Chapter Eleven

Pakiramdam niya nanuyo ang kanyang lalamunan sa narinig. Ni hindi niya napansin ang tinutukoy nitong cellphone nung nasa pantry room sila sa naibigay niya rito. Hindi niya lubos maisip na hindi lang ang sinasabi niya ang tinatandaan nito, kung 'di maging ang gamit niya.

Kinapa niya ang kanyang mga bulsa at mabilis na inalala kung saan niya nailagay ang company issue phone sa kanya. Nang maalala ay muling sinalubong ang mga mata ng binata na mataman lamang naghihintay sa kanyang kasagutan.

"Naiwan ko sa manager's office, Xan," pag-amin niya saka kinuha ang cellphone mula sa binata at naging mabilis ang mga kamay sa pag-scroll ng kanyang screen.

Nang makita ang hinahanap, ay agad niyang pinakita sa binata ang kanyang company number. Ayaw niya sanang ibigay rito ang kanyang personal number pero huli na ang lahat.

Ayaw niya na ring mag-isip pa o pagalitan ang sarili sa naging pagkakamali. Kailangan niyang yakapin ang katotohanan na hindi pa siya makakawala mula sa masamang plano ng