Chapter 10

Napakabilis ng mga pangyayari simula ng basahin ang last will and testament ni Senyor Jaime hanggang ngayon hindi siya makapaniwala na iyon ang nilagay na kondisyon ng matanda bago mailipat kay Damian ang buong ari-arian ng mga Dela Cuesta. Sinubukan niya’ng tanungin si Mama Adelaida subalit maging siya ay walang ideya bakit ganoon ang naging kondisyon ng asawa nito. Bagaman sabi niya ay wala siya’ng tutol doon at sang-ayon siya sa naging pasya ng esposo niya.

Pero iba ang naging dating noon kay Damian lalo na at may kasalukuyan itong kasintahan, si Nicole. Galit na galit ito sa kanya at hinusgahan siya na sinadya niya ang iyon na mangyari. Pero god knows! Wala siya’ng alam sa mga nangyari. Kung maaari nga lang ba niya sumbatan at itanong ito sa yumaong senyor ay ginawa na niya.

Wala eh huli na ang lahat. Nakasaad na sa testamento ang mga dapat gawin at mangyari. Oo aaminin niya na ang kabilang bahagi ng puso niya ay nagdiwang sa nalaman pero ang kabila naman ay may pagaalinlangan at