang ipakitang nasasaktan ako sa ginagawa nila ngayon.

"Alam ko rin na ipinadala ka ni Travis para malaman ang pakay ko. Masyado mong ginalingan ang pagpapanggap kaya hindi ako magtatanim ng galit sa ginawa mo ngayon. " anas ko at nanatili lamang siyang tahimik.

"Pero pakiramdam ko hindi niya na 'ko kilala. Wala akong nakuhang balita tungkol sa kaniya kaya gusto ko sanang itanong sayo ng harapan. Ano ang nangyayari kay Travis?" tanong ko at lumapit ng bahagya sa kaniya.

Uminom muna ito ng kape bago humarap sa akin. Para siyang kinakabahan pero hindi ko na lang ito pinansin at sa halip ay hinintay ang susunod nitong sasabihin.

"Wala namang nangyari kay Travis. Alam mo naman kung gaano kasakit ang maiwan 'di ba? Siguro nasaktan lang talaga siya sa pag-alis mo kaya sinubukan niyang kalimutan ka." sagot nito sa 'kin pero hindi niya magawang tumingin ng diretso. Hindi ko na lang ito pinansin at sa halip ay nag-isip ng paraan upang magtiwala sa'kin si Chad.

"Alam kong ipinadala ka niya upang malaman ang pakay ko kaya sasabihin ko ang motibo ko kung bakit ako bumalik ngayon." sumimsim muna ako ng kape bago ako magpatuloy sa pagsasalita. "Bumalik ako upang ayusin ang pagsasama namin ni Travis. Wala akong planong kunin ang pinaghirapan niya o 'di kaya ay ang iwan siya. Sabihin mo sana sa kaniya na ang relasyon namin ang pakay ko."

Tumango lang ito at kunot noong tumingin sa 'kin.

"Sabihin mo nga Chad kung isa ba akong desperada sa gusto ko? Hindi naman siguro masamang balikan ko ang asawa ko 'di ba?" tanong ko ulit dito. Ibinaba niya ang kaniyang kape at nalilitong tumingin sa 'kin.

"Hindi ko naman kasi hawak ang puso ni Travis at isa pa hindi ako si Travis kaya hindi makakatulong ang opinyon ko sa relasyon niyo."  sagot nito kaya napatango ako. May punto naman siya pero malapit siya kay Travis kaya siguradong makikinig sa kaniya si Travis 'pag nagkataon.

"Kumusta naman si Travis matapos niya akong makita?" tanong ko dito at lumapit ng bahagya sa kaniya.

"Kita mo naman siguro kung gaano ka niya kamuhian 'di ba? Sa tingin mo ba ayos lang siya matapos mo siyang iwan at kahit isang sulat man lang galing sa 'yo hindi mo ginawa?" masungit na sagot ni Chad sa 'kin pero hindi ko ito pinansin dahil mas nanaig sa 'kin ang ginawa nila pitong taon na ang nakakalipas.

"Sa tingin mo ba hindi ako naghirap Chad? Ikaw ang nag-iisang matalik na kaibigan ni Travis kaya alam mo naman siguro ang daloy ng relasyon namin. Alam mo rin siguro na siya na lang ang nag-iisang taong kinakapitan ko matapos mawala ang magulang ko pero ano? Itinakwil ako ng sarili kong asawa Chad pero bumalik pa rin ako para ayusin ang nangyaring gusot dati. Wala akong kasalanan pero mismong asawa ko hindi ako pinaniwalaan at ang mas masakit, yung ituring niya 'kong malas sa buhay niya na kailangan niyang itapon. Kaya walang kahit sino man ang may karapatang sumbatan ako sa ginawa ko dahil sarili ko lang ang inaasahan ko." buong lakas kong sagot dito at sinabayan ng konting luha.

Tiningnan ko naman ito at mukha naman siyang naniwala dahil biglang naging malungkot ang ekspresyon nito at dali-daling kumuha ng tissue. Marahan ko naman itong tinanggap at pinunasan ang luha ko.

"I'm so sorry Ally. Bilang kaibigan ni Travis hindi mo maiaalis sa 'kin ang mag-alala sa kalagayan niya. Hindi naman ako tutol sa gusto mo lalo na't may karapatan ka sa kaniya dahil asawa ka niya. Ang akin lang naman, huwag ka na ulit mawawala sa buhay niya dahil baka sa susunod hindi na buhay ang babalikan mo." saad nito at ininom ang natitirang kape.

"Ikaw na ang bahalang iparating kay Travis ang gusto ko. Sana ngayon ay maging kakampi kita sa laban kong 'to."  saad ko at tumango naman siya.

"Ano kayang ginagawa ni Travis ngayon?" wala sa sarili kong tanong kaya napainom si Chad ng kape.

Travis P.O.V

Pagkaalis ni Chad ay eksaktong dumating ang mga abogado ng kompanya kaya hindi na ako nag-aksaya ng oras dahil baka mas lalong lumala ang sitwasyon ngayon. Mahirap na't tuso ang babaeng 'yon. Sana na man magtagumpay si Chad sa inutos ko at nang mapaalis na namin si Allyson.

"Good morning. Siguro naman alam niyo na kung bakit ko kayo pinatawag lahat dito. Nasisiguro kong tiningnan niyo ng mabuti ang ibinigay kong papeles bago kayo pumunta dito." panimulang bati ko at naunang umupo na sinundan naman nila.

Isang abogado ang nagtaas ng kamay. Siya raw ang magiging boses ng lahat dahil iisa lang ang nakikita nilang sitwasyon. Binigyan ko ito ng permisong magsalita kaya tumayo ito.

"You should give her the property Mr. Tan. Ito lang ang choice na safe ka at ang kompanya." saad nito kaya naibato ko sa kaniya ang folder na malapit sa 'kin.

"Abogado ba talaga kayo? Hindi niyo ba naisip kung gaano ka importante sa 'kin at sa pamilya ko ang kompanya na 'to tapos sasabihin niyo na ibigay ko na lang sa kaniya dahil lang sa divorce agreement na 'yun? Maging abogado na man kayo kahit ngayon lang!" malakas na bulyaw ko at lahat sila ay napatungo.

Ito ang kompanyang ibinigay sa 'kin ng mga magulang ko bago sila pumanaw kaya ito ang pinaka-importante sa buhay ko maliban sa lola ko. Mawala na ang lahat sa 'kin huwag lang ang kompanya na 'to.

"Wala tayong magagawa sa bagay na 'yan Mr. Tan. Alam namin kung gaano ka importante ang kompanyang ito pero ayon sa marriage law, dapat mong ibigay ang kalahating properties mo sa ex-partner mo. Hindi rin namin gusto ang mangyayari pero wala po tayong magagawa Mr. Tan." saad ng babaeng abogado kaya galit akong napatingin sa kaniya.

"Ibig mong sabihin, bibigyan ko siya ng kalahati sa lahat ng ari-arian ko? Nahihibang ka ba? Hindi ko siya bibigyan kahit piso!" singhal ko dito at natahimik naman siya.

Tiningnan ko silang lahat at lahat sila ay tinitingnang mabuti ang folder na ibinigay ko.

"Ayusin niyo ang problemang 'to kung gusto niyo pa ang trabaho niyo. Hahanap ako ng bagong mga abogado kung hindi niyo kayang ayusin ito. Huwag kayong uuwi sa bahay niyo kung hindi niyo ito naayos!" saad ko at akmang tatayo na nang biglang magsalita ang isang batang abogado.

Siguro naman hindi niya ako bibigyan ng sakit sa ulo sa sasabihin niya dahil kapag walang kwenta ang sinabi niya, siya ang uunahin kong tanggalin.

"Mr. Tan, if I'm not mistaken may iba pa pong paraan. Kung mapapatunayan na ang iyong asawa ay may itinatagong lalaki, wala siyang magagawa kung hindi ang itigil ang paghingi ng parte sa iyong ari-arian." saad nito at medyo nagdiwang ang aking sarili.

Bumuntong hininga muna ako upang maibsan ang inis ko. Akala ko pa naman madali lang ang ideyang ibibigay niya. Hindi ko nga masundan ng maayos ang babaeng 'yon tapos hahanapan ko pa ng lalaki at isa pa napakahirap kausap ni Allyson kaya imposible ang ideya niya.

"Huwag na muna nating ipagpatuloy ang meeting na 'to at baka lahat kayo ay mawalan ng trabaho. Sana sa susunod na pagkikita natin ay mabigyan niyo 'ko ng magandang ideya at hindi puro pa ligoy-ligoy. Huwag niyong sasayangin ang oras ko kung gusto niyong hindi mawalan ng trabaho." anunsiyo ko at hinilot ang aking sintido.

"Ihatid mo silang lahat sa labas." utos ko sa aking sekretarya na agad naman niyang sinunod.

Ipinikit ko muna ang aking mga mata para maikalma ang inis ko. Mahirap na at baka magkaroon pa ako ng maling desisyon na papabor kay Allyson.

"Stress ka ata?" napatingin ako sa nagsalita at nang mapagtantong si Chad lang pala ay ipinikit kong muli ang aking mga mata.

"Anong nangyari sa inutos ko sa 'yo?" nakapikit na tanong ko sa kaniya.

"Hindi ko akalain na magbabago si Allyson. Ibang-iba siya sa nakilala kong Allyson dati kaya medyo nahirapan ako sa pakikipag-usap sa kaniya." saad nito kaya napabuka ako ng mata at tiningnan ito ng seryoso.

Akala niya ata nagsisinungaling ako at talagang hindi ko lang kaya ang ugali ni Allyson kaya ko nasabi sa kaniya na mahirap siyang kausap.

"So hindi mo nalaman ang tunay na pakay niya? Masyado ng panget ang araw ko Chad kaya huwag mo ng dagdagan pa. Nakikiusap ako." saad ko dito at napangiti naman siya bago may kinuha sa sahig at inilagay sa aking harapan.

"Ang sinabi ko lang naman mahirap siyang kausapin pero hindi ko sinabing wala akong baong impormasyon sa 'yo." saad nito at ipinakita sa 'kin ang laman ng box.

Puno ang box ng mga gamit na halos puro para sa couple kaya napatingin ako sa kaniya na puno ng pagtataka.

"Ano na naman 'to? Huwag mong sabihin na nagiging bakla ka at gusto mong makipag couple sa 'kin?" kunot noong tanong ko dito pero binatukan niya 'ko kaya galit akong napatingin sa kaniya.

"Sinuri ko talaga ang bawat kilos niya at masasabi ko na talagang ikaw ang pakay niya Travis. Wala sa plano niya ang kunin ang mga ari-arian mo o di kaya ay ang purmirma sa divorce paper na hinanda mo. Nararamdaman ko na mahal na mahal ka ni Allyson kaya siya bumalik ngayon. Huwag mo masyadong higpitan ang sarili mo dude, sumasakit ang ulo ko sa inyong dalawa ng asawa mo." puno ng pagmamahal na saad ni Chad.

Nandidiri akong napatingin sa kaniya. Matagal na kaming magkaibigan pero ngayon ko lang nakita kung gaano siya ka romantiko at talagang nakakasuka ang kalagayan niya.

"Dalawa lang naman ang rason kung bakit ka naniwala sa sinabi niya. Una, magaling siyang umarte o di kaya ay talagang tanga ka lang para maniwala sa sinabi niya." anas ko dito at inilihis ang paningin sa kahon.

Sino ba naman kasing maniniwala sa sinabi niyang rason? Makalipas ang pitong taon, ngayon lang naisipang magpakita sa asawa? Hindi ko nga alam na buhay pa pala siya kung hindi naikwento ni Chad. Mabuti na lang talaga at hindi agad ako naniniwala sa mga bagay-bagay hanggat hindi naipapakita sa 'kin ang pruweba.

"Napaka-arte mo naman kasi Travis. Babae na nga yung lumalapit sa 'yo at isa pa isang sikat na personalidad ang asawa mo kaya anong inaakala mo? Bigla na lang siyang uuwi sa Pilipinas para kamustahin ka? Kung ako si Allyson malamang hindi na ako bumalik sa ugali mo." sagot niya sa 'kin at kinalkal ang laman ng kahon.

"Bakit ba kinakampihan mo ang babaeng 'yon? Ikaw nga ang may sabi na hindi siya karapat-dapat sa mga ari-arian ko tapos ngayon ipinagtutulakan mo 'ko sa babaeng 'yon." anas ko dito at bahagyang inilayo ang kahon.

Hindi ko alam kung paano binilog ni Allyson ang ulo ni Chad at talagang nakuha niya ang simpatya nito. Kahit anong pilit ko sa sarili ko wala akong maalala tungkol sa kaniya kaya hindi ako papayag na magkabalikan kami ng estrangherong 'yon.

"Hindi basta isang babae si Allyson, Travis. Asawa mo si Allyson kaya kung ako sa 'yo huwag ka ng pakipot." pangangaral niya sa 'kin pero hindi ko ito pinansin at sa halip ay nagbukas ng bagong topic.

Kaibigan ko ba talaga 'to? Puro Allyson na lang ang bukambibig niya at kung makareto kay Allyson parang napakaganda naman.

"Nakausap ko na ang lahat ng abogado. Medyo nasayang ang oras ko pero binantaan ko sila na magbigay ng mas epektibo at madaling plano kung gusto nilang manatili sa trabaho nila." saad ko dito.

Sandali naman itong natahimik at pagkatapos ay ibinalik sa aking harapan ang dala niyang kahon.

"Paumanhin kung bilang assistant mo ay wala akong naitulong sa 'yo pero dahil sa kahon na 'to, sigurado akong maaalala mo ang matamis niyong kahapon ni Allyson. Nasa loob ng kahon na 'to ang lahat ng ibinigay niyo sa isa't isa noong nilalanggam pa kayong dalawa." saad nito at dali-daling umalis kaya wala akong nagawa kung hindi ang sumandal sa upuan ko at hilutin ang aking sintido. Wala talaga akong maalala kung sino siya sa buhay ko kaya malabong magkaroon ako ng tiwala sa kaniya.

Hindi maaaring maunahan ako ni Allyson sa kung ano man ang plano niya laban sa 'kin. Hindi dapat ako maupo dito at hintayin na makuha lahat ni Allyson ang pinaghirapan ko.

Kinuha ko ang aking cellphone at dinial ang numero ni Chad. Nakailang ring pa ito bago niya sinagot. Inutusan ko itong samahan ako sa pago-obserba kay Allyson at dahil likaw sa kaniya ang pagiging chismoso, ilang minuto pa ay nakarating na siya sa tabi ko.

"Sigurado ka ba sa plano mo? Baka magkagusto ka sa asawa mo niyan at ikaw pa mismo ang maghabol sa kaniya." pabirong saad niya pero binatukan ko pa rin ito.

"Umayos ka nga Chad. Hindi ko kailan magugustuhan ang babaeng 'yon kaya samahan mo 'ko sa paghahanap ng baho niya at nang tuluyan ko na siyang mapaalis sa buhay ko." saad ko kay Chad at naunang lumabas ng meeting room.

"Halos lahat ng lalaking nagsalita ng ganiyan, nahulog sa kinaiinisan nila kaya hindi na ako magtataka kung matutulad ka sa kanila." komento ni Chad pero hindi ko na lang ito pinansin at binilisan ang lakad.

Hindi naman siguro ako mahuhulog sa isang pandak at masungit na babae. Wala sa bokabularyo ko ang maging taken kaya alam kong ligtas ako sa sinabi ni Chad.