Chapter 22: Loyalty

Chapter Twenty-two - Loyalty

Mabilis natapos ang araw. Nakahinga naman ako nang maluwag dahil hindi na gumawa ng eksena pa si Amethyst. Magaling siyang umarte at napapaniwala niya ang mga taong nasa paligid niya. She helped to plan the engagement of Maximillian and I na parang gustong-gusto niya talaga. After that, umalis na rin kaagad sila at nagpaalam na babalik ulit.

“Nanggigil talaga ako doon sa Amethyst na ‘yon! Diyos ko po! Ang yabang at ang arte!” bulalas ni Serenity.

“Naiinis din ako sa kaniya. Parang wala si Juli sa bahay at hindi man lang niya ito pinapansin. Para siyang may sariling mundo,” saad ni Athanasia at nagulat naman ako dahil minsan lang siya magsabi kapag ayaw niya sa isang bagay o sa isang tao.

“Hayaan niyo na. Huwag niyo na lang pansinin,” nakangiti kong saad.

“Masyado kang mabait, Juli. Dapat lumaban ka e! Naririndi tenga ko sa kaniya kanina. Hindi maka move on?! Hindi naman siya ang papakasalan kundi ikaw!”

“Kahit na. Bast huwag niyong ipapakita ang ganiyang