THREE:

Mahimbing na nakatulog si Vladimir.

Matagal na siyang hindi nakaranas ng ganitong komportableng tulog.

Marahil ay dahil sa nangyari kagabi, dahil sa babaeng kayakap niya ng magdamag. Naging komportable ang pakiramdam niya sa balingkinitan at malambot na katawan ng babae. Idagdag pa ang natural na bango nito na nanuot sa kanyang pang amoy na tila nakapagpahipnotismo sa kanya.

Kaya naman nakatulog siya nang mahimbing at payapa.

Gayunpaman, nang magising siya, walang laman ang kaniyang mga braso. Ang babaeng nakasama niya ng magdamag ay wala ng bakas na iniwan.

Huli nang mapagtanto ni Vladimir na tinakasan siya ng babae. Balak pa naman sana niya itong kausapin ng masinsinan ngayong umaga ngunit hindi na pala niya ito mabubungaran paggising niya.

Umakyat ang galit niya. Hindi niya nagustuhan na tinakbuhan siya ng babae na siyang naging unang karanasan niya.

“Damn you, woman.” gigil na napamura siya at galit na bumangon.

Kinuha ang kanyang telepono at tinawagan ang kanyang personal assistant.

"Sanny, dalhan mo ako ng malinis na damit dito room 921!" utos niya kay Sanny.

Pagkatapos niyang tawagan ito ay bumangon na siya at naghanda para maligo.

Pagbangon niya, napansin niya ang kaunting pulang bahid sa puting kumot.

Nagdilim ang mga mata ni Vladimir; kunot ang noo niya. Ito ang unang karanasan ng babae at siya rin ang nakauna dito.

Ilang sandali pa ay mabilis na lumitaw si Sanny sa presidential suite na may dalang malinis na damit.

Nakita nito ang mga damit ng boss nito na nakakalat sa sahig, ang mga kumot sa kama ay magulo, at hindi nakaligtas sa pang amoy ni Sanny ang masangsang na amoy kaya nahulaan na agad nito ang nangyari kay Vladimir.

Hindi maipagkakaila na labis na nagulat si Sanny. At agad na gumana ang isip nito na sa unang pagkakataon ay nalaman niyang mayroon na itong ginalaw na babae. Sa tagal ni Sanny na kasama si Vladimir bilang assistant wala pa nga itong nasasaksihan na ganitong eksena. Pero ngayon…

Sinong babae ang may ganoong kakayahan para masira ang tila mga pangako ng isang dakilang bachelor na walang balak itong magpakasal at lalong hindi interesado sa mga babae.

Bumukas ang pinto ng banyo.

Lumabas mula sa loob si Vladimir na nakasuot na lang ng itim na roba na iniwang nakabukas at nakatapis ng puting tuwalya ang kaselanan niya. Tumutulo pa ang tubig sa buhok nito.

Hindi nakaligtas sa paningin ng assistant niya ang naiwang kalmot at mga marka ng halik at ngipin sa matipuno niyang dibdib at sa kanyang mga abs. Nagpapakita lang na naging mainit ang naging pakikipagtalik niya sa babaeng nakasama magdamag.

Namula si Sanny at mabilis na iniwas ang tingin sa kanya.

"Um, boss, ang damit mo..." sabay abot naman sa kanya ang dala nitong damit.

Kinuha ni Vladimir ang bag na naglalaman ng mga damit na walang ibang namutawi sa bibig niya.

"Tingnan mo ang security footage at alamin mo kung sino yung babaeng sumulpot sa kwarto ko kagabi." ilang sandali pa ay utos ni Vladimir kay Sanny.

"President, hindi mo nga kilala kung sino ang babaeng iyon?" lalong nagulat si Sanny sa utos niya dito.

Kumunot ang noo ni Vladimir.

"Kung alam ko ba, kailangan mo pa bang mag-imbestiga?" balik tanong na sagot niya sa tanong nito.

Hindi kasi maalis sa isip ni Vladimir na isa sa mga kasosyo niya sa negosyo ang may pakana ng lahat ng nangyari kagabi. At isa sa kanila ang nag utos sa babae para akitin siya at hindi naman sila nabigo sa pagkakataong ito.

Gayunpaman, wala siyang ebidensya, kaya dapat itong imbestigahan nang mabuti para hindi na siya mabibigla na bigla na lang susulpot isang araw sa harap niya ang babae at sabihing panagutan niya.

"Naiintindihan ko, titingnan ko agad, boss."

Tinawagan ni Sanny ang manager at hiniling dito na tingnan ang surveillance footage ng hotel.

Pero mahinang sinabi ng manager na sira ang mga surveillance camera sa palapag na ito at hindi pa naaayos.

Samakatuwid, imposibleng malaman kung sino ang pumasok sa silid ni Vladimir.

Bagama't hindi nasiyahan si Vladimir, hindi niya inutusan ang sinuman na ipagpatuloy ang imbestigasyon.

Iisipin na lang niya na iIsa lamang babaeng naka-one-night stand niya; hindi na niya kailangang gumugol ng masyadong maraming oras sa pag-iimbestiga sa babaeng iyon.

Sabihin man na nakita niya ang imbedensya na unang karanasan ng babae ang pakikipagniig sa kanya ay hindi pa rin niya iyon gagawing dahilan para pag aksayahan niya ng kanyang oras.

…..

Nakatulog naman ng mahimbing si Aliah hanggang kinabukasan.

Ngunit pagkagising niya ay nakaramdam siya ng bigat ng katawan. Nanakit ang ulo niya at nakaramdam siya ng pagkahilo.

Gayunpaman, hindi lang iyon ang masakit sa kanya dahil ng kumilos siya para bumangon ay sumidhi ang sakit sa balakang niya at sa kanyang pagkababae.

Pinilit pa rin niyang kumilos ng normal. Nang makatayo ay hindi na nga siya makapaglakad ng maayos.

Naipilig niya ang kanyang ulo. Dapat ay papasok siya sa trabaho ngayon, pero ano kaya ang iisipin ng mga kasamahan niya kung makita siyang ganito?

Matapos mapag-isipan ang gagawin, tinawagan ni Aliah ang kanyang supervisor at humingi ng isang araw na pahinga.

Uminom siya ng gamot na pampababa ng lagnat at naghanda ng simpleng almusal.

Pagkatapos ng almusal, nagplano na siyang pumunta sa ospital para sa isang check-up.

Natatakot siya na baka may sakit ang lalaki kagabi, at mahawaan siya kung ano man ang sakit nito.

Isinumpa pa niya ang sarili, hindi na siya iinom ulit ng ganoon karami. Dahil sa pag inum niya ay nakagawa siya ng bagay na hindi dapat niya dawin.

Kung magkasakit talaga siya dahil sa pakikipagniig niya sa lalaking iyon ay talagang isa iyong malaking dagok ng buhay niya.

Dahil sa pag aalala kung ano ba ang maaring makuha niyang sakit ay naghanap pa siya ng impormasyon online at ganun na lang ang panlulumo niya sa sarili ng mabasa ang mga posebleng sakit na dadapo sa kanya.

Nahabag siya sa kanyang sarili. Kaya bago pa lumala ang lahat ay nagpasya na talaga siyang magtungo ng ospital para maagapan sakali mang may sakit nga ang lalaking iyon.

Gumawa si Aliah ng espesyal na appointment sa isang senior na babaeng gynecologist na mas matanda at mas may karanasan.

Matapos ang halos kalahating oras na paghihintay sa pila, sa wakas ay tinawag na ang numero niya.

Gayunpaman, pagpasok niya, hindi niya nakita ang punong manggagamot. Nakita niya ang puting kurtina na tumatakip sa kama sa gilit, sa tabi ng bintana. Nililipad ng hangin ang kurtina kaya nasulyapan niya ang isang anino mula doon.

Naisip niya na iyon na ang doctor.

Maingat na lumapit si Aliah at tinawag nga ang doktor.

"Doktor?"

Sandaling tumigil ang pigura sa likod ng kurtina, pagkatapos ay itinaas ang kurtina at dahan-dahang lumabas.

Pagtingala, agad na nanlaki ang mga mata ni Aliah nang makita niya ang guwapong mukha lalaking doctor na kaharap niya.

“Why is it him?” sa loob loob niya.