FIVE:

“Vladimir! Ano ang ginagawa mo?” muli ay tanong ng bagong dating.

Lumapit ito sa kanila.

“Vladimir, bata ka oo. Sino ang nagbigay sa iyo ng pahintulot na suriin ang mga pasyente ko habang wala ako?” galit na tanong ng doktora sa lalaki, kaya mas lalong nalito si Aliah.

Hanggang sa balingan na siya ng doktora.

“Binibini, pagpasensyahan mo na ang anak ko. Pumunta lang ako sa banyo at pinakiusapan ko siyang tignan muna ang opisina ko habang wala ako pero hindi ko akalain na susuriin ka niya mismo.” paghingi ng paumanhin ng doktora sa kanya. "Hindi kasama ang diagnosis niya ngayon, hayaan mong i-diagnose kita ulit!"

"?!" wala na halos alam sabihin si Aliah sa sinabi ng doktora. Natahimik siyang nakatingin na lang sa doktora.

Ahh?! Anong nangyari?!

Napasulyap naman si Vladimir sa kanya, at ang makitang gulat at pagtataka niyang ekspresyon, hindi nito mapigilan ang pagtaas ng sulok ng kanyang labi ng isang ngiti. Ngunit hindi nito iyon ipinahalata. Saka naman nito binalingan ang doktorang ina.

"Ma, hindi na kailangan ng anumang pagsusuri. Nagawa ko na ang masusing pagsusuri para sa kanya. Dahil matagal na akong kasama mo, may alam na akong mga pangunahing kaalaman sa medisina."

Nagulat si Ivana.

Hindi niya mapigilang magtaka dahil ito ang unang beses na hinayaan nito ang isang babaeng makalapit dito. At hindi lang simpleng paglapit kundi hinawakan pa mismo ni Vladimir. At ang malala ay sinuri pa talaga nito ang pasyente sa maselang bahagi ng katawan nito.

Bagama't nakaramdam si Ivana ng kakaiba sa kilos ni Vladimir, hindi na niya muna iyon masyadong binigyan ng pansin. Sa halip kinuha ni Ivana ang ulat ng diagnos na isinulat nito sa pasyente niya at sinimulang basahin.

Pagkalipas ng ilang sandali matapos basahin ni Ivana ang ulat sa kalagayan ni Aliah. Napasulyap si Ivana kay Aliah. Hindi makapaniwala sa naging kalagayan niya matapos niyang makipagtalik.

“Ms. Salvador, bilang doctor ay ang maipapayo ko sayo ay iwasan ang ganitong kalalang aktibidad. Hindi ba alam ng iyong kasintahan na kontrolin ang kanyang sarili at ang tanging inisip ay sariling kaligayan at hindi na inalala ang iyong mararamdaman.” panimula ng doktor na pagsabihan si Aliah dahil sa sobrang naging aktibidad ng pakikipagniig niya.

At hindi naman niya masabi na ang lalaking nakaniig niya ang lalaking nasa harap nila ngayon na anak nga ng doktor na kumakausap sa kanya.

“Anong klaseng lalaki ang kasintahan mo, para siyang hayop sa ginawa niya sayo.” dagdag pa ni Ivana dahilan para maubo si Vladimir. “Hindi makatao ang kalse ng paggalaw niya sayo. Ms. Salvador, sabihin mo sa kasintahan mo na maging maingat na susunod. At kung hindi ka niya kayang galangin, ayaw ko naman sanang makialam pero mas mabuting makipaghiwalay ka sa ganung klaseng lalaki.” mahabang paalala at payo nito sa kanya.

Muling naubo si Vladimir na hindi na gustong marinig pa ang masasakit na salitang ibinabato nito sa kanya kahit hindi naman nito alam na siya na ang lalaking tinutukoy nito.

“Ma, tama na iyan. Itigil mo na ang panenermon sa kanya, pinapahiya mo lang ang iyong pasyente,”

“Hindi sa ipinapahiya ko siya, sinasabihan at pinapaalalahan ko lang siya na mag ingat na sa susunod at hindi niya deserve ang tratuhin ng ganito.” sagot naman ni Ivana kay Vladimir.

Dahil hindi na rin matagalan ni Aliah ang mga sinasabi sa kanya ng doktora ay minabuti na niyang pumagitna sa mag ina.

“Doktora, naiintindihan ko po. Kaya maaari po ba kayong magreseta ng gamot para sa akin?" gusto na niyang tapusin ang pagpapakunsulta niya. Nakakahiya na sa harap nilang mag ina.

Ayaw na niyang magtagal pa!

Nahalata ni Ivana na nahihiya si Aliah, kaya tumigil siya sa pagsasalita at tumango.

"Sige, magrereseta ako ng gamot na pampahilom. Mabuting pahiran iyan tatlong beses sa isang araw ng hindi maempeksyon. At tandaan mo, hindi ka dapat makipagtalik sa loob ng isang linggo, o mas mabuting sa loob ng isang buwan para sa agarang paggaling at ng hindi na lumala pa ang pamamaga.” Muling paalala ni Ivana habang isinusulat ang reseta nito para sa kanya.

Tumango si Aliah.

"Sige po, naiintindihan ko, doktora."

Niresetahan ni Ivana ng gamot si Aliah. Kinuha ni Aliah ang reseta at nagmamadaling lumabas, na parang may mabangis na halimaw sa likuran niya na hahabol sa kanya.

Hindi naman napigilan ni Ivana ang mapabuntong-hininga.

"Napakagandang bata, napakaamo ng kanyang mukha at halatang napakamasunurin. Paano siya nagawang abusuhin ng halimaw na kasintahan nito ng ganun.” mahinang saad pa ni Ivana na nakatingin sa pinto kung saan nagmamadaling lumabas si Aliah. “Kung ako ang magulang niya ay sisiguraduhin kong ipapabugbog ko sa papa mo ang lalaking gumawa nito sa kanya.” dagdag pa niya sabay sulyap kay Vladimir na halatang nasamid sa sinabi niya.

"Ma, bakit mo naman idadamay pa si papa dito. At kung magkaganun man, siguradong hindi tatanggi si papa sa iuutos mo sa kanya.” sagot ni Vladimir sa ina na ang tingin ay sa direksyon ng pinto kung saan lumabas si Aliah. “Hindi na rin ako magtatagal ma, aalis na ako.” at agad siyang nagpaalam kay Ivana.

“At saan ka pupunta, halos kadarating mo lang ah.” tanong pa nito sa kanya. “Pinapunta kita dito para makilala mo si Dra. Martin. Kadarating lang niya galing sa ibang bansa. Maganda, matalino. Higit sa lahat, single pa rin siya. Makipagkita ka sa kanya; baka magkasundo pa kayo. At ng makapag-asawa ka na.”

"Saka na natin iyan pag usapan, ma. May mahalaga pa akong aasikasuhin ngayon kaysa sa walang kwentang pakikipagkilala sa kakilala niyo.” sagot ni Vladimir at bago pa makasagot at mapigilan siya ng kanyang ina ay nagmamadali na siyang lumabas ng opisina nito.

Napailing naman si Ivana na napasunod na lang ang tingin sa kanyang panganay na anak.

"Hoy, batang 'to, labis akong nag-aalala tungkol sa’yo, hindi mo ba pwedeng pakinggan man lang ang mga plano ko kahit ngayon lang? Napakabait na tao ni Dra. Martin, siguradong magugustuhan mo siya kapag nakilala mo siya!"

Gayunpaman, malayo na ang nalakad ni Vladimir at hindi na niya ito marinig.

Nasa trabaho pa rin si Ivana at walang ibang magawa kundi ang panoorin ang pag-alis ng kanyang anak. Ilang beses na rin niyang inihanap ito ng babaeng ipapakilala dito ngunit lahat ay tinanggihan nito. Walang nagustuhan kahit na kanino. At ang inaalala niya ay may naibabalitang may karelasyon pang lalaki ito kaya mas lalo siyang nag aalala.

Hindi niya matanggap na ang panganay nila ni Janus ay lalaki ang gusto nito. At hindi niya iyon hahayaang mangyari. Kaya hindi siya tumigil na ipareha ito sa iba’t ibang mga magagandang babae. Pero sa kasamaang palad ay hanggang ngayon ay tila wala pa rin itong nagugustuhan kahit isa.