Tiago 13

ANGELO

LUNES ng umaga ay naging abala kami sa paglilinis ng kumbento. Lahat ng mga kasama namin sa loob na kapwa ko tinutulungan ng simbahan ay nagtatrabaho ng kanya-kanya na ayon sa iniatas sa amin ng aming mga tagapangalaga.

Natalaga ako sa paglilinis ng confession area kung saan ay doon nagkukumpisal ang mga tao sa pari.

Kasama ko si Abel ngunit inutusan siya na magtrabaho sa likod ng simbahan kasama pa ang iba. Kaya naman, mag-isa ko lamang talagang naglilinis dito ngayon.

Sa aking pag-iisa ay tila ba natakot ako nang makarinig ako ng mga yabag na tila ba papalapit sa akin.

Tumingin ako sa paligid, ginagap ko ng aking mga kamay ang walis tambo upang anytime na mayroong gagawa ng masama sa akin ay makalaban man lang ako.

Napalunok ako nang wala akong makita, ngunit naramdaman kong mayroong naupo sa loob ng isang cubicle kung saan ay doon nagkukumpisal ang mga tao.

Kabado man ay dahan-dahan akong lumapit upang kumpirmahin ang presensya ng kung sino man ang naroon ngayon.

Dahan-daha