Kabanata 16

Hindi maawat ni Freya ang bilis ng tibok ng puso niya. Matiyaga niyang hinihintay ang pagbuka ng bibig ni Yael. Kinakabahan siya sa posible nitong itanong at hindi lang iyon basta kaba dahil abot-langit din ang takot na kaniyang nararamdaman sa ngayon.

"Mommy, may kakambal po ba si daddy?"

Tila umurong ang dila ni Freya sa tanong na iyon ng kaniyang anak. 'He saw him,' aniya sa isip.

Lumuhod si Freya para magpantay ang mga mata nila ni Yael. Hinawakan niya ito sa balikat at saka niyakap nang mahigpit.

"Mommy, bakit ka po umiiyak? May nasabi po ba akong hindi maganda?" nag-aalalang tanong ni Yael. Tinapik niya ang balikat ni Freya.

"Wala anak. Naalala lang ni mommy si daddy mo. Naalala ko 'yong happy moments namin noon at kung paano kami pinaglayo ng tadhana." Pinahid ni Freya ang kaniyang mga luha at saka humarap kay Yael. Hinaplos niya ang buhok nito. "Walang kakambal si daddy mo, anak. Nag-iisa lang siya," aniya. Ayaw na niyang dagdagan ang kasalanan niya sa anak niya. Ayaw na niyan