CHAPTER 29:

Sinipat ko ang noo at leeg nito. Inaapoy siya sa lagnat, napapitlag ako ng hawakan nito ang kamay ko. Mahigpit siyang nakahawak 'don kaya hindi kuna binawi ang kamay ko.

Hindi ako nakaidlip. Sobrang taas ng lagnat ni Well, parang pinapaso 'din ang balat ko dahil katabi ko ito. Ramdam ko ang panginginig ng katawan niya.

Hindi ko alam kong anong gagawin ko.

May naiisip akong paraan, pero hindi ko alam kong okay ba 'yon?

Muli kong sinipat ang noo at leeg niya. Halos mapaso ako sa sobrang init niya.

Nagdadalawang-isip akong tumayo at pinatay ang ilaw.Paulit-ulit akong huminga ng malalim bago hinubad ang suot kong damit.

Panty at bra na lang ang natirang saplot sa katawan ko. Nag-ipon ako ng lakas ng loob para humiga ulit sa tabi niya.

Ilang beses akong napalunok bago ko siya niyakap. Mariin akong napapikit, ano ba 'to?

Mahigpit ko siyang niyakap, sobrang nanginginig ang buong katawan nito.

Ilang minuto kong hinintay ang pagkalma ng panginginig ng katawan niya, unti-unti na 'ding bumababa