FOUR:

Lumabas si Vladimir, natural na napatitig siya sa maamo at inosesnteng mukha ng babaeng kaharap niya ngayon.

“It’s her!” sa loob loob ni Vladimir.

Nagsalubong ang mga mata nila.

Napansin niyang hindi makatingin sa kanya ang babae.

“Anong maipaglilingkod ko sayo?” seryosong tanong ni Vladimir dito na nagpasyang huwag na lang muna itong usisahin sa nangyari sa kanila ng nagdaang araw.

Napansin kasi niya na hindi mapakali ang babae kaya mas mabuting tanungin na ito kung ano ang kailangan nito. At dahil sa gynecologist ang doctor na hanap nito ay alam na niya ang pakay nito.

Kapansin pansin din ang pamumula ng mukha nito at pilit na umiiwas sa kanya ng tingin.

Nang hindi ito magsalita ay humakbang na siya at naupo. Kumuha na papel at ballpen.

“Pasensya na, nagkamali yata ako ng pinasukan. Ang pagkakaalam ko ay babaeng doctor ang haharap sa akin at doktora Ivana Gray ang pangalan niya.” sabi ng babae sa kanya na halatang nais ng umalis ng sabihin iyon sa kanya.

“Hindi ka nagkamali. Tama ang silid na pinasukan mo. Mayroon lamang siyang mahalagang pinuntahan sandali at nakisuyo siya sa akin para humarap sa kanyang mga pasyente.” sagot naman niya dito. “Maupo ka.” kuway utos na niya dito.

Nagdadalawang isip naman ang babae kung uupo ba ito o aalis na lang.

“Marami pang susunod na pasyente kaya kung ayaw mong maghintay sila ng matagal ay maupo ka na. Huwag kang magsayang ng oras.” muli ay sabi ni Vladimir. Mas naging seryoso ito.

Walang nagawa si Aliah kung ang hindi maupo.

“Anong pangalan mo?” tanong na ni Vladimir.

Napalunok pa si Aliah bago sumagot.

“Aliah Salvador.”

“Ilang taon ka na?” tanong ulit ni Vladimir matapos isulat ang pangalan nito.

“20 na ako.” muli namang sagot ni Aliah.

Lihim na gumuhit ang ngiti sa labi ni Vladimir dahil hindi na niya aalalahanin na ginalaw niya ang babae sa pag aakalang minor de edad pa ito. Muli siyang nagpatuloy sa pagtatanong.

“May asawa?”

“Wala,”

“May kasintahan?”

“Wala rin.”

Napaangat na ang mukha niya mula sa isinusulat sa huling sagot nito. Napatitig ulit siya kay Aliah.

“Kung wala kang asawa o kasintahan? Ano ang ipinunta mo dito? Bakit ka magpapacheck up?” muli ay tanong ulit ni Vladimir.

Nais maging propesyonal ang kilos sa harap ng babae.

Ngunit sa naging tanong niya ay muli lang namula ang pisngi ni Aliah. Kaya sa isip ni Vladimir ay tama siya ng hinala na magpapacheck up ito dahil sa nakipagtalik nga ito sa kanya.

"Anong mga problema sa kalusugan ang mayroon ka?"

Mas nailang si Aliah dahil lalaking doctor nga ang kaharap ngayon. Hindi si Doktora Gray na inaasahan nitong kaharap.

"Medyo masakit ang parteng iyon ng mga binti ko..." halos hindi lumabas sa bibig iyon ni Aliah. Nahihiya na talaga siya.

Sa sinabi ni Aliah ay bahagyang humigpit pa ang pagkakahawak niya sa ballpen. Muli siyang napatitig dito.

“Saang eksaktong parte ng iyong binti?”

Napahawak pa si Aliah sa kanyang damit. Pagkatapos nitong sabihin iyon, hindi napigilan ng mga pisngi na lalong mamula sa hiya.

Pero walang ipinakitang anumang mali sa panlabas na reaksyon si Vladimir ang kanyang tingin ay nanatiling nakatuon kay Aliah.

"Saang parte ba talaga?" Muli niyang tanong dito.

"..." napalunok na lang muli si Aliah. Hindi niya maibigkas ang bagay na iyon.

Hindi niya mailalarawan ang bahaging ito...ng bahaging iyon?

"Ito ay...ito lang..." mas lalo siyang nahiya. Parang gusto na lang nitong lumubog mismo sa kinauupuan ng huwag ng humarap kay Vladimir.

Tiningnan ni Vladimir ang mukha ng babae, na namula ng husto. Taas baba ang kanyang adams apple sa hindi mapigilang paglunok habang nakatitig kay Aliah.

Bumalik sa alaala niya kung paanp niya halikan ang mapupula nitong labi ng gabing iyon. Biglang may bumangong apoy, hindi maipaliwanag na kati at hindi maipaliwanag na init sa lalamunan niya.

Pinigilan niya ang kanyang magulong emosyon at muling nagtanong.

"Ano ang sanhi nito?"

"..." kahit ibuka ni Aliah ang kanyang bibig ay walang boses na lumalabas.

"Sex life?"

Hindi nagsalita si Aliah, ngunit tumango ito nang may pamumula parin sa mukha.

Tumayo si Vladimir sa pagkakaupo.

“Mahiga ka, take off your underwear and cover yourself with the blanket.” Seryosong utos na ni Vladimir kay Aliah.

Dahilan para lalo itong mapako sa kinauupuan.

…..

“Huh!” hindi na halos kumurap si Aliah ng marinig ang sinabi ni Vladimir.

Ano na lang ang iniisip nito sa kanya ngayon? Wala siyang asawa, ni wala siyang kasintahan pero magpapascheck-up siya sa bahaging iyon ng katawan niya at sa mismong lalaki pang nakakuha ng virginity niya ang titingin sa kanya.

“Do I need to repeat it?” muli ay narinig niyang sabi nito sa kanya.”Kung hindi ka hihiga paano masusuri ang sinasabi mong masakit sayo?

Napalunok ulit si Aliah. At inipon ang lakas para makapagsalita.

“H-hindi ba pwedeng babaeng doktor ang titingin sa akin? Pwede ko bang hintayon si Doktora Gray?”

Napatitig ito sa kanya.

“There is no time for your second thought. If you really want to know the cause of the pain you are feeling right now, lay down and remove your underwear. Or do you want me to help you to remove it?”

.”P-pero…” hindi na naituloy ni Aliah ang pagrereklamo ng makitang wala namang espesyal sa tingin nito.

Seryoso at malamig lang tingin nito sa kanya na tila nga walang naalala sa nangyari sa kanila. Kaya bago pa ito muling mag utos sa kanya na nahiga ay nagtungo na nga siya sa kama. Nagtago sa likod ng kurtina at tinanggal na ang kanyang underwear bago unti unting nahiga sa kama.

Siguro nga sanay na ang lalaki sa ganitong pagkakataon. Dahil isa nga naman itong doktor. Marami na siguro itong naging pasyente at hindi lang siya nag iisang babaeng titignan nito.

“Lift up your knee and open your legs,” muli ay narinig nga niyang utos nito habang nagsusuot na nga ng guwantes.

Nakatakip na sa ibabang bahagi ng katawan niya ang puting kumot. Magpaganun pa man ay hindi niya talaga maiwasang makaramdam ng hiya.

Bubukaka siya sa harap ng lalaking umangkin sa kanya ng ilang beses noong nakaraang gabi.

Mariin na lang na pumikit si Aliah ng pumuwesto na si Vladimir sa may paanan ng kama. Naramdaman na lang niya ang marahang pag angat ng kumot. Naramdaman niya ang kamay nitong sumagi sa kanyang hita hanggang sa damahin na nito ang kanyang pagkababae.

Napapiksi pa siya na parang may bultahe ng kuryente ang agad na kumalat sa kanyang mga ugat. Naisip niya na ganito na ang reaksyon niya sa paghawak nito sa kaselanan niya at ano na lang kaya kung wala itong suot na guwantes.

“M-masakit.” muli siyang napapiksi ng maramdaman ang hapdi sa bahaging iyon ng kaselanan niya ng suriin iyon ni Vladimir. Kagat ang labi niyang iminulat ang mga mata at napatingin sa doktor.

“Mmmm,” tanging narinig niya mula dito na ilabas ang ulo nito sa ilalim ng kumot kung saan ito sumilip sa kanyang kaselanan sa pagsusuri nito.

Tumayo at inalis na ang guwantes sa kamay nito.

“D-doktor, a-anong sakit ko?” hindi na niya mapigilang tanong dito, kinakabahan.

Ngunit hindi na siya ganun kinakabahan dahil sa makitang doktor ang lalaking umangkin sa kanya ay sigurado namang malinis ito at walang sakit.

Nakita niyang bumuka ang bibig nito ngunit hindi na natapos ang gustong sabihin ng may biglang tumawag sa pangalan nito.

“Vladimir! Anong ginagawa mo?” tanong ng bagong dating.

Sabay pa silang napatingin ng lalaki sa nagsalita.

At ng makita niya ito ay hindi na niya pwedeng tanungin kung sino ito. Dahil ito sana ang doktor na haharap at titingin sa kalagayan niya.