Chapter 24

Aira's POV

Naalimpungatan ako at nagising dahil sa isang ingay. May tila kung anong meron sa sala o sa labas ng bahay. Tumayo ako at kinuha ang cellphone ko para magsilbing ilaw ko. Lumabas ako ng kwarto at pinagmasdan ang madilim na paligid. Nagtungo ako sa sala at sa terrace nang bigla akong makarinig ng pag- iyak mula sa kusina.

Lumapit ako para makilala kung sino iyon. Madilim ang paligid at tanging ilaw mula sa labas ang nagsisilbing liwanag sa buong kusina.

"K-kaya ko p-pa," pilit na sambit ng isang boses habang umiiyak.

Lumapit ako lalo sa pinto ng kusina para matignan kung sino siya.

"So-rry ha". Boses ni ate Mika iyon.

Gusto kong lumapit pero tama na siguro muna na makinig nalang ako dito at hayaan muna siya na mapag- isa.

Nakita ko na nilalagyan niya ng yelo ang braso niya at ginagamot ang labi niya. Nakasuot siya ng strap dress at nakatali ng buns ang buhok niya.

Maganda pa rin si Ate Mika kahit nasa dilim...