Chapter 7

Chapter 7: “My wife”

"Jana?" Sinubukan kong kunin ang kamay ko sa pagkakahawak niya pero hindi ko iyon nakuha, mahigpit ang pagkakahawak niya kaya akala ko gising pa siya.

Noong tinignan ko siya ay nakapikit na ang mga mata nito. Katulad ng pwesto namin noong nakatulog din siya sa'kin, nakaupo ito sa hita ko. Nakasandal ang likod niya sa'kin at nakapikit na ang mga mata at parang mahimbing na ang tulog. Nag-uusap lang kami e tapos sabi niya kantahan ko siya, biglang nakatulog. Nakatulog ba siya dahil sa boses ko? Hindi naman maganda ang boses ko? Siguro inaantok na siya kakaantay kay Khalil.

Nilapag ko siya sa kama ko— kama namin ni Khalil bago humiga sa tabi niya. Itinukod ko pa ang isang siko ko sa unan at ipinatong ang ulo ko sa kamay ko. 

"Paanong nakayanan ng nanay mo na iwan ka? Ang sweet at ang bait mo na bata. Sa tingin ko rin ay may pera naman ang nanay mo, makakayanan