Chapter 9.2: Awkward

Magkasabay na naglakad si Raymond at Franco patungo sa classroom at pagpasok pa lang nila, ingay ng mga kaklase nila ang bumungad. Hinanap agad ng mga mata ni Raymond si Dennis at nakita niyang natutulog sa desk nito. Inabot niya kay Franco ang nakasukbit na gitara at lumapit sa pwesto ni Dennis.

Kahit hindi niya pwesto ang katabing upuan nito, umupo si Raymond doon at minasdan muna si Dennis. Hindi man lang ito nagising kahit na may kalakasan ang pagkakaupo niya. O iyon ang akala niya.

"Ano't bumalik ka?" Hindi man lang inangat ni Dennis ang ulo pero narinig ni Raymond na nagsalita ito.

"W-wala lang!"

May kabagalan na umayos ng upo si Dennis at tumingin sa kanya. "Anong balak mo sa project natin?"

"Kanta ka, ako maggigitara," sagot niya.

Sandaling nag-isip si Dennis. Mayamaya ay tumango ito. "That will do. But w